Avro ilə manatın "kim-kimi məsələsi" başlayıb

Tarix: 15.08.2015 / 02:40
Bölmə: İqtisadiyyat

Vüqar Bayramov: "Bir sıra hallarda məzənnədə müşahidə olunan fərq nisbi xarakter daşıyır"

"Avrozonadakı mövcud durum Avropa pulu üçün heç də nikbinlik vəd etmir"

Son vaxtlar Azərbaycanda avronun manata nisbətən məzənnəsində artım müşahidə olunur. Avqustun 13-ü ilə müqayisədə Azərbaycanda 1 ABŞ dollarının məzənnəsi manata nisbətdə dəyişməyib.

Belə ki, Azərbaycan Mərkəzi Bankının avqustun 14-nə olan rəsmi məzənnələr bülleteninə nəzər salanda məlum olur ki, ölkədə dolların rəsmi məzənnəsi 1,0485 manat səviyyəsində qalıb.

Bivalyuta səbətinə daxil olan avronun məzənnəsinə gəlincə, manata nəzərən avrozonanın vahid valyutası 0,0009 manat və ya 0,08% artaraq 1,1693 manat olub. Analoji olaraq avqustun 12-si ilə müqayisədə Azərbaycanda 1 ABŞ dollarının məzənnəsi manata nisbətdə zəifləyib. Bütövlükdə, iyul ayından avronun məzənnəsində artım müşahidə edilir. Müşahidələr göstərir ki, avro bahalaşmağa meyllidir.

Manat devalvasiyasından sonra vətəndaşlar öz pullarını daha etibarlı valyutalarda saxlamaq barəsində düşünür. İnsanlar öz pullarını daha çox dollar, avro, funt-sterlinqdə saxlamağa üstünlük verir. Təbii ki, vətəndaş əlində olan pulun dəyərdən düşməsini istəmirsə, çalışacaq onu daha etibarlı valyutada saxlasın. Bəzi ekspertlərin fikrincə, bir il əvvəlki dövrlə müqayisədə pulun hansı valyutada saxlanmasını tövsiyə etmək çətindir. Ona görə də indi yığımları valyutaya çevirərkən daha çox ehtiyatlı olmaq lazımdır. Banklar etibarlılığını itirdiyinə görə bəzi vətəndaşların sərəncamında xeyli miqdarda sərbəst vəsait var. Digər tərəfdən də dünya valyuta bazarı hazırda siyasi qərarlara xeyli həssas olub. Belə ki, avronun taleyi Yunanıstandakı borc böhranından, Azərbaycan manatının məzənnəsi də avro və dolların məzənnələrindəki dəyişikliklərdən və neft qiymətlərindən asılı vəziyyətə düşüb.

Bütün bunların fonunda son vaxtlar avronun manata nisbətdə bahalaşması nə ilə bağlıdır?

Məsələyə münasibət bildirən iqtisadçı-ekspert Vüqar Bayramov bunu bir sıra amillərlə əlaqələndirdi. Onun fikrincə, valyuta səbətində avronun payının artması köhnə qitə pulunun kursunun manata təsir etməsinə səbəb olur: "Ona görə də manatın məzənnəsinin son günlərdəki azalması neftin dünya bazar qiymətinin dəyişməsi ilə əlaqələndirilməməlidir. Təbii ki, neftin dünya bazar qiyməti ölkəmiz üçün vacibdir. Ancaq onun monetar təsirləri çox qısa deyil, ortamüddətli dövrdə özünü göstərir. O baxımdan da yaxın günlərdə avronun məzənnəsinin dollara nisbətən möhkəmlənməsi davam edərsə, o zaman milli valyutamız da ABŞ pulu qarşısında dəyər qazanacaq. Avronun zəifləməsi davam etdiyi halda isə dollar yenidən Azərbaycan bazarında nisbi möhkəmlənəcək. Avrozonadakı mövcud durum isə heç də Avropa pulu üçün nikbinlik vəd etmir.

Ona görə də bütün bunlar bu və ya digər dərəcədə bir-birilə bağlıdır. Bir sıra hallarda məzənnədə müşahidə olunan fərq nisbi xarakter daşıyır və aradakı fərq elə də böyük olmur. Yəni dollar bahalaşanda avronun dəyəri aşağı düşür, avro bahalaşanda dolların dəyəri aşağı düşür. Hesab edirəm ki, neftin qiyməti qalxsa, o zaman manat digər valyutalar qarşısında möhkəmlənəcək. Başqa bir tərəfdən, proseslərin gedişindən çox şey asılıdır".

Vidadi ORDAHALLI

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...