Prezident xarici və yerli investorlara çağırış etdi

Tarix: 11.08.2015 / 03:22
Bölmə: İqtisadiyyat

Rəsul Cahangirli: "Turizmin inkişafına sərmayə qoyan iş adamlarına müəyyən vergi güzəştləri edilməlidir"

"Hansı daha sərfəli və səmərəli təkliflərlə çıxış edirsə, ona üstünlük verilməlidir"

"Təbii sərvətlər, neft, qaz - bunlar tükənən sərvətlərdir. Ancaq ölkəmizin dayanıqlı inkişafı üçün daim gəlir gətirən sahələr mütləq inkişaf etməlidir. Onların içərisində turizm xüsusi yer tutur".

Bu sözləri Prezident İlham Əliyev avqustun 8-də Şabran rayonunda "Qalaaltı Hotel & SPA" müalicə-istirahət kompleksinin açılışında deyib. Dövlət başçısı bildirib ki, Azərbaycanda turizmin inkişafı üçün gözəl təbii şərait var: "Biz çox xoşbəxt insanlarıq ki, belə gözəl ölkədə yaşayırıq. Xəzər dənizi, dağlar, çaylar, bulaqlar, göllər, meşələr - bütün bunlar bizdə var. Belə olan halda, turizmin inkişafı bir neçə il bundan əvvəl prioritet istiqamət kimi müəyyən edilib".

Prezident bildirib ki, hər cür şəraiti olan ölkə kimi Azərbaycan turizmi inkişaf etdirməlidir":Hər bir ölkə, xüsusilə Azərbaycan kimi belə gözəl yerlərə, təbii sərvətlərə malik ölkə mütləq turizmi inkişaf etdirməlidir. Çünki bu, daimi gəlir mənbəyidir. Təbii sərvətlər, neft, qaz - bunlar tükənən sərvətlərdir. Ancaq ölkəmizin dayanıqlı inkişafı üçün daim gəlir gətirən sahələr mütləq inkişaf etməlidir. Onların içərisində turizm xüsusi yer tutur. Biz bəzi ölkələrin gəlirlərinə fikir versək görərik ki, ən çox gəlir gətirən sahə turizmdir".

Dövlət başçısı, eyni zamanda, əcnəbi və yerli iş adamlarını Azərbaycanın turizm sektoruna vəsait yatarmağa və bu imkanlardan faydalanmağa çağırıb: "Əminəm, yerli və xarici investorlar bu imkanlardan ruhlanaraq Azərbaycanda yeni gözəl otellər, istirahət zonaları yaradacaqlar ki, həm vətəndaşlarımız, həm də qonaqlarımız bundan istifadə etsinlər".

Həqiqədən də ölkədə turizmin inkişafı üçün yerli və xarici iş adamlarının bu sahəyə sərmayə qoymasına ehtiyac var. Bütövlükdə bununla bağlı Prezidentin çağrışını ekspertlər necə dəyərləndirir?

Məsələyə münasibət bildirən ekspert Rəsul Cahangirli Prezidentin bu çağrışını alqışladığını bildirdi: "Prezidentin bununla bağlı çağırışı tamamilə məntiqli və düzgün yanaşmadır. Çünki son illər dövlət səviyyəsində infrastrukturun yenidən qurulması, bir sıra müalicəvi turist obyektlərinin modernləşdirilməsi istiqamətində xeyli işlər görülüb. O cümlədən, ilbəil tikilən otellərin sayı artmaqdadır. Turizm sahəsi elədir ki, onun inkişafı üçün vacib olan faktorlardan biri də sahibkarların həmin sahəyə sərmayə qoymasıdır. Dövlət bu istiqamətdə öz üzərinə düşən işin böyük hissəsini görüb. Belə ki, turizm üçün əlverişli olan bölgələrdə yeni yollar çəkilib, əvvəlki yollar yenidən qurulub, elektrik, qaz, su xətləri yenilənib. Bunların fasiləsiz verilməsi təmin edilib ki, bu da vacib amillərdən biridir. İndi qalır turizm sahəsinə sərmayə qoyan iş adamlarına müəyyən güzəştlərin tətbiq edilməsi məsələsi. Hesab edirəm ki, turizmin inkişafına sərmayə qoyan iş adamlarına müəyyən vergi güzəştləri edilməlidir. Ən azından, beş il sahibkarlar müəyyən vergilərdən azad edilməlidir. Bu minvalla onları bu sahəyə daha çox sərmayə yatırmağa təşviq etmək olar. Bununa yanaşı, sahibkarlar arasında maksimum rəqabət mühiti olmalıdır.

Hansı daha sərfəli və səmərəli təkliflərlə çıxış edirsə, ona üstünlük verilməlidir. Viza sistemi sadələşdirilməlidir. Bunu ötən müşavirədə Prezident də qeyd etdi. Turistlərə göstərilən xidmətin səviyyəsi artırılmalıdır. Etiraf etməliyik ki, bir sıra turizm-istirahət mərkəzlərində göstərilən servisin səviyyəsi çox aşağıdır".

Vidadi ORDAHALLI

Turizm

DİGƏR XƏBƏRLƏR

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...