Məktəblilər üçün yay düşərgələri ilə bağlı yeni ideya var

Tarix: 24.07.2015 / 02:17
Bölmə: İqtisadiyyat

Yusif Bəkirov: "Azərbaycanda yay düşərgələrini təşkil edən qurum yoxdur"

"Oskar" təhsil mərkəzi - Asim Dünyamalıyev: "Təəssüflər olsun ki, ölkə daxilində yüksək səviyyəli istirahət düşərgələri təşkil etmək mümkün deyil"

Nazim Ağamirov: "Uşaqların istirahətinin dolğun və səmərəli keçməsi üçün düşərgələrdə lazımi şərait yaradılıb"

9 ay dayanmadan dərs oxuyan, imtahanlara hazırlaşan məktəblilər yay tətilini səmərəli keçirmək və yorğunluğu 2-3 ay haradasa dincəlməklə üstlərindən atmaq istəyirlər. Lakin ölkəmizdə məktəblilərin yay istirahətinin təşkili artıq uzun müddətdir bir problem olaraq qalır. Çünki SSRİ dağılandan sonra Azərbaycanda uşaqların yay istirahətinin təşkili sahəsində pərakəndəlik yarandı.

Nəticədə istirahət düşərgələrinin bir qismi dağıdıldı və qanunsuz olaraq özəlləşdirildi, bəzilərində isə qaçqın və məcburi köçkünlər yerləşdirildi. Ümumilikdə, 50-yə yaxın uşaq istirahət düşərgəsi bağlandı.

Valideynlər də yay düşərgələrinin yetərincə olmamasından şikayətlənir və uşaqların yay boyu istirahət edə bilmədiyini bildirir.

Apardığımız araşdırma nəticəsində məlum oldu ki, uşaqların yay fəslində istirahəti üçün bir sıra istirahət düşərgələri mövcuddur. Uşaqların istirahəti həm xaricdə, həm də ölkə daxilində təşkil olunur.

Respublikamızın dağətəyi ərazilərində yay düşərgəsi təklif edən az sayda özəl şirkət var. Belə şirkətlərdən birinin Qaxdakı düşərgəsinin meneceri Xəyyam Dəmirov mediaya açıqlamasında deyib ki, onlarda mövsüm iyulun 1-dən başlayır. Eyni vaxtda 45 uşağın qala bildiyi düşərgədə istirahət müddəti iki həftəlik və ya 1 aylıqdır: "Uşaqlar gündə 3 dəfə qidalanır, üzgüçülük dərslərinə gedir, gündə 3 saat ingilis dili məşğələsi olur. Ekskursiyaya aparılır. Hər otağın özünün hamam-tualeti var. Hər 5 uşaq tərbiyəçi ilə qalır. Bu istirahət düşərgədə qalan bir uşaq üçün 700 manatdan yuxarıdır, əgər uşaq bir aylıq qalacaqsa, ödəniş 1000 manatı keçir. Uşağın günü 40 manata başa gəlir. Burada da ingilis dili, üzgüçülük dərsləri, yemək və s. məsələləri nəzərə alsan, bu qiymət o qədər də baha sayılmamalıdır".

"Oskar" təhsil mərkəzinin xaricdə təhsil üzrə koordinatoru Asim Dünyamalıyev "Bakı-Xəbər"ə açıqlamasında qeyd etdi ki, yay proqramları əsasən təhsil və tətil məqsədilə yaradılıb: "Proqram hər yaşdan olan məktəblilər və gənclər üçün nəzərdə tutulub. Proqram şagirdlərə ingilis dilinin təkmilləşdirilməsi, müxtəlif ölkələrdən olan insanlar arasında aktivləşmə, yeni dostlar qazanma və dünyagörüşünü artırma, təcrübə qazandırır. Yay və qış düşərgələri uşaqlar və yeniyetmələr üçün öz boş vaxtını səmərəli keçirməsinə şərait yaradır. Düşərgələrin əsas məqsədi təhsilin və mədəni inkişafın yüksəldilməsinə kömək etməkdir".

