Sosial müdafiə sistemində islahatlar təklifinə maraqlı çarpaz reaksiyalar var

Tarix: 15.07.2015 / 02:10
Bölmə: İqtisadiyyat

Davud Rəhimli: «Əlillərə göstərilən sosial xidməti birdən-birə kommersiya təşkilatlarına həvalə etmək olmaz»

Rəsul Cahangirli: «Aparılan islahatlar çərçivəsində bu metodun tətbiqinə start verilməlidir»

Azərbaycanda əlillərə göstərilən sosial xidmətlərin özəl sektora həvalə edilməsi təklif olunub. Bu barədə Prezident İlham Əliyevin sədrliyi ilə Nazirlər Kabinetinin 2015-ci ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunan iclasında əmək və əhalinin sosial müdafiəsi naziri Səlim Müslümov bildirib.

Onun sözlərinə görə, hazırda rəhbərlik etdiyi nazirliyin yerli orqanları tərəfindən əlilliyi olan şəxslərə həm stasionar, həm də səyyar sosial xidmətlər göstərilir: «Belə ki, 9 sosial xidmət müəssisəsində ümumilikdə 1182 nəfər tam dövlət təminatında olmaqla stasionar sosial xidmətlə əhatə edilib və son 6 ay ərzində onlardan 32 nəfəri ailələrinə qayıdıb. 12 853 nəfərə isə nazirliyin 1277 nəfər sosial işçisi tərəfindən səyyar qaydada, yəni evlərində sosial-məişət xidməti göstərilib». Bununla yanaşı, nazir bildirib ki, sosial xidmət sisteminin mövcud standartlara uyğun yenidən qurulması və bu sahədə ciddi islahatların aparılması lazımdır. Ən mühüm dəyişiklik isə indiyədək dövlət tərəfindən göstərilən sosial xidmətlərin özəl sektora həvalə edilməsi olacaq: «Fikrimizcə, səyyar sosial xidmət göstərilməsi sosial sifariş kimi özəl sektora verilməli, sosial müdafiə mərkəzləri sifarişçi kimi monitorinq funksiyasını həyata keçirməli, sosial işçi ştatları isə ləğv edilməlidir». Nazir bildirib ki, bu islahatlara başlamaq üçün dövlət başçısının razılığı tələb olunur: «Cənab Prezident, razılığınız olacağı təqdirdə, yaxın vaxtlarda bu islahatları özündə əks etdirən hüquqi-normativ aktlara dəyişiklikləri Sizin diqqətinizə təqdim edə bilərik».

Əlillərə sosial xidmətin göstərilməsinin kifayət qədər həssas məsələ olