Dünya Bankının Azərbaycan strategiyası...

Tarix: 24.07.2015 / 03:12
Bölmə: İqtisadiyyat

Vüqar Bayramov: "Bu minvalla özəl sektor Dünya Bankından həm texniki, həm də maliyyə dəstəyi ala bilər"

"Strategiyanın tətbiq olunması onu göstərir ki, Azərbaycan beynəlxalq maliyyə qurumları ilə..."

Dünya Bankı Qrupunun İcraçı Direktorlar Şurası Azərbaycan üçün 2015-2020-ci illər üzrə Ölkə Tərəfdaşlıq Çərçivəsini (ÖTÇ) müzakirə edib və təsdiqləyib. ÖTÇ Beynəlxalq Yenidənqurma və İnkişaf Bankı, Beynəlxalq Maliyyə Korporasiyası və İnvestisiya Zəmanətləri üzrə Çoxtərəfli Agentliyin daxil olduğu Dünya Bankı Qrupunun 5 illik birgə strategiyasını özündə əks etdirir.

Bu strategiya davamlı, inklüziv və özəl sektora əsaslanan inkişaf yolunda Azərbaycana dəstək vermək məqsədi daşıyır.

ÖTÇ Dünya Bankı Qrupunun ölkənin qısa və uzunmüddətli perspektivdə qarşılaşdığı iqtisadi şəraitin, sınaq və məhdudiyyətlərin əhatəli təhlilini ehtiva edən Azərbaycan üzrə Sistemli Ölkə Diaqnostikasına əsaslanır. Bu, həmin məhdudiyyətlər arasından seçilmiş problemləri aradan qaldırmağa kömək edən, Azərbaycanın inkişaf prioritetləri və Dünya Bankı Qrupunun yoxsulluğun azaldılması və ümumi rifahın yüksəldilməsindən ibarət olan qlobal qoşa məqsədlərlə uzlaşan proqramı təşkil edir.

Son onillik ərzində Azərbaycan yoxsulluğun azaldılması və ümumi rifahın yüksəldilməsi istiqamətində inanılmaz irəliləyişə nail olub. Yoxsulluq səviyyəsi 2000-ci illərin əvvəllərindəki əhalinin təqribən 50 faizdən 2013-cü ildə 5 faizinə azalıb və bu proses orta sinfin həmin dövr ərzində əhalinin 4 faizdən 29 faizə qədər böyüməsi ilə müşayiət olunub. Bu nailiyyətlər, əsas etibarilə, ildə orta hesabla 13 faiz təşkil etmiş iqtisadi artımla xarakterizə olunan müstəsna iqtisadi göstəricilər və dövlət xərclərinin təmin edilməsi üçün neft gəlirlərindən istifadə edilməsi sayəsində əldə olunub.

Dünya Bankının Azərbaycanda cari sərmayə portfeli 2 milyard ABŞ dolları həcmində olan 16 layihəni əhatə edir. 1995-ci ildən bəri 54 uzunmüddətli maliyyə layihələri üzrə 365 milyon ABŞ dollarından çox sərmayə yatırıb və digər borc mənbələrindən əlavə 74 milyon ABŞ dolları cəlb edib.

Ümumilikdə, ekspertlər DB-nin Azərbaycan üçün 2021-ci ilə qədər hazırladığı strategiyanı necə dəyərləndirir?

Sözügedən məsələ ilə bağlı fikirlərini "Bakı-Xəbər"lə bölüşən iqtisadçı-ekspert Vüqar Bayramov bir sıra məqamlara toxundu. Onun fikrincə, DB Azərbaycanla əməkdaşlıq edən ən ciddi beynəlxalq maliyyə qurumlarından biridir: "Sözügedən bank ölkədə islahatların həyata keçirilməsi, iqtisadiyyatın diversifikasiyası ilə bağlı mütəmadi olaraq təkliflər verir. Bu istiqamətdə texniki yardımlar göstərir. Yeni strategiyanın hazırlanması məsələsi xeyli müddət idi ki, müzakirə olunurdu. Artıq məlum olduğu kimi, 5 illik strategiya təsdiq olunub. Sözügedən strategiyanın təsdiq edilməsində əsas məqsəd Azərbaycanda həm iqtisadi diversifikasiyaya, həm də özəl sektorun inkişafına dəstək verməkdən ibarətdir. Eyni zamanda, DB Azərbaycan üzrə sistemli diaqnostika hazırlayıb. Orada ölkə iqtisadiyyatı ilə bağlı həm proqnozlar, həm də iqtisadiyyatın dəstəklənməsi ilə bağlı məsələlər öz əksini tapıb. Ölkə iqtisadiyyatının dəstəklənməsi baxımından belə bir sənədin qəbul olunması vacibdir.

Bu minvalla özəl sektor DB-dən həm texniki, həm də maliyyə dəstəyi ala bilər. Həmçinin, bu onu göstərir ki, ölkə iqtisadiyyatının diversifikasiyası üçün siyasi iradə var.

Bununla belə, Azərbaycan bununla bağlı siyasi iradəni reallaşdırmaqda maraqlıdır. Strategiyanın tətbiq olunması onu göstərir ki, Azərbaycan beynəlxalq maliyyə qurumları ilə ikitərəfli maraqlara uyğun olaraq əməkdaşlığın davam etdirilməsində maraqlıdır".

Vidadi ORDAHALLI

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...