Əlillərin işlə təminatında işsizlikdən sığorta sistemi ideyasının rolu...

Tarix: 17.07.2015 / 02:00
Bölmə: İqtisadiyyat

İlqar Hüseynli: "Əlillərə hansısa sosial müavinət verməkdənsə, onların işlə təmin olunması daha məqsədəuyğundur"

"İşsizlikdən sığorta sisteminin yaradılması bu işdə yardımçı ola bilər"

İşsizlikdən sığorta sistemi əlillər və əhalinin sosial cəhətdən həssas qruplarının nümayəndələri üçün yeni iş yerləri yaratmağa imkan verəcək. Bunu jurnalistlərə açıqlamasında əmək və əhalinin sosial müdafiəsi naziri Səlim Müslümov deyib.

O bununla bağlı açıqlamasında bir sıra diqqətçəkən məqamlara toxunub: "Prezident İlham Əliyevin sədrliyi ilə keçirilən Nazirlər Kabinetinin 2015-ci ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunan iclasında mən ayrıca olaraq işsizlikdən sığorta sisteminin yaradılmasının zəruriliyini vurğuladım. Bu onunla əlaqədardır ki, Əmək və Əhalinin Sosial Müdafiəsi Nazirliyi aktiv məşğulluq, xüsusilə də əhalinin sosial cəhətdən həssas qrupları ilə bağlı tədbirlərin keçirilməsi üçün kifayət qədər vəsaitə sahib deyil".

Nazirin açıqlamasından belə məlum olub ki, ölkədə işsizlikdən sığorta mövcuddur, lakin onunla bağlı ayrıca tarif yoxdur: "Hazırda bu tarif icbari dövlət sosial sığorta üzrə ayrılan vəsaitlərin 25 faizinə daxildir. Lakin bu haqlara görə nazirlik yalnız işsizlik üzrə müavinətin ödənilməsi üçün pul alır".

S.Müslümov ayrıca olaraq işsizlikdən sığorta sisteminin yaradılmasının zəruriliyini vurğulayıb: "Buradan vəsaitlərin bir hissəsi əlil və əhalinin sosial cəhətdən həssas qruplarının nümayəndələri üçün yeni iş yerlərinin açılması məqsədilə istifadə ediləcək".

Əlillərin kifayət qədər həssas təbəqə olduğunu nəzərə alsaq, onların işlə təminatına xüsusi diqqət yetirilməsinə ehtiyac var. Düzdür, bu istiqamətdə son illər bir sıra işlər görülür, müəyyən təşəbbüslər göstərilir. Eyni zamanda, bəzi layihələr həyata keçirilir.

Bütövlükdə, ekspertlər ayrıca olaraq işsizlikdən sığorta sisteminin yaradılmasına necə baxır?

Sözügedən məsələni dəyərləndirən ekspert İlqar Hüseynli buna müsbət prizmadan yanaşdı. Onun fikrincə, əlillərin üzləşdiyi işsizlik probleminin həlli baxımından bunun faydası dəyə bilər: "Məlum olduğu kimi, əlillərin işlə təminatında problemlər var. Bir sıra müəssisələr, əsasən də özəl strukturlar əlil olan ölkə vətəndaşlarını işə götürməkdən müxtəlif bəhanələrlə yayınırlar. Baxmayaraq ki, qanunvericilikdə bununla bağlı müvafiq limit ayrılıb. "Məşğulluq haqqında" Qanuna görə, iş yerlərinin sayı 20-dən artıq olan müəssisələrdə əlillərin işlə təminatı üçün kvota qoyulub. Bu kvota işçilərin sayı 25-dən 50-dək olan müəssisələrdə işçilərin orta illik siyahı sayının 3 faizi, işçilərin sayı 50-dən 100-dək olan müəssisələrdə işçilərin orta illik siyahı sayının 4 faizi, işçilərin sayı 100-dən çox olan müəssisələrdə işçilərin orta illik siyahı sayının 5 faizi təşkil etməlidir. Əlillərin əmək hüquqlarının qorunması, bu təbəqədən olan insanların məşğulluğunun və işlə təminatının təşkili, onların digər şəxslərlə müqayisədə daha güzəştli və əlverişli şərtlərlə əmək münasibətlərinin təmin edilməsi həmişə aktual məsələlərdən olub. Bu səbəbdən də əlillərin əmək hüquqlarının qorunması həm milli qanunvericilik, həm də beynəlxalq qanunvericilikdə xüsusilə əhəmiyyət kəsb edir. Hesab edirəm ki, əlillərə hansısa sosial müavinət verməkdənsə, onların işlə təmin olunması daha məqsədəuyğundur. Bu baxımdan da əlillərlə bağlı işsizlikdən sığorta sisteminin yaradılması bu işdə effektli ola bilər".

Vidadi ORDAHALLI

DİGƏR XƏBƏRLƏR

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...