Bəzi bankların müflisləşməsi xəbəri kredit borclularını sevindirir, ancaq...

Tarix: 07.08.2015 / 02:57
Bölmə: İqtisadiyyat

Vüqar Bayramov: "Kredit əvvəlki qaydada, şərtlər dəyişmədən, öhdəliyinə verilən banka ödənilir"

"Müflisləşən və ya müflisləşməkdə olan banklara borcu olan şəxslərin kreditlərini ödəməməsi faktiki mümkün deyil"

Azərbaycanın bank sektorunda böhran davam edir. Bankların bəzisi bağlanır, səlahiyyətləri məhdudlaşdırılır, müflisləşir. Məlum olduğu kimi, bir neçə gün öncə "Bank Technique"in fəaliyyətinə məhdudiyyət qoyuldu.

Artıq bu həftədən etibarən bank ipoteka kreditlərinə görə ödənişləri qəbul etmir. Bankdan müştərilərə bildirilib ki, ipoteka krediti üzrə ödənişlər Azərbaycan İpoteka Fondunun (AİF) tapşırığı ilə dayandırılıb. Bank əməkdaşları ödəniş etmək istəyən müştərilərə bir neçə gün gözləməyi tövsiyə edib. İpoteka Fondundan bu məhdudiyyətin tətbiq olunduğunu təsdiqləyiblər. Fonddan isə bildirilib ki, bu addım "Bank Technique"nin fəaliyyətində problemlərin olması ilə əlaqədardır: "Yəqin ki, bankın bütün ipoteka müştəriləri başqa banklara köçürüləcək. Ona görə də müştərilərə bir neçə gün gözləməyi məsləhət görmüşük".

Fonddan bildirilib ki, yaxın bir neçə gün ərzində bankın ipoteka müştərilərinə SMS-lə məlumat veriləcək. Bu müddət ərzində ödənilməyən ipoteka ödənişləri gecikmiş sayılmayacaq.

Bankların müflisləşməsindən istifadə edən vətəndaşlar isə həmin banka olan kreditlərini ödəməyi gecikdirir. Düşünürlər ki, bununla onların kreditləri silinəcək.

İqtisadçı-ekspert Vüqar Bayramov hesab edir ki, müflisləşən və ya müflisləşməkdə olan banklara borcu olan şəxslərin kreditlərini ödəməməsi faktiki mümkün deyil: "Kredit borcu olanların bir hissəsi bankların müflisləşdiyini görüb kreditlərini ödəmir. Düşünürlər ki, bank müflisləşəcək, kredit istənilməyəcək. Bu, yanlış yanaşmadır. Vətəndaş krediti qaytaracaq. Çünki qanunvericiliyə görə, bank müflis olduqdan sonra Mərkəzi Bankda komissiya yaradılır və bankın öhdəlikləri bir neçə bank arasında bölüşdürülür. Kredit öhdəlikləri verilən banka vətəndaş öz borcunu ödəməlidir. Nəzərə alsaq ki, müflisləşən bankın əmanətləri də var, kreditlərin qaytarılması bu əmanətlərin ödənilməsi üçün də vacibdir. Burada kreditin qaytarılmaması və ya hər hansı güzəştin tətbiq edilməsi mümkün deyil. Kredit əvvəlki qaydada, şərtlər dəyişmədən, öhdəliyinə verilən banka ödənilir. Müflisləşən zaman bankın aktivləri və passivləri, banka olan borclar və bankın borcları müəyyənləşdirilir. Bankın aktivləri bankın passivlərindən çoxdursa, o zaman Əmanətlərin Sığortalanması Fondunun əmanətləri qaytarmasına ehtiyac qalmır. Bankdan alınan borcların qaytarılması hesabına bütün əmanətlərin qaytarılması və bütün borcların ödənilməsi həyata keçiriləcək. Müflisləşən zaman bankın passivləri aktivlərindən çoxdursa, o zaman sığortalanan əmanətlər Əmanətlərin Sığortalanması Fondu tərəfindən qaytarılır. Sığortalanmayan əmanətlərlə bağlı isə bank maliyyə mənbəyi tapırsa, qaytarır, tapmırsa, o zaman sığortalanmayan əmanətlər geri qaytarılmır".

Günel CƏLİLOVA

DİGƏR XƏBƏRLƏR

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...