Rusiya LADA-sı Azərbaycanın maşın bazarını tutmaq iddiasını ortaya qoydu

Tarix: 23.07.2015 / 02:13
Bölmə: İqtisadiyyat

Ramil Osmanlı: "Hesab edirəm ki, yeni standartlara cavab verən LADA markalı avtomobillərə bazarda tələbat artacaq"

"Həmin avtomobillərin ümumi avtomobil bazarının neçə faizini təşkil edəcəyinə gəldikdə isə..."

Azərbaycan Rusiyada istehsal olunan LADA markalı minik avtomobillərinin əsas idxalçılarından biri olacaq. Rusiya mətbuatına istinadən yayılan məlumatlara görə, bu barədə "AvtoVAZ" şirkətinin direktoru Bu Andersson bildirib.

Onun sözlərinə görə, LADA avtomobilləri yeni standartlara keçdikdən sonra Rusiya bazarından başqa, 15-20 xarici dövlətdə də satışa çıxarılacaq: "İyulun 1-dən maşınlarımız Avropa standartlarına uyğunlaşdırılıb. Şirkət artıq 2015-ci ildə 70 min avtomobilin tədarükü ilə bağlı müqavilə imzalayıb. İlin yekunlarına əsasən, TOP-5 idxalçı arasında Qazaxıstan, Azərbaycan, Misir, Ukrayna və Almaniya yer alıb. Eyni zamanda idxalatçıların bir hissəsi bildiriblər ki, iqtisadi vəziyyətlə əlaqədar olaraq LADA-nın məhsullarının tədarükü aşağı düşəcək".

Məlum olduğu kimi, iki il əvvəl "Avro-4" standartlarına cavab verməyən avtomobillərin Azərbaycana idxalına qadağa qoyulub. Əvvəllər Azərbaycanın avtomobil parkında Rusiyanın "AvtoVAZ" şirkətinin istehsalı olan "VAZ-2107" markalı avtomobillər mühüm çəkiyə malik idilərsə, sonradan vəziyyət dəyişib. Məsələ ondadır ki, sözügedən ölkə həmin maşınların istehsalını dayandırıb. Çünki həmin avtomobillər müasir texniki tələblərə cavab vermirdilər. Bu gün Azərbaycanın avtomobil parkında Cənubi Koreya, Almaniya və Yaponiya istehsalı olan avtomobillər mühüm çəkiyə malikdir. Maraqlıdır, bütün bu deyilənlərin fonunda Azərbaycanın avtomobil parkında Rusiyada istehsal olunan LADA markalı minik avtomobillərinin mühüm paya malik olacağı nə dərəcədə realdır?

Məsələyə münasibət bildirən əmlak məsələləri üzrə ekspert Ramil Osmanlının sözlərinə görə, avtomobil bazarında LADA markalı avtomobillərə tələbat var: "Azarbaycanın avtomobil bazarında hazırda LADA markalı avtomobillərə tələbat var. Məlum olduğu kimi, Standartlaşdırma, Meterologiya və Patent üzrə Dövlət Komitəsi "Avro-4" standartlarına cavab verməyən avtomobillərin ölkəyə idxalına məhdudiyyət qoyandan sonra İran istehsalı olan avtomobillərə tələb artmışdı. Nəzərə almaq lazımdır ki, həmin avtomobillərin qiyməti digərləri ilə müqayisədə daha ucuzdur. Hazırkı şəraitdə hamının imkanı yoxdur ki, Almaniya və ya Yaponiya istehsalı olan avtomobilləri əldə etsin. Çünki əhalinin müəyyən hissəsinin alıcılıq qabiliyyəti bir qədər aşağıdır. Bunun nəticəsidir ki, bir çoxları avtomobilləri kreditlə götürür. Hesab edirəm ki, yeni standartlara cavab verən LADA markalı avtomobillərə bazarda tələbat artacaq. Ona görə ki, onların qiyməti digərləri ilə müqayisədə bir qədər əlçatandır. Həmin avtomobillərin ümumi avtomobil bazarının neçə faizini təşkil edəcəyinə gəldikdə isə, bunu konkret demək çətindir. Bunu zaman göstərəcək. Ancaq, hər halda, LADA markalı avtomobillər müəyyən çəkiyə malik olacaq".

Vidadi ORDAHALLI

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...