Qızılın dəyər itkisi gözlənilməz sürət alır

Tarix: 05.08.2015 / 03:13
Bölmə: İqtisadiyyat

Qızıl bazarında baş verənlər bu məhsulun dəyərinin sürətlə aşağı düşməkdə olduğunu göstərir. Bu gedişlə qızılın bir unsiyaya görə qiymətinin tezliklə 1000 dollardan da aşğı enəcəyi proqnozlaşdırılır. Hazırda qızıl unsiyası 1100 dollarlıq həddə enməkdədir. Fransanın "BNP Paribas" bankının texniki tədqiqatçısı Nikola Qanne hesab edir ki, aşağı düşən qızıl qiymətləri 1050 və 1000 dollara qədər geriləyə bilər.

Qızılın qiymətinin azalmasında əsas səbəb kimi ABŞ Federal Ehtiyat Sisteminin (FES) uçot dərəcəsini artırmasının gözləntisi göstərilir. Uçot dərəcəsinin artırılması dünya maliyyə vəsaitlərinin ABŞ dövlət istiqrazlarına axmasına səbəb olacaq. Bu da beynəlxalq maliyyə bazarlarında likvidliyin azalmasına gətirib çıxaracaq. Nəticədə qızılla bərabər digər qiymətli metallar və əmtəə qiymətlərinin azalması proqnozlaşdırılır. ABŞ Federal Ehtiyat Sisteminin rəhbəri Canet Yellen 2015-ci ildə ABŞ-da uçot dərəcəsinin artırılması fikrini təsdiq edib. Bununla da uzun müddətdir mübahisələrə səbəb olan faiz artımı məsələsinə nöqtə qoyulub. Hazırda ABŞ-da uçot dərəcəsi 0-0,25% təşkil edir. C.Yellen açıqlamasında xarici risq faktorlarına, xüsusilə də Çin və Yunanıstan problemlərinə toxunsa da, bu problemlərin ABŞ iqtisadiyyatına bir o qədər də təsiri olmayacağını bildirib. FES hesab edir ki, dünya iqtisadiyyatında artım tendensiyası davam edəcək, bu isə ABŞ iqtisadiyyatına əlavə güc verəcək. Bu səbəbdən də Federal Ehtiyat Sistemi uçot dərəcəsini artırmağı məqbul sayır. Xatırladaq ki, faiz artımı investorların kredit resurslarından istifadəsini məhdudlaşdırdığı üçün qızılın qiymətinə mənfi təsir edir. Qızılın qiymətini azaldan digər amil isə alternativi olan dolların möhkəmlənməsidir.

ABŞ-ın Precious Metals

and Mineral Fund" investisiya fondunun tədqiqatçısı Den Denbou bildirib ki, qızılın 1000 dollardan da aşağı düşməsi qaçılmazdır. Ölkəmizin də dünyada qızıl idxalçılarından biri olması fonunda proses Azərbaycanda da özünü göstərir. Lakin böyük həddə yox. Bunun səbəbini isə Dövlət Statistika Komitəsinin (DSK) məlumatında axtarmaq olar. Qurumun bildirdiyinə görə, 2015-ci ilin 6 ayında xarici ölkələrdən Azərbaycana qızıl ixrac edilməyib. Bununla belə, qeyd edək ki, Azərbaycan 2015-ci ilin ilk 6 ayı ərzində 1 117,4 kq qızıl istehsal edib. Bu da 2014-cü ilin analoji dövrü ilə müqayisədə 32,9% çoxdur. Buna rəğmən, 2015-ci ilin iyun ayında aparılan monitorinqlərin nəticəsi göstərdi ki, Azərbaycanda qızılın qiyməti 7%-ə yaxın azalıb. Halbuki, son bir ildə dünya bazarında qızılın qiyməti 16%, son 6 ayda 15%, son bir ayda isə 7%-ə yaxın azalıb. Azərbaycanda isə azalma elə də çox deyil. Bu, qızıla olan tələbin də azalması ilə müşayiət olunur. Ümumilikdə isə dünyada və Azərbaycanda qiymətli metala olan münasibət də dəyişib. Belə ki, əvvəllər daha bahalı, böyük qızıllara üstünlük verilirdisə, hazırda nisbətən ucuz, kiçik həcmli qızıllara tələbat var. Digər tərəfdən, artıq Azərbaycanda qızıl yığım vasitəsi deyil. Hazırda Azərbaycanda qızıla yığım vasitəsi kimi baxılmır, bu isə onunla bağlıdır ki, qızılın alış və satışı arasında fərq çox olur. Məsələn, 1000 manata qızıl alan vətəndaş üstündən bir ay keçdikdən sonra onu ən yaxşı halda 800 manata sata bilir.

Ekspertlər bu fonda Azərbaycanda qızıl bazarında ucuzlaşmanın davam edəcəyini də bildirir. Bu mənada güman etmək olar ki, növbəti aylarda da qızılın qiymətinin aşağı düşməsinə uyğun olaraq, Azərbaycan bazarında qiymət azalmaları davam edəcək. Ümumiyyətlə, 2015-ci ildə qızılın qiymətində 10%-ə yaxın azalmanın olacağı gözlənir.

Bundan sonra da qızılın qiymətində ciddi qiymət artımları proqnozlaşdırılmır. Qeyd edək ki, qızılın qiyməti 2010-cu ilin fevral ayından bu yana ilk dəfə olaraq ən aşağı səviyyəyə enib. Belə ki, hazırda dünya bazarında qızılın qiyməti hər qramı 35 dollara, unsiyası isə 1100 dollara təklif olunur. Ekspertlər isə bildirir ki, 2015-ci ildə dünya bazarında qızılın qiyməti 34-35 dollar arasında dəyişəcək. Onu da əlavə edək ki, Azərbaycan qızılı daha çox Türkiyə, İtaliya, ərəb ölkələrindən, Rusiyadan idxal edir. Həmin ölkələrdə isə qızıl xeyli dəyər itirib.

Tahir TAĞIYEV

qizil-kulche3

DİGƏR XƏBƏRLƏR

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...