A.Dünyamalıyevin sözlərinə görə, onlar uşaqlar üçün yay istirahət düşərgəsini ölkə daxilində deyil, xarici ölkələrdə təşkil edir: "Yay düşərgələri əsasən Böyük Britaniya, ABŞ, Kanada və Maltada təşkil olunur. Bu proqramda 10-17 yaşarası şagirdlər və eləcə də 18 yaşdan yuxarı gənclər də iştirak edə bilər. Eyni zamanda, şagirdlərlə bərabər onların valideynləri də güzəştli şərtlərlə bu proqramdan yararlana bilər. Proqramın müddətinə gəlincə deyə bilərəm ki, yay düşərgələri tələbdən asılı olaraq 2 həftədən 3 aya kimi davam edir. Qiymətlər isə 1000-3000 manat arasında dəyişir".

Həmsöhbətimiz qeyd etdi ki, qiymətin yüksək olmasına baxmayaraq, valideynlər maraqlıdır ki, onların övladı bu proqramda iştirak etsin: "Uşaqlar həm istirahət edir, həm xarici ölkə görüb dünyagörüşü artır, həm də əcnəbi dil öyrənərək sertifikat əldə edir. Təəssüflər olsun ki, ölkə daxilində bu cür proqramları təşkil etmək mümkün deyil".

Azərbaycan Həmkarlar İttifaqları Konfederasiyasının

mətbuat və ictimaiyyətlə əlaqələr şöbəsinin rəhbəri

Nazim Ağamirov "Bakı-Xəbər"ə açıqlamasında bildirdi ki,

Azərbaycan Həmkarlar İttifaqları Konfederasiyası və onun üzv təşkilatları olan sahə həmkarlar ittifaqları, hər il olduğu kimi, bu il də yay aylarında uşaqların istirahətinin təşkilinə ciddi önəm verir: "2014-cü ilin yay mövsümündə 20 min nəfərə yaxın uşağın sağlamlaşdırılması və istirahəti təşkil edilib. Bunlardan 2750 nəfəri həmkarlar ittifaqlarının yay sağlamlıq düşərgələrində dincəlib, qalanları isə həmkarlar ittifaqının xətti ilə öz valideynləri ilə birgə respublikanın səfalı guşələrindəki istirahət mərkəzlərində istirahət ediblər. Ailəvi istirahətin təşkili ilə əlaqədar həmin istirahət mərkəzləri ilə müqavilələr bağlanıb və yollayışlar verilib. Azərbaycan Həmkarlar İttifaqları Konfederasiyasının tabeliyində olan sanatoriya-kurort müəssisələrində də uşaqların sağlamlaşdırılması və istirahəti təmin edilib, bu zaman ilk növbədə uşaqların müalicəyə olan ehtiyacı nəzərə alınıb. Onu da qeyd edək ki, istirahətə göndəriş zamanı aztəminatlı ailələrin, məcburi köçkünlərin, qaçqınların uşaqlarına güzəştlər olunub".

N.Ağamirovun sözlərinə görə, 2015-ci ildə yay sağlamlıq düşərgələrində dincələcək uşaqların sayının 2000 nəfər olacağı gözlənir. Bundan əlavə, sahə həmkarlar ittifaqı təşkilatları tərəfindən də uşaqların yay istirahətinin təşkil olunması nəzərdə tutulur: "Yay sağlamlıq düşərgələrinə yollayışlar ilk növbədə həmin düşərgələrin məxsus olduğu sahənin müəssisə və təşkilatlarında çalışan işçilərin uşaqlarına veriləcək. Bu il istirahəti təşkil olunması nəzərdə tutulan 2000 nəfər uşaqdan 800 nəfəri yollayışdan tam güzəştlə, pulsuz istifadə edəcək. Həmin yollayışlar əsasən aztəminatlı, şəhid, qaçqın, məcburi köçkün və əlil ailələrinin uşaqları üçün nəzərdə tutulur. Qalan 1200 uşaq isə dəyərinin yalnız 15 faizini ödəməklə yollayış əldə edəcək. Bir ədəd yollayışın dəyərinin 235 manat olduğunu nəzərə alsaq, işçilər öz uşaqları üçün alacaqları yollayışın dəyərinin yalnız 15 faizini, yəni 35 manat ödəyəcək.

