Azərbaycanın aqrar ixracının Avropa istiqaməti açıla bilər

Tarix: 22.07.2015 / 02:27
Bölmə: İqtisadiyyat

Rəsul Cahangirli: "Azərbaycan Aİ ölkələrinin bəzi kənd təsərrüfatı məhsulları ilə təmin edilməsində mühüm tərəfdaş ölkəyə çevrilə bilər"

"Bostan, tərəvəz məhsullarını, subtropik meyvələri, arıçılıq və digər məhsulları Avropaya ixrac etmək olar"

Azərbaycanın kənd təsərrüfatının potensialı ölkənin məhsullarını Avropa İttifaqı (Aİ) bazarlarına ixrac etməyə imkan verir. Bu günlərdə bunu Aİ-nin Azərbaycandakı səfiri Malena Mard mətbuat konfransında deyib. Onun sözlərinə görə, onlar buna maraq göstərir: "Biz də buna maraq göstəririk.

Aİ Azərbaycanın kənd təsərrüfatı sahəsinə dəstək verməyə davam edəcək". Onun fikrincə, Aİ Azərbaycanın kənd təsərrüfatında böyük potensial görür: "Bu sahənin inkişafı ölkə iqtisadiyyatının şaxələndirilməsi üçün çox vacibdir". M.Mard qeyd edib ki, 14 milyon məbləğində yardım proqramı fəaliyyətini dayandırsa da, bu, Aİ və Azərbaycan tərəfi arasında işin başa çatması anlamına gəlmir: "Biz praktik əməkdaşlığı davam etdirəcəyik. Tərəfimizdən ət kəsimi üzrə müəssisənin tikinti prosesinə hər cür dəstək göstəriləcək. 2017-ci ilədək yeni əməkdaşlıq proqramlarının qəbulu hələ planlaşdırılmır, lakin biz Azərbaycan tərəfinin istənilən təklifini dinləməyə və onları müzakirə etməyə də hazırıq".

Bununla yanaşı, M.Mard Aİ-nin 2012-2015-ci illərdə Azərbaycan hökumətinin bir sıra tədbirlərini dəstəkləmiş Kənd Təsərrüfatı və Kənd Yerlərinin İnkişafına Büdcə Dəstəyi Proqramının uğurla başa çatdığını deyib. Diplomat Aİ ölkələrinin Azərbaycandan qida məhsullarının ixracında maraqlı olduqlarını bildirərək, bir il yarım müddətində aqrar sahədə baş verən köklü dəyişikliklərin şahidi olduğunu vurğulayıb. Səfir ərzaq və qida təhlükəsizliyi, regionlar və kənd yerlərinin inkişafı proqramlarının gələcəkdə də davam etdirilməsinin əhəmiyyətini nəzərə çatdırıb.

Bütövlükdə, ekspertlər Azərbaycanın Aİ ölkələrini kənd təsərrüfatı məhsulları ilə təmin etmək potensialını necə dəyərləndirir?

Məsələyə münasibət bildirən ekspert Rəsul Cahangirli hesab edir ki, prinsipcə, bir sıra işlər yoluna qoyulsa, Azərbaycan Aİ ölkələrinin kənd təsərrüfatı məhsulları ilə təminatında mühüm rol oynaya bilər: "Hesab edirəm ki, bu təşəbbüs kifayət qədər real görünür. Ona görə real görünür ki, Azərbaycanın bununla bağlı həm potensialı var, həm də spesifik iqlim şəraiti bir sıra məhsulların ölkədə becərilməsinə şərait yaradır. O baxımdan düşünürəm ki, Azərbaycan Aİ ölkələrinin bəzi kənd təsərrüfatı məhsulları ilə təmin edilməsində mühüm tərəfdaş ölkəyə çevrilə bilər. Məsələn, bostan, tərəvəz məhsullarını, subtropik meyvələri, arıçılıq və digər məhsulları Aİ ölkələrinə ixrac etmək olar. Hazırda Avropa bazarında daha çox rast gəlinən Azərbaycanın kənd təsərrüfatı məhsulu nar şirəsidir. Hesab edirəm ki, bunların siyahısını daha da genişləndirmək olar. Azərbaycandan bostan və tez yetişən tərəvəz məhsulları ənənəvi olaraq əsasən Rusiya bazarına ixrac olunur. Həmin məhsullar Avropa bazarına yönəlsə, o zaman bu məhsulların həm ixrac dəyəri artacaq, həm də daha çox sözügedən məhsul istehsalına təkan veriləcək. Bu da, öz növbəsində, daha çox kəndlinin işlə təmin olunmasına gətirib çıxaracaq. Nəticədə ölkə sakinlərinin kəndlərdən paytaxta miqrasiyası azalacaq. Ümumdaxili məhsul istehsalında kənd təsərrüfatının çəkisi və payı artacaq. Ən başlıcası, bu əlaqələr Aİ ölkələrindən kənd təsərrüfatı ilə bağlı daha mütərəqqi texnologiyaların ölkəyə gətirilməsinə də ciddi təkan verəcək".

Vidadi ORDAHALLI

DİGƏR XƏBƏRLƏR

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...