İpoteka şərtlərində gözlənən yumşalma mənzil qiymətlərini artıra bilər

Tarix: 12.08.2015 / 02:24
Bölmə: İqtisadiyyat

Pərviz Heydərov: "Əsas hədəf o olmalıdır ki, mənzillərin qiyməti məhz süni amillər nəticəsində yaranmasın və "şişməsin""

"Yalnız o zaman ipoteka kreditləşməsi şərtlərinin yüngülləşdirilməsi də əsas məqsədə xidmət edəcək"

İpoteka kreditlərinin məbləğinin artırılması, faizlərin aşağı salınması ilə bağlı yeniliklərin tətbiq olunacağı tarix açıqlanıb. Belə ki, Mərkəzi Bankın elan etdiyi ipoteka yenilikləri bu ilin payızında qüvvəyə minəcək. Yeni qaydaların tətbiqi üçün ilk növbədə qanunvericiliyə dəyişiklik edilməlidir.

Parlament isə bu məsələyə payız sessiyasında, sentyabrda baxacaq. Banklar ümid edir ki, bu proses sürətli olacaq.

"İpoteka Haqqında" Qanuna dəyişiklik olmalıdır. Bu, ipotekanın faizi, həcminin artırılmasını nəzərdə tutan dəyişiklikdir. Bu prosesdə banklar, bir növ, vasitəçi rolunu oynayır". Bunu mətbuata açıqlamasında Banklar Assosiasiyasının sədri Zakir Nuriyev bildirib.

İlkin məlumatlara görə, dəyişikliklər ipotekanın maksimum məbləğinin indiki 50 min manatdan 100 min manata qaldırılmasını, faizlərin isə adi ipotekada 6 faizə, sosial ipotekada isə 3 faizə endirilməsini nəzərdə tutur. Digər kreditlərin faizlərinə gəlincə, ilin sonuna kimi burda da eniş ola bilər. Ancaq bankirlər bəzi problemlərinin həll olunmasını vacib sayır. Z.Nuriyevin fikrincə, bir sıra prosedurlar sadələşməlidir: "Məhkəmə proseslərinin daha sadə olması, girovun reallaşdırılmasının sürətlənməsi risq marjasını və vəsaitin maya dəyərini aşağı salır. İlin sonuna kimi bununla bağlı qanunvericiliyə dəyişiklik edə bilsək, indikindən də aşağı həddə olacaq".

İpoteka ilə bağlı yeniliklərin tətbiqinin nə kimi nəticə verəcəyi maraq doğurur. Sözügedən məsələni dəyərləndirən iqtisadçı-ekspert Pərviz Heydərov hesab edir ki, ipoteka kreditləri üçün ayrılan vəsaitin həcmini artırmaq, faizləri aşağı salmaq və maksimal məbləği qaldırmaq mümkündür: "Eyni zamanda bu lazımdır. Ancaq sual olunur ki, bunun nəticəsində mənzil bazarında qiymətlərin daha da yüksəlməyəcəyinə zəmanət varmı? Təəssüf ki, yox. Məsələ ondadır ki, bizdə mənzil bazarında qiymətləri heç də tələblə təklif qaydaları müəyyən etmir və tənzimləmir. Halbuki, ölkədə mənzilə tələbat olduqca yüksəkdir. Ancaq bir var ümumi tələb, bir də var ki, tədiyyə qabiliyyətli, yəni alıcılıq qabiliyyəti olan tələbat. Ölkədə mənzilə tələbatı olanların azı 70-80 faizi qeyri-alıcılıq qabiliyyətində olandır. Ancaq buna baxmayaraq, qiymətlər bahadır. Çünki mənzil bazarı Azərbaycanda ən çox "yatırım mənbəyi" rolunu oynayır. O baxımdan ki, necə deyərlər, tikən də, alan da əslində elə eyni qrup və eyni təbəqənin adamlarıdır. Ona görə də kreditlərin həcminin artırılması qiymətlərin bir az da yüksəlməsinə şərait yarada bilər. Daşınmaz əmlakın alqı-satqısına dair bu ildən bir sıra vergi qaydalarının tətbiqi və s. kimi tədbirlər mənzil bazarından gəlir və yatırım vasitəsi kimi istifadə edənlərin bazarını, bir növ, məhdudlaşdıracaq. Ancaq əsas hədəf o olmalıdır ki, mənzillərin qiyməti məhz süni amillər nəticəsində yaranmasın və "şişməsin".

Yalnız o zaman ipoteka kreditləşməsi şərtlərinin yüngülləşdirilməsi də əsas məqsədə xidmət edəcək".

Vidadi ORDAHALLI

DİGƏR XƏBƏRLƏR

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...