Prezident ölkədə turizmin inkişafının prioritet istiqamətlərini göstərdi

Tarix: 11.08.2015 / 03:24
Bölmə: İqtisadiyyat

Qabil Hüseynli: "Bundan sonrakı dönəmdə iqtisadiyyatın sözügedən sahələrinə diqqət artırılmalıdır"

"Bir sözlə, neftdən asılılığa son qoyulmalıdır"

"Azərbaycanın bugünkü inkişafı artıq enerji resurslarından yox, qeyri-neft sektorundan asılıdır". Bu barədə Prezident İlham Əliyev Siyəzən rayonunda yeni turizm obyektinin açılışındakı nitqində bildirib. İ.Əliyev deyib ki, bu səbəbdən dövlət turizm, aqrar sənaye kompleksi kimi sferalara xüsusi diqqət göstərəcək.

"Biz nefti və qazı bir kənara qoymalı, ümumiyyətlə onları unutmalıyıq. Və gün gələcək ki, neftin qiyməti bizim üçün heç bir əhəmiyyət kəsb etməyəcək. Ona görə ki, sənaye, kənd təsərrüfatı, turizm, informasiya-kommunikasiya texnologiyaları Azərbaycanda inkişaf edir və daha da yüksək templərlə inkişaf etməlidir" - Prezident dünya bazarlarında neftin kəskin ucuzlaşmasına toxunaraq bildirib.

Dövlət başçısı turizmin inkişafında infrastrukturun mühüm əhəmiyyət kəsb etdiyini, ölkənin şəhərlərində Bakıdakı kimi müasir infrastrukturun yaradılmasının vacibliyini də qeyd edib.

Prezident İlham Əliyev Şabranda "Qalaaltı Hotel & SPA" müasir müalicə-istirahət kompleksinin açılış mərasimində də iştirak edib. Dövlət başçısına məlumat verilib ki, kompleks Azərbaycanın qədim tarixi-mədəniyyət abidələrindən olan Çıraqqalanın yanında sıldırım qayanın altında yerləşir. Dəniz səviyyəsindən 700 metr yüksəklikdə yerləşən yeni kompleks məşhur "Qalaaltı" kurortunun bazasında inşa edilib. Təxminən 7,1 hektar sahədə yerləşən kompleksdə eyni andi 354 nəfəri qəbul edə biləcək otel, villa və kotteclər tikilib.

Kompleksin otel binası ən müasir səviyyədə inşa edilib. Buradakı 171 otaq hər təbəqədən olan qonaqlar üçün nəzərdə tutulub. Oteldəki "Mənzərə" restoranı, "Lavanda", "Qala" və "Vitamin" barları qonaqların həm yüksək səviyyədə qidalanması, həm də asudə vaxtını daha maraqlı keçirməsi üçün geniş imkanlar açır. Burada SPA xidmətləri də təqdim edilir. Həmçinin hamam, sauna, türk hamamı, biosauna, masaj, buxar və ekzotik duş otaqları fəaliyyət göstərir.

Kompleksdə yerləşən tibbi mərkəz müasir avadanlıqla təchiz edilib. Burada müasir laboratoriya, rentgen və ultrasəs müayinələri üçün lazımi şərait yaradılıb. Mərkəzdə fizioterapiya, elektroterapiya, maqnitoterapiya, hidroterapiya, hidrokolonterapiya otaqları var.

Qeyd edək ki, Prezident İlham Əliyevin enerji resursları ilə bağlı işlətdiyi fikir böyük maraqla qarşılanıb. Məsələnin mahiyyətinə daha dərindən varmaq üçün politoloq Qabil Hüseynli ilə söhbət etdik. O bildirdi ki, iqtisadiyyatın qanunauyğunluğunu Azərbaycan bir dövlət olaraq əvvəldən dərk edib: "Biz bilirdik ki, neft və qaz tükənən sərvətdir. Bu gün var, sabah olmaya da bilər. Ancaq təbiətin bizə bəxş etdiyi bu nemətdən səmərəli istifadə etməli idik. Bunun üçün də Azərbaycanda qeyri-neft sektorunun inkişafına böyük təkan verildi. Neftdən gələn gəlirlər alternativ sahələrin inkişafına yönəldi. Azərbaycan elə bir ölkədir ki, burada aqrar sahədə də böyük nailiyyətlər əldə etmək olar. Həmçinin bizim turizm potensialımız da güclüdür. Neftdən gələn gəlirlərin səmərəli xərclənməsi nəticəsində Azərbaycanda gözəl və müasir turizm infrastrukturu yaradılıb. Bütün bunlar dünyada baş verən bəzi neft böhranlarından çıxarılan nəticənin əsasında edilib.

Azərbaycanda bir çox sahələrdə istehsal qabiliyyəti də gücləndirilib. Bir sözlə, neftdən asılılıq tam azaldılıb.

Bunun üçün də Prezident qeyri-neft sektorunda əldə olunan nailiyyətlərin daha da inkişaf etdirilməsinin vacibliyinə işıq salıb. Bundan sonrakı dönəmdə iqtisadiyyatın sözügedən sahələrinə diqqət artırılmalıdır. Bir sözlə, neftdən asılılığa son qoyulmalıdır".

Məhəmmədəli QƏRİBLİ

DİGƏR XƏBƏRLƏR

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...