Bank müştəriləri ilə kredit mübahisələri yeni bir qurumun yaradılması ilə nəticələnə bilər

Tarix: 15.08.2015 / 03:16
Bölmə: İqtisadiyyat

Samir Əliyev: "Maliyyə ombudsmanı institutunun yaradılması banklara da problemi qısa müddətdə həll etmək şansı verəcək"

"Son dövrlər əhali ilə banklar arasında yaranmış narazılıq belə institutun aktuallığını daha da artırır"

Banklarla müştərilər arasında yaranmış mübahisələr məhkəməyə getmədən öz həllini tapa bilər. Məsələ ondadır ki, Banklar Assosiasiyasının təklifi reallaşarsa, yəni maliyyə ombudsmanı yaradılarsa, bu mümkün olacaq. Hazırda kredit alanların sayı 2 milyon nəfərdən çoxdur. Bu isə banklarla bir o qədər müştəri arasında potensial mübahisə deməkdir.

Məhz bu mübahisələrin uzun və məsrəfli məhkəmə proseslərinə gedib çıxmaması üçün maliyyə ombudsmanı vacib struktur sayılır.

Banklar Assosiasiyasının sədri Zakir Nuriyevin sözlərinə görə, əsas məqsəd maliyyə ombudsman institutunun yaradılmasıdır: "Eləcə də banklarla müştərilər arasında meydana çıxa biləcək mübahisələrin məhkəmədən kənar qaydada məhz maliyyə ombudsmanın köməyilə həll edilməsi və banklarla müştərilər arasında daha çox etimadın formalaşdırılmasına nail olmaqdır".

O da məlumdur ki, ölkənin dinamik sosial-iqtisadi inkişafı əhalinin işgüzar fəallığının əsaslı dərəcədə yüksəlməsinə, xüsusən də maliyyə sektorunda müxtəlif əməliyyatların genişlənməsinə səbəb olub. Bunun fonunda bəzən müqavilə əsasında maliyyə xidmətlərindən istifadə edən vətəndaşlar qanuni hüquq və mənafelərini qorumaqda çətinlik çəkir. Maliyyə sektoru təmsilçilərinin bir çox hallarda lombard, sığorta və nağdsız ödəniş şirkətləri, habelə bəzi banklarla bağlı narazılıqlarının əsasında da məhz bu amillər dayanır.

Bütövlükdə ekspertlər bunu necə dəyərləndirir? Bunun hansı müsbət effektləri ola bilər?

Məsələyə münasibət bildirən iqtisadçı-ekspert Samir Əliyevin sözlərinə görə, Assosasiya tərəfindən belə təşəbbüsün olması müsbət haldır: "Son dövrlər əhali ilə banklar arasında yaranmış narazılıqlar belə institutun aktuallığını daha da artırır. Bəzən əks arqument gətirilir ki, maliyyə ombudsmanının yaradılması problemi həll etməyəcək. Ancaq gəlin, məsələnin başqa tərəfinə baxaq. Bu gün əsas problem hüquqları pozulan insanların müraciət edə biləcəkləri ünvanın olmamasıdır. Müştərilər bilmir kimə üz tutsun. Banklara müraciət edirlər, əlbəttə, banklar maraqlı tərəf olduğundan, obyektiv qərar çıxarmayacaq. Məhkəmə vasitəsilə problemi həll etmək isə, əlavə vəsait tələb etməklə yanaşı, çox uzun və üzücü prosesdir. Hələ nəzərə alaq ki, maliyyə savadı olmayan müştəri bank hüquqşünası qarşısında haqlı olduğunu sübut edə biləcəkmi? İkincisi, müvafiq institutlar olmadan biz zəruri mexanizmləri qura bilmərik və nəticə də olmayacaq. Əvvəl institutları qurub, sonra onların işləməsinə səy göstərməliyik. Razılaşın ki, ən pis işləyən institutun belə olması onun olmamasından yaxşıdır. Ən azı, cəmiyyətin müqaviməti qarşısında hansısa addımlar atılır. Üçüncüsü, insan haqları üzrə ombudsman institutundan fərqli olaraq, maliyyə ombudsmanı proseslərə siyasi qiymət vermir. Bu isə Azərbaycan reallığında əsas meyardır. Bir məsələni də nəzərə almaq lazımdır ki, maliyyə ombudsmanının yaradılması heç də bankların əleyhinə yönəldilmiş bir aksiya deyil. Hətta banklar bu məsələdə maraqlı olmalıdır. Çünki məsələnin məhkəməyə qədər uzanmasında bəlkə də müştəridən çox banklar maraqlı deyil. Əlavə xərclər, vaxt itkisi və əlavə işçinin prosesə qoşulması banklar üçün əlverişli deyil.

Ona görə banklar problemin tez həllində maraqlı olur. Təsadüfi deyil ki, Rusiyada ombudsman institutu məhz Banklar Assosiasiyası tərəfindən yaradılıb. Maliyyə ombudsmanı institutunun yaradılması banklara da problemi qısa müddətdə həll etmək şansı verəcək. Ən nəhayət, proses institutun yaradılması ilə yekunlaşmamalıdır. "İstehlak kreditləri haqqında" qanun qəbul edilməlidir. Bir çox ölkələrdə belə qanun var".

Vidadi ORDAHALLI

DİGƏR XƏBƏRLƏR

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...