Uşaq sağlamlıq düşərgələri mövsüm ərzində bir növbənin müddəti 21 gün olmaqla fəaliyyət göstərəcək. Uşaqların istirahətinin dolğun və səmərəli keçməsi üçün düşərgələrdə lazımi şərait yaradılıb. Düşərgələrdə dincələcək uşaqların yaş həddi 7 yaşdan 14 yaşa qədərdir".

Uşaq Hüquqları üzrə Müdafiə Liqasının sədri Yusif Bəkirovun sözlərinə görə, sovet dövründə məktəblər tədris müddəti bitdikdən sonra düşərgə kimi fəaliyyət göstərirdi. Yəni məktəb düşərgələri təşkil edilirdi və bu, bütün məktəblilər üçün nəzərdə tutulurdu. Bunu isə Təhsil Nazirliyi həyata keçirməlidir: "Dünya təcrübəsində yay düşərgələri didaktik xarakter daşıyır və pedaqoqların nəzarəti ilə təşkil edilir. Hazırda isə yay düşərgələri 1 milyon 500 min, 7-14 yaşlı məktəblidən yalnız 4-5 min məktəblini əhatə edir. Azərbaycanda yay düşərgələrini təşkil edən qurum yoxdur. Bu işin təşkili üçün ilk növbədə yay məktəbli düşərgələrinin pərakəndə şəkildə təşkilinə son qoymaq lazımdır. Uşaqların həm istirahəti, həm də dünyagörüşünün artırılması məqsədilə istirahət düşərgələri açılmalıdır".

Günel CƏLİLOVA

DİGƏR XƏBƏRLƏR

Tarix: 08.12.2025 / 20:08

Qeyri-neft sektorunda inqilabi nəticə - 84 faizdən yuxarı...

Tarix: 08.12.2025 / 19:23

77 min yeni iş yerinin 92 faizini özəl sektor açıb...

Tarix: 08.12.2025 / 16:23

Kommunal xidmətlərin Vahid İnformasiya Sistemi 2029-da istifadəyə veriləcək...

Tarix: 08.12.2025 / 16:04

Azərbaycandan Ermənistana yanacağın ilk partiyası göndəriləcək

Tarix: 08.12.2025 / 11:07

"Azərbaycan iqtisadiyyatında qeyri-neft sektorunun payı 81,4 faizə çatıb" - Şahmar Mövsümov

Tarix: 06.12.2025 / 13:31

Türk İnvestisiya Fondunun əməliyyat fəaliyyətinə başlayacaq - qərar verildi...

Tarix: 06.12.2025 / 12:08

ARDNF aktivləri 2029-a qədər Azərbaycanın xarici borcunu üstələyəcək...

Tarix: 05.12.2025 / 18:50

Regional yol infrastrukturlarının inkişafında müstəsna əhəmiyyətli maliyyə mənbəyi...

Tarix: 05.12.2025 / 17:08

2026-2028-ci illərdə mikro və kiçik sahibkarlara əlavə güzəşt mexanizmi tətbiq ediləcək

Tarix: 05.12.2025 / 17:04

Gömrük ödənişlərinin hissə-hissə ödənilməsini təmin edən sistem qurulacaq

Tarix: 05.12.2025 / 11:58

Naxçıvanda dəmiryolunun Ermənistanla sərhəd hissəsində tikintiyə start verildi

Tarix: 05.12.2025 / 10:45

"Azərbaycan mediası Gürcüstanın aparıcı media qurumlarının təmsilçiləri ilə birlikdə fikir mübadiləsini lazımlı hesab edir" - Əhməd İsmayılov

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 08.12.2025 / 15:09

Qərbi Azərbaycanlıların qayıdışı MİLLİ İDEYADAN beynəlxalq platformaya çevrilir...

Tarix: 05.12.2025 / 21:50

Qərbi azərbaycanlıların qayıdışı üçün səylər sürətləndirildi...

Tarix: 05.12.2025 / 20:56

Azərbaycan, Türkiyə, ABŞ və Pakistan birgə hərbi təlimdə - Ermənistan niyə vahimələnib...

77 min yeni iş yerinin 92 faizini özəl sektor açıb...