Prezident Azərbaycanın tam ərzaq təhlükəsizliyinin real vaxt qrafikini təyin etdi

Tarix: 14.08.2015 / 03:28
Bölmə: İqtisadiyyat

Zakir Əhmədov: "Azərbaycan yüz faiz daxili istehsal hesabına özünü ərzaq məhsulları ilə təmin edə bilər"

"Torpaqların vaxtında becərilməsi, gübrələnməsi, iqlim və torpaq şəraitinə uyğun..."

"Bu gün artıq Azərbaycanda 20-yə yaxın iri fermer təsərrüfatı fəaliyyət göstərir və bu təsərrüfatlarda məhsuldarlıq ölkə üzrə orta məhsuldarlıqdan ən azı 2 dəfə yüksəkdir. Hektardan 50-60 sentner məhsul götürülür. Bax, budur yeni yanaşma və bizim siyasətimiz".

Bunu Prezident İlham Əliyev Cəlilabad rayonuna səfəri çərçivəsində Alar-Təzəkənd-Üçtəpə-Əliqasımlı-Cəfərxanlı avtomobil yolunun açılışında sakinlərlə görüşü zamanı bildirib. Dövlət başçısı bu il Azərbaycanda "Kənd təsərrüfatı ili" elan edildiyini xatırladaraq, bol məhsul götürüldüyündən şad olduğunu bildirib: "Bu il kənd təsərrüfatı 7 faizdən çox artıb. Hər bir ölkə üçün ərzaq təhlükəsizliyi ən vacib məsələlərdən biridir. Biz Azərbaycanda bu məsələləri həll edirik. Çalışırıq ki, Azərbaycan öz ərzaq tələbatını 100 faiz səviyyəsində özü təmin etsin. Buna nail olmaq üçün bütün imkanlar var - torpaqlar, texnika, ondan sonra dövlət tərəfindən ayrılan vəsait. Subsidiyalar, gübrələr, yanacaq verilir. Eyni zamanda, "Aqrolizinq" xətti ilə texnika təmin edilir. Yəni dövlət öz üzərinə götürdüyü bütün öhdəlikləri yerinə yetirir. Fermerlər də bu imkanlardan səmərəli şəkildə istifadə etsinlər ki, kənd təsərrüfatı daha da sürətlə inkişaf etsin".

Dövlət başçısı Azərbaycanın öz ərzaq təhlükəsizliyini yüz faiz səviyyəsində təmin edə biləcəyinə tam əmin olduğunu vurğulayıb: "Hesab edirəm bu məqsədə çatmaq üçün bizə bir neçə il lazımdır. Çünki bizim düşündüyümüz siyasət, regionlara qoyulan investisiyalar, eyni zamanda, son vaxtlar aparılan islahatlar ərzaq təhlükəsizliyini tam şəkildə təmin edəcək. Hesab edirəm ki, digər sahələrdə də eyni yanaşma olmalıdır, nəyi özümüz istehsal edə biliriksə, istehsal etməliyik".

Ümumən son illər Prezidentin diqqət və qayğısı sayəsində kənd təsərrüfatının inkişaf etdirilməsi istiqamətində bir sıra işlər görülür. Fermerlərə verilən subsidiyaların həcmi artırılır, texniki yardım göstərilir, prosedur və yardım mexanizmi sadələşdirilir. Bir sıra regionlarda üzüm plantasiyaları ilbəil genişləndirilir, çayçılığa diqqət artırılır. Bir sıra ərzaq məhsullarına olan tələbatı Azərbaycan daxili istehsal hesabına təmin edir. Bütün bunların fonunda, Azərbaycanın öz ərzaq təhlükəsizliyini yüz faiz səviyyəsində təmin edə biləcəyi nə dərəcədə realdır?

Məsələyə münasibət bildirən ekspert Zakir Əhmədovun sözlərinə görə, Prezidentin bununla bağlı səsləndirdiyi fikirlər real əsaslara söykənir: "Məsələ ondadır ki, Azərbaycan ərzaqa olan tələbatını yüz faiz daxili istehsal hesabına təmin etmək potensialına malikdir. Baxmayaraq ki, torpaqların müəyyən hissəsi Ermənistanın işğalı altındadır. Azərbaycanın əlverişli iqlimi, münbit torpaqları buna imkan verir. Sadəcə lazım olan odur ki, kənd təsərrüfatı məhsullarının becərilməsində yüksək aqrotexniki qaydalara əməl edilsin. Təəssüflər olsun ki, fermerlərin heç də hamısı buna əməl etmir. Torpaqların vaxtında becərilməsi, gübrələnməsi, iqlim və torpaq şəraitinə uyğun məhsuldar toxumların əkilməsi imkan verir ki, daha çox məhsul istehsal edilsin. O cümlədən, ətlik və südlük cins mal-qaranın ölkəyə gətirilərək bəslənməsi buna imkan verir. Təbii ki, onlara yüksək səviyyədə qulluq göstərmək şərtilə. Digər tərəfdən, ərzaq təhlükəsizliyini təmin etmək üçün şoranlaşmış torpaqların bərpa olunmasına, bir sözlə, həmin torpaqların rekultivasiyasına ciddi ehtiyac var. İllərlə torpaqların müəyyən bir qismi şoranlaşaraq səhralaşıb. Hesab edirəm ki, müasir suvarma və drenaj sisteminin qurulması problemin həllini sürətləndirə bilər. Bütün bunlar kompleks şəkildə öz həllini tapsa, Azərbaycan 100 faiz daxili istehsal hesabına özünü ərzaq məhsulları ilə təmin edə bilər.

Vidadi ORDAHALLI

DİGƏR XƏBƏRLƏR

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...