Azərbaycan Neft Fondundakı son vəziyyət ekspertlərin müzakirəsinə çıxıb

Tarix: 25.07.2015 / 02:43
Bölmə: İqtisadiyyat

Ruslan Atakişiyev: "Siqnallar onu göstərir ki, iqtisadiyyatda

mövcud olan ehtiyatlardan səmərəli və qənaətlə istifadə olunmalıdır"

"Rəqəmin böyük və ya kiçik olmasından

asılı olmayaraq, proseslər həmişə gələcək

üçün mühüm əhəmiyyət kəsb edən siqnaldır"

Bu ilin yanvar-iyun aylarında Dövlət Neft Fondunun (ARDNF) büdcə gəlirləri 4 milyard 54 milyon manat, büdcə xərcləri isə 4 milyard 042,1 milyon manat təşkil edib. 6 ay ərzində ARDNF-in neft və qaz sazişlərinin həyata keçirilməsi ilə bağlı gəlirləri 3 milyard 812,1 milyon manat, o cümlədən mənfəət neftinin və qazın satışından 3 802,1 milyon manat, akrhesabı ödənişlər 2,2 milyon manat, bonus ödənişləri 2,1 milyon manat, tranzit gəlirləri 5,7 milyon manat, vəsaitlərin idarə olunmasından əldə edilən gəlirlər isə 241,9 milyon manat olub.

Valyuta məzənnələrinin dəyişməsindən yaranan fərqlə bağlı Fondun büdcədənkənar gəliri 8 milyard 013,4 milyon manat təşkil edib.

Hesabat dövrü ərzində Neft Fondunun 2015-ci il büdcəsinin icrası çərçivəsində 3 milyard 561,6 milyon manat vəsait dövlət büdcəsinə transfert edilib. Qaçqın və məcburi köçkün ailələrinin məskunlaşdırılması və sosial-məişət vəziyyətinin yaxşılaşdırılması üzrə tədbirlərin həyata keçirilməsinə 89,8 milyon manat, Samur-Abşeron suvarma sisteminin yenidən qurulmasına 46,5 milyon manat, "Bakı-Tiflis-Qars yeni dəmir yolu" layihəsinin maliyyələşdirilməsinə 17,2 milyon manat, "2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı"nın maliyyələşdirilməsinə 5,9 milyon manat, Cənub Qaz Dəhlizi layihəsi üzrə isə 307,4 milyon manat vəsait ayrılıb. Fondun idarə edilməsi ilə bağlı xərcləri 13,7 milyon manat təşkil edib.

Bir sözlə, 1 iyul 2015-ci il tarixinə Fondun aktivləri ilin əvvəli ilə müqayisədə 3,56 faiz azalaraq 35 milyard 783,3 milyon ABŞ dollarına bərabər olub. Bəziləri bunu şişirdərək hesab edir ki, Fondun aktivləri xeyli azalıb. Ən azından, bunu belə təqdim etməyə çalışırlar. Ancaq nəzərə alsaq ki, fevralda devalvasiya baş verdi və ötən ildən başlayaraq neft xeyli ucuzlaşıb, o zaman bu rəqəm elə də böyük deyil.

Maraqlıdır, ekspertlər məsələyə necə yanaşır?

Məsələyə münasibət bildirən İqtisadi Resursların Öyrənilməsi Mərkəzinin sədri Ruslan Atakişiyevin açıqlamasından belə məlum oldu ki, narahatlığa ciddi əsas olmasa da, gəlirlərdən daha qənaətcil və səmərəli istifadə etmək lazımdır: "Neft Fondundan dövlət büdcəsinə edilən transfertlərin aşağı olması iqtisadi proseslərlə bağlıdır. Neftin dünya bazarında ucuzlaşması, devalvasiyadan sonra baş verənlər buna öz təsirini göstərir. Hesab edirəm ki, bu kimi məsələlər gələcəkdə qeyri-neft sektorunun inkişaf etdirilməsinə, Fondun gəlirlərindən daha səmərəli istifadə edilməsinə əsas verir. Xüsusən də indiki dövrdə bütün bu siqnallar onu göstərir ki, iqtisadiyyatda mövcud olan ehtiyatlardan səmərəli və qənaətlə istifadə olunmalıdır. İstər dövlət büdcəsində, istərsə də Neft Fondunda olan vəsaitlərin xərclənməsinə, düzgün idarə olunmasına diqqət edilməlidir. Yəni bununla bağlı daha həssas bir siyasət yeridilməlidir. Çünki proseslər dəyişkəndir və belə olan halda bütün bunları maksimum düzgün qiymətləndirmək lazımdır.

Rəqəmin böyük və ya kiçik olmasından asılı olmayaraq, proseslər həmişə gələcək üçün mühüm əhəmiyyət kəsb edən siqnaldır. Ona görə də bütün bu məsələlər daha dərindən öyrənilməlidir".

Vidadi ORDAHALLI

manatlar0000

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...