PA ciddi antidevalvasiya mexanizmlərinin anonsunu verdi

Tarix: 23.12.2015 / 02:50
Bölmə: İqtisadiyyat

Qulu İsmayılov: "Mənə elə gəlir ki, bu istiqamətdə bütün zəruri addımlar atılacaq"

"Dövlət qurumlarının həmin sahələrə yersiz müdaxiləsi halları ilə mübarizə sərtləşməlidir"

Azərbaycan Prezidentinin ictimai-siyasi məsələlər üzrə köməkçisi Əli Həsənov manatın qiymətinin ucuzlaşması ilə bağlı yaranmış vəziyyətə aydınlıq gətirib və bildirib ki, devalvasiyanın qaçılmaz olan mənfi fəsadlarını yeni bazar mexanizmləri ilə kompensasiya etmək üçün Azərbaycan hakimiyyəti bütün lazımi tədbirləri görəcək:

"Bildiyiniz kimi, Azərbaycan hakimiyyəti milli valyutamızın sabit qalması üçün dünənə qədər mümkün olan bütün addımları atdı və tədbirləri gördü. Baxmayaraq ki, əksər neft istehsal edən ölkələr, o cümlədən Azərbaycanın yaxın ticarət və iqtisadi tərəfdaşları, MDB ölkələri öz pul siyasətlərinə xeyli əvvəl dəyişiklik etmişdilər. Mütəxəssislər yaxşı bilir ki, müdaxilə yolu ilə valyutanın sabitliyinin qorunması dövlətə nə qədər çətin itkilər hesabına başa gəlir. Lakin o da bəllidir ki, "üzən kurs"a keçid də çəmiyyət üçün itkisiz başa gəlmir və özü ilə bir çox sosial-iqtisadi problemlər gətirir, dövlətin daxili həyatına, ictimai rəyə mənfi təsirsiz ötüşmür.

...Bir sözlə, dünyadakı iqtisadi böhran, Azərbaycanın ən yaxın ticarət tərəfdaşlarının milli valyutalarının sərbəst buraxılması, üstəlik beynəlxalq konyunktura, neftin kəskin ucuzlaşması və s. Milli Bankın son qərarını qaçılmaz edib. Lakin bu o demək deyil ki, hakimiyyət bu prosesi öz axarına buraxıb heç bir tənzimləyici mexanizmdən istifadə etməyəcək. Hökumətimiz ilk növbədə, çalışacaq ki, sosial müdafiəyə ehtiyacı olan vətəndaşlar üçün bu prosesi maksimum ağrısız etsin. İndiki şəraitdə daxili istehsalın stimullaşdırılması, kölgə iqtisadiyyatının hələ də haradasa qalan digər sahələrini - monopoliyaları, korrupsiya hallarını, sahibkarların fəaliyyətinə süni maneələr törədilməsini və s. aradan tam qaldırmaq üçün bütün addımlar atılacaq. İndiki mərhələdə əsas məqsəd devalvasiyanın qaçılmaz olan mənfi fəsadlarını yeni bazar mexanizmləri ilə kompensasiya etməkdir. Və vətəndaşlarımız əmin olsunlar ki, Azərbaycan hakimiyyəti bunun üçün bütün lazımi tədbirləri görəcək".

Azərbaycan hakimiyyəti devalvasiya zərərini kompensasiya etmək üçün daha hansı zərui addımları ata bilər?

İqtisadçı Qulu İsmayılov qəzetimizə açıqlamasında bildirdi ki, dünyada gedən iqtisadi kataklizmlərin fonunda manatın kursunu qoruyub saxlamaq çətin idi: "Bu qaçılmaz proses Azərbaycan əhalisinin gəlirlərinə ciddi təsir edib. İlin əvvəlində olan devalvasiyanın üstünə bunu da gəlsək, bu, 80 faiz çivarında manatın dəyərdən düşməsi deməkdir. Artıq dövlət rəsmiləri də vəziyyətin ağırlığını etiraf edir. Dünyada gedən iqtisadi böhran və neftin qiymətinin kəskin azalması belə bir vəziyyət yaradıb. Amma bütün bunlar heç də o demək deyil ki, hakimiyyət hansısa kompensasiya tədbirlərinə əl atmayacaq. İlk növbədə əmək haqlarına, müavinətlərə, pensiyalara artım edilməlidir. Sonra sərbəst bazarı tənzimləyən mexanizmlərdən biri olan gömrükdəki vəziyyətə yenidən baxılmalıdır ki, monopoliya halları aradan qaldırılsın. Ölkə daxilində istehsalı, azad sahibkarlığı stimullaşdıran bütün iqtisadi maneələr aradan qaldırılmalıdır. Dövlət qurumlarının həmin sahələrə yersiz müdaxiləsi halları ilə mübarizə sərtləşməlidir. Artıq bu istiqamətdə hakimiyyətin islahatlara start verdiyi nəzərə çarpır. Dünən İlham Əliyev lisenziyaların sayının azadılması və həmin sahədəki çətinliklərin aradan qaldırılması ilə bağlı fərman imzaladı. Mənə elə gəlir ki, bu istiqamətdə bütün zəruri addımlar atılacaq".

Məhəmmədəli QƏRİBLİ

DİGƏR XƏBƏRLƏR

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...