"Ekonomiks" BİAB-ın Rusiya nümayəndəliyi yaradıldı

Tarix: 08.08.2015 / 01:50
Bölmə: İqtisadiyyat

"Azərbaycan Rusiya üçün olduqca qiymətli tərəfdaşa çevrilir"

Iqtisad elmləri doktoru, professor Fikrət Yusifovun rəhbərlik etdiyi "Ekonomiks" Beynəlxalq İqtisadi Araşdırmalar Birliyi (BİAB) özünün əsas fəaliyyət istiqamətlərindən biri üzrə çalışmalarını davam etdirir.

İqtisadi təhlillərin əhatə dairəsini genişləndirmək və daha böyük masştabda tədqiqatlar aparmaq məqsədilə xarici ölkələrin vətəndaş cəmiyyəti institutları, eləcə də içtimaiyyət nümayəndələrilə əlaqələr yaratmaq kimi hədəflər müəyyənləşdirmiş BİAB artıq konkret nəticələr əldə etməkdədir.

İlkin mərhələdə qonşu ölkələrlə əlaqələrin genişləndirilməsinə maraq göstərən "Ekonomiks" BİAB bir müddət əvvəl özünün Rusiya nümayəndəliyinin yaradılması barədə qərar qəbul etmişdi. Təşkilatdan verilən məlumata görə, bu qərar artıq reallaşdırılıb və "Ekonomiks" BİAB-ın Rusiya nümayəndəliyi artıq fəaliyyətə başlayıb. Nümayəndəliyin rəhbəri vəzifəsinə isə Rusiya Elmlər Akademiyası İqtisadiyyat İnstitutunun elmi işçisi, tanınmış ictimai xadim və jurnalist Aleksandr Karavayev təyin olunub. Nümayəndəlik əsasən Azərbaycan-Rusiya iqtisadi əlaqələrinin genişləndirilməsinin mümkün yollarını araşdıracaq, hər iki ölkədə biznes mühitinin qiymətləndirilməsini apararaq investisiya qoyuluşu üçün əlverişli sahələri tədqiq edəcək.

Məlumatda qeyd olunur ki, növbəti mərhələdə "Ekonomiks" BİAB-ın digər ölkələrdə də nümayəndəliyinin yaradılması nəzərdə tutulub ki, bu sırada Avropa ölkələri daha vacib hədəf kimi müəyyənləşdirilib.

Təşkilatdan onu da bildiriblər ki, A.Karavayev "Ekonomiks" BİAB-ın Rusiya nümayəndəliyinin rəhbəri qismində ilk təhlilini də artıq təqdim edib. "Analitik İnformasiya Mərkəzi - İnformasionno-Analitiçeskiy sentr" portalında (http://ia-centr.ru/expert/21334/) yayımlanmış "Azərbaycan Rusiya üçün olduqca qiymətli tərəfdaşa çevrilir" başlıqlı təhlil materialında Azərbaycanla Rusiya arasındakı iqtisadi əlaqələrin dünənki və bugünkü vəziyyətinə işıq salınıb. Hələ Sovetlər Birliyi dönəmində iki respublika arasındakı mal dövriyyəsinin səviyyəsindən bəhs edərək çağdaş dövrün reallıqlarına da diqqət yönəldən A.Karavayev iqtisadi əlaqələrin daha da genişləndirilməsini mümkün edən imkanlardan və xüsusən Azərbaycan investisiyası üçün cəlbedici görünən sahələrdən bəhs edib. Hazırda Rusiyada fəaliyyət göstərən Azərbaycan investorları kimi SOCAR, Dövlət Neft Fondu, "Azərsun Holding", eləcə də MBA- Moskva Bankının adını çəkən müəllif bu sıranın daha da genişlənməsini zərurət kimi qiymətləndirib və investisiya axınını təmin edə biləcək Rusiya iqtisadi orbitinin konkret nöqtələrini göstərib.

A.Karavayev əsasən müştərək müəssisələrin yaradılmasının verə biləcəyi dividendlərdən danışaraq Azərbaycanın - son illər ərzində iqtisadi sıçrayış əldə etmiş və dayanıqlı maliyyə sisteminə malik bir ölkənin mövcud potensialının bütün sahələr üzrə əməkdaşlığa əsas yaratdığını qeyd edib.

Rusiya ilə Azərbaycan arasında investisiyaların qarşılıqlı mühafizəsinə dair əldə olunmuş razılaşmanın detallarına toxunan müəllifin fikrincə, hazırkı dövr şüarçılıqdan və siyasi öhdəliklərdən uzaq birbaşa iqtisadi inteqrasiya tələb edir.

Qeyd edək ki, "Ekonomiks" BİAB-ın Rusiya nümayəndəliyi digər MDB ölkələrindəki biznes mühitinin öyrənilməsi istiqamətində də tədqiqatlar aparacaq.

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...