2 və 3 ulduzlu otellər turizmdə yeni mərhələ aça biləcəkmi?

Tarix: 16.07.2015 / 02:29
Bölmə: İqtisadiyyat

Nahid Bağırov: "2 və 3 ulduzlu otellərin sayının az olmasının əsas səbəbi şöhrətlə bağlıdır"

"Sahibkarlar otel tikməzdən öncə nə Mədəniyyət və Turizm Nazirliyinə, nə də Azərbaycan Turizm Assosiasiyasına müraciət edirlər"

Yay mövsümü gələn kimi hər kəs istirahət haqqında düşünür. İnsanlar işin yorğunluğundan və stressindən azad olmaq üçün dincəlməyə yerlər müəyyən edir. Xarici ölkələrlə yanaşı, öz ölkəsində dincəlmək istəyənlər də az deyil.

Hər kəs dəniz sahilində, meşəlikdə, şəlalə yanında, onun şırıltısını eşidə-eşidə istirahət etmək istəyər. Amma həmin məkanlarda istirahət hər adamın işi deyil. Çünki bölgələrdə olan istirahət mərkəzlərinin qiyməti olduqca bahadır. Qiymət bahalığına görə istirahət etmək istəyənlər Azərbaycanın üzərindən uçub üz tutur Türkiyəyə - Antalyaya. Artıq xeyli müddətdir ictimaiyyətdə belə fikir formalaşıb ki, Antalyada istirahət Azərbaycanın istənilən bölgəsində istirahətdən ucuz başa gəlir. Pulu olan da fikirləşir ki, yığdığım pulu hansısa rayona getməyə sərf edənəcən, elə Antalyaya gedərəm. Soruşanda da heç olmasa deyərəm ki, bu yay Antalyada dincəlmişəm, "prestijim" də artar.

Ölkədə fəaliyyət göstərən 4-5 ulduzlu otellərin qiymətinin yüksək olmasına ölkə başçısı İlham Əliyev də öz iradını bildirib. İ.Əliyev 13 iyulda Nazirlər Kabinetinin 2015-ci ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunan iclasında qeyd edib ki, indi Bakıda dünyada tanınmış brendlərin otelləri fəaliyyət göstərir: "Bakıda olan otellər şəbəkələri ən mötəbər şəbəkələrdir, onların öz qiymət siyasəti var, biz buna o qədər də qarışa bilmərik. Bəs beş ulduzu olmayan hotellərin qiyməti niyə bahadır? Bölgələrdə, rayon yerlərində elə qiymət istəyirlər ki, insan ora getmək istəmir. Buna bəlkə də sadə yanaşırlar ki, bazar tənzimləyir, əgər tələbat varsa, təklif də var. Amma hər kəs gedə bilmir. Azərbaycanda beş ulduzlu otellərin sayı kifayət qədər çoxdur, mən buna çox sevinirəm. Bu, ölkəmizin gücünü göstərir, prestijdir. Əgər dünyanın beş ulduzlu aparıcı brendləri Bakıdadırlarsa, Bakı buna layiqdir. Onlar da layiqdirlər ki, Bakıdadırlar. Ancaq üç ulduzlu otellər azdır, iki ulduzlu otellər yoxdur. O qədər də böyük maddi imkanlara malik olmayan ailələr istirahət edə bilmirlər. Budur reallıq! Azərbaycanda o qədər gözəl yerlər var ki, heç yerə istirahətə getmək də lazım deyil. Dağ, meşə, çaylar, göllər, dəniz, xizək kurortu, hər şey var".

Ölkədə 2 və 3 ulduzlu otellərin az olmasının səbəbləri barədə suallarımızı Azərbaycan Turizm Assosiasiyasının (AZTA) sədri Nahid Bağırov cavablandırdı.

AZTA-nın sədri "Bakı-Xəbər"ə açıqlamasında qeyd etdi ki, ölkədə 2 və 3 ulduzlu otellərin sayının az olmasının əsas səbəbi şöhrətlə bağlıdır: "Yəni sahibkar otel açarkən deyir ki, mənim mehmanxanam ən azı 4 ulduzlu olmalıdır. 3 ulduzlu otel tikməyi bunlar özləri üçün qəbahət sayır".

N.Bağırov təəssüf hissilə bildirdi ki, sahibkarlar otel tikməzdən öncə nə Mədəniyyət və Turizm Nazirliyinə, nə də Azərbaycan Turizm Assosiasiyasına müraciət edirlər. Obyekt tikiləndən sonra, lisenziya almaq zamanı çatanda müraciət edirlər: "Təbii ki, bu da yaxşı hal deyil. Marketinq proqramı olmadan mehmanxana tikdirmək istəyən şəxs bu sahənin ekspertindən məsləhət almayanda nəticədə bu cür xoşagəlməz hallar olur. Həmin sahibkarlar düşünmür ki, 2 və ya 3 ulduzlu otel tikərsə, daha faydalı iş görər".

Həmsöhbətimiz qəzetimiz vasitəsilə otel tikən investorlara müraciət edərək bildirdi ki, mehmanxana tikməzdən öncə peşəkarlardan məsləhət alsınlar: "Mədəniyyət və Turizm Nazirliyinə və ya bizə müraciət edərək işin mahiyyətini öyrənsinlər. Məsləhət almaq istəmirlərsə, marketinq şirkətlərinə müraciət etsinlər".

Müsahibimiz sonda onu da əlavə etdi ki, əhalinin istirahəti üçün ölkə daxilində 2 və 3 ulduzlu otellər tikilməlidir. 2 və 3 ulduzlu otellər olarsa, hər kəs istirahət etmiş olar.

Günel CƏLİLOVA

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...