Prezident əhalini sosial problemlərlə bağlı daha fəal olmağa çağırdı

Tarix: 23.07.2015 / 03:25
Bölmə: İqtisadiyyat

Məhərrəm Zülfüqarlı: "Hesab edirəm ki, Prezidentin çağırışından ciddi nəticə çıxararaq bütün bu imkanlardan səmərəli şəkildə istifadə etmək olar"

"Çünki medianın resursları, ictimai rəyə təsir imkanları kifayət qədər geniş və çoxşaxəlidir"

"Məmur özbaşınalığı halları, digər xoşagəlməz hallar - korrupsiya, rüşvətxorluq, insanların hüquqlarının pozulması halları var. Əlbəttə, biz bütün bunları bilməliyik və reaksiya verilməlidir.

Əgər reaksiya verilməyəcəksə, o pozuntuları törədənlər daha da böyük pozuntular törədəcək. Ona görə mətbuatın burada nadir rolu var".

Bunu Prezident İlham Əliyev milli mətbuatın yaradılmasının 140 illiyi münasibətilə Mətbuat Şurasının İdarə Heyətinin üzvləri ilə görüşündə deyib. Bununla yanaşı, dövlət başçısı ictimaiyyətə çağırış edərək onları neqativ hallara qarşı dərhal reaksiya verməyə çağırıb: "Son vaxtlar Bakının hər hansı bir yerində əgər bir ağac kəsilirsə, dərhal qəzetlərdə, internet saytlarında bu barədə məlumat gedir. Dərhal reaksiya verilir və ölçü götürülür. Digər sahələrdə də həmçinin. Mən dəfələrlə həm iş adamlarına, həm, ümumiyyətlə, vətəndaşlara müraciət etmişəm ki, əgər hər hansı bir ədalətsizlik, qanun pozuntusu, özbaşınalıq baş verirsə, dərhal reaksiya verin. İndi bu reaksiyanı vermək üçün kifayət qədər imkanlar var. Azərbaycanda internet şəbəkəsi geniş yayılıb. Şəxsən mənim üçün mətbuat burada çox gözəl dəstəkçi rolunu oynayır. Əminəm ki, gələcəkdə biz bu əməkdaşlığı davam etdirəcəyik".

Prezidentin məlum çağırışı ictimaiyyətin böyük rəğbətinə səbəb olub. Ən azından, ilkin müşahidələr bu qənaətə gəlməyə əsas verir. Bu həm də o anlama gəlir ki, mövcud problemlərin həll edilməsində, neqativ halların aradan qaldırılmasında hamı bir nəfər kimi fəallıq göstərməli və mətbuatın imkanlarından yararlanmalıdır. O zaman daha çox problemin həllinə nail olmaq olar.

Maraqlıdır, ekspertlərin məsələyə yanaşması necədir?

Sözügedən məsələni dəyərləndirən İctimai Problemlərin Tədqiqi Assosiasiyasının rəhbəri Məhərrəm Zülfüqarlı hesab edir ki, Prezidentin məsələlərə yanaşması və mətbuatın imkanlarını rasional şəkildə dəyərləndirməsi tamamilə məntiqəuyğundur: "Çünki ictimaiyyət nümayəndələri dərhal reaksiya versə, o zaman mövcud olan problemlərin həlli bir qədər də sürətlənəcək. Yəni bu, bir növ, problemlərin həllinə adekvat reaksiya olacaq. Ona görə də Prezidentin səsləndirdiyi fikirlər və buna müvafiq olaraq çağırış etməsi tamamilə doğrudur. Həqiqətən də cəmiyyət gərək bu kimi məsələlərdə son dərəcə aktiv olsun. Bütün problemlərin həllini dövlət qurumlarından gözləmək doğru olmaz.

İnkişaf etmiş ölkələrdə bunlar kompleks şəkildə həll olunur. O baxımdan hesab edirəm ki, cəmiyyət bu istiqamətdə mətbuatın imkanlarından maksimum yararlanmalıdır.

Çünki medianın resursları, ictimai rəyə təsir imkanları kifayət qədər geniş və çoxşaxəlidir. Belə olan halda niyə də bunlardan istifadə olunmasın?! Son dövrlər internet və xüsusən də sosial medianın ictimai rəyə təsir imkanı əhəmiyyətli dərəcədə artıb. Hesab edirəm ki, Prezidentin çağırışından ciddi nəticə çıxararaq bütün bu imkanlardan səmərəli şəkildə istifadə etmək olar".

Vidadi ORDAHALLI

DİGƏR XƏBƏRLƏR

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...