Azərbaycandan xaricə sement ixracı nə zaman başlaya bilər...

Tarix: 01.08.2015 / 02:14
Bölmə: İqtisadiyyat

Nüsrət İbrahimov: "Hesab edirəm ki, Azərbaycanın xaricə sement məhsulu ixrac etməsi üçün müəyyən zaman lazımdır"

"Yaxın ətraf ölkələrdə idxal sementinə tələbat yoxdur"

2015-ci ilin yanvar-iyun aylarında Azərbaycanda tikinti materiallarının istehsalı ilə məşğul olan şirkətlər 234,7 milyon dəyərində məhsul istehsal ediblər ki, bu da ötən ilin eyni dövrünün göstəricisindən 19,4 faiz çoxdur.

Dövlət Statistika Komitəsinin hesabatına əsasən, 2015-ci ilin yanvar-iyun aylarında 1,39 milyon ton sement istehsal olunub. Bu da 2014-cü ilin analoji dövrü ilə müqayisədə 0,6 faiz artım deməkdir. Bu ilin yanvar-iyun aylarında Azərbaycanda tikinti işlərinin həcmi ötən ilin analoji dövrü ilə müqayisədə 21,53 faiz azalaraq 2,88 milyard manat təşkil edib. Görülmüş tikinti işlərinin ümumi həcmindən 65,5 faizi yeni tikinti, yenidənqurma və genişləndirmə, 16,9 faizi əsaslı təmir, 4,3 faizi cari təmir, 13,3 faizi isə digər inşaat işlərinin payına düşüb. 2015-ci ilin I yarısında Azərbaycan 19 milyon 608.16 min dollar dəyərində sement idxal edib. Bu da 2014-cü ilin analoji dövrü ilə müqayisədə 38 milyon 380,91 min dollar və ya 66,1 faiz azdır. Onu da qeyd edək ki, ötən ilin 6 ayında Azərbaycan 57 milyon 989.07 dollar dəyərində sement idxal edib. Dövlət Gömrük Komitəsinin məlumatına görə, sement idxalının 2015-ci ilin ilk 6 ayında ümumi idxalda payı 0,42 faiz olub. Ötən ilin analoji dövründə isə bu göstərici daha çox - 33.81 faiz olub.

Qeyd edək ki, bir müddət əvvəl bildirilirdi ki, Azərbaycan 2015-ci ildə sementə olan daxili tələbatını tamamilə yerli istehsal hesabına ödəyəcək. 2013-cü ildə "Norm" sement zavodu sement dəyirmanı bölməsi işə salınıb, ilk sement istehsal edilib. Bundan başqa, "Akkord" tikinti şirkətinin istehsal etdiyi tikinti materialları arasında sement də yer alır. 2012-ci ildən başlayaraq isə Naxçıvanda sement zavodu fəaliyyət göstərir. "Holcim Azərbaycan" (Qaradağ Sement Zavodu) isə istehsal gücünü artırıb. Göründüyü kimi, Azərbaycan, demək olar, sementə olan tələbatı daxili istehsal hesabına ödəmək ərəfəsindədir. Bu baxımdan necə etmək lazımdır ki, yaxın gələcəkdə sözügedən məhsulu həm də ixrac etsin? Azərbaycana nisbətən yaxın olan ölkələrdə idxal sementinə tələbat varmı?

Sözügedən məsələyə aydınlıq gətirən əmlak məsələləri üzrə ekspert Nüsrət İbrahimovun sözlərinə görə, Azərbaycana yaxın olan ölkələr sementə olan tələbatı daxili istehsal hesabına təmin edir: "Hələ sovetlər dönəmində Gürcüstan sementə olan tələbatı daxili istehsal hesabına təmin edirdi. O cümlədən İran, Orta Asiya ölkələri sementə olan tələbatı daxili istehsal hesabına təmin edir.

Yəni yaxın ətraf ölkələrdə idxal sementinə tələbat yoxdur. Ancaq bir qədər kənara çıxanda görürük ki, həmin ölkələrin sementə tələbatı var. Ancaq buna da müəyyən zaman lazımdır.

Çünki yerli istehsal o qədər də çox deyil ki, sementin bir qismi ixrac olunsun. 2012-ci ildən sonra Azərbaycanda sement istehsalı artmağa başlayıb. Azərbaycanda 3 müəssisə sement istehsalı ilə məşğul olur. Hesab edirəm ki, Azərbaycanın xaricə sement məhsulu ixrac etməsi üçün müəyyən zaman lazımdır. Hələlik ölkə buna hazır deyil. Eyni zamanda, istehsal olunan sementin rəqabət qabiliyyəti artırılmalıdır".

Vidadi ORDAHALLI

nusret-ibrahimli

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...