Ləğv olunmuş bankın əmanət borcları ilə bağlı problem davam edir

Tarix: 22.07.2015 / 02:30
Bölmə: İqtisadiyyat

Vüqar Bayramov: "ƏSF-in "Azərbaycan Kredit Bankı" ilə bağlı qərarı cəmiyyətdə birmənalı qarşılanmayıb"

"Fondun son açıqlaması heç də o anlama gəlməməlidir ki, sözügedən bankın öhdəlikləri..."

Məlum olduğu kimi, Azərbaycan Əmanətlərin Sığortalanması Fondu "Azərbaycan Kredit Bankı"nın lisenziyasının ləğv edilməsi ilə əlaqədar bankın əmanətçilərinə kompensasiya ödəməyə hazırlaşmır. Bunu mətbuata açıqlamasında Fondun icraçı direktoru Azad Cavadov deyib.

Onun sözlərinə görə, adıçəkilən bankın lisenziyasının ləğvi sığorta hadisəsi deyil, bu məcburi ləğvetmədir: "Buna görə də bankın əmanətçilərinə kompensasiya ödənilməyəcək".

A.Cavadov qeyd edib ki, bank ləğv olunarsa və ya o, əmanətçilər qarşısında öhdəliklərini yerinə yetirə bilmirsə, Fond əhalinin əmanətlərini kompensasiya edir.

Bununla belə, icraçı direktor qeyd edib ki, "Azərbaycan Kredit Bankı"nın əmanətçilərə vəsaitlərini qaytarmaq üçün kifayət qədər vəsaiti var: "Bu bankda əmanətlərin həcmi təqribən 3,4 milyon manatdır. Bu o qədər də böyük məbləğ deyil ki, vəsaitlərin qaytarılması ilə bağlı problem olsun".

O, diqqətə çatdırıb ki, bankda sığortalanmış əmanətlərin həcmi təqribən 1,4 milyon manat təşkil edir: "Fond yalnız bankın müflis olacağı təqdirdə həmin əmanətləri kompensasiya edə bilər".

Qeyd edək ki, Azərbaycan Mərkəzi Bankı iyulun 16-da "Azərbaycan Kredit Bankı"nın lisenziyasını geri çağırıb. Məlum qərardan sonra AMB İdarə Heyətinin sədri Elman Rüstəmov mətbuata açıqlamasında bildirib ki, lisenziyası ləğv olunan sözügedən banka yatırılan əhalinin əmanətləri qanunun tələblərinə uyğun olaraq öz sahiblərinə qaytarılacaq. E.Rüstəmov xatırladıb ki, Mərkəzi Bank tərəfindən adıçəkilən banka inzibatçı təyin olunub: "Bizim üçün əsas olan əhalinin əmanətlərinin qorunmasıdır. Bunun üçün Mərkəzi Bank yanında Əmanətlərin Sığortalanması Fondu var. Lakin ilkin analiz göstərir ki, lisenziyası ləğv olunan bankın kifayət qədər vəsaiti var ki, ora yatırılan əmanətləri əhaliyə qaytarsın. Sadəcə olaraq, bu bir az vaxt alacaq. Çünki müəyyən qanuni prosedurlar var ki, onlar keçilməlidir".

Bütün hallarda, iqtisadçı-ekspertlərin Əmanətlərin Sığortalanması Fondunun "Azərbaycan Kredit Bankı" ilə bağlı açıqlamasına münasibəti necədir?

Məsələyə münasibət bildirən iqtisadçı-ekspert Vüqar Bayramov buna bir neçə prizmadan yanaşdı. Onun fikrincə, Əmanətlərin Sığortalanması Fondunun "Azərbaycan Kredit Bankı" ASC-nin lisenziyasının ləğv edilməsi ilə əlaqədar bankın əmanətçilərinə kompensasiya ödəməyə hazırlaşmaması ilə bağlı qərarı cəmiyyətdə birmənalı qarşılanmayıb: "Bəs söhbət nədən gedir? Əslində, Fondun açıqlaması doğrudur: gerçək sığorta hadisəsi baş verməyib. Sığorta hadisəsi o zaman baş verir ki, bankın passivləri və ya öhdəlikləri onun aktivlərindən çox olsun və əmanətləri geri qaytarmaq mümkün olmasın. Adıçəkilən bankda 1.4 milyon manat sığortalanan əmanət var və əgər bank öz öhədliklərini yerinə yetirə bilməsəydi, o zaman Fond həmin vəsaiti ödəyəcəkdi. "Azərbaycan Kredit Bankı"nın nümunəsində isə aktivlərin həcmi çox olduğundan, 3,4 milyon manatlıq ümumi əmanət, o cümlədən sığortalanmayan depozitlər də tam geri qaytarılacaq. Deməli, bütün əmanətlər geri qaytarılırsa, o zaman Fondun müdaxiləsinə niyə ehtiyac olsun? Təbii ki, belə olan halda, Fondun müdaxiləsinə hər hansı ehtiyac qalmır. Bu baxımdan, Fondun son açıqlaması heç də o anlama gəlməməlidir ki, sözügedən bankın öhdəlikləri aktivlərindən çox olsaydı, sığortalanan əmanətlər geri qaytarılmayacaqdı. Təbii ki, qaytarılacaqdı. Ona görə də digər banklarda sığortalanan əmanətləri olan əmanətçilərin narahat olmasına əsas yoxdur. Bu, sığortalanma sisteminə inamı heç bir halda sarsıtmamalıdır. Sığorta hadisəsi baş verən bütün hallarda sığortalanan əmanətlər geri qaytarılacaq".

Vidadi ORDAHALLI

DİGƏR XƏBƏRLƏR

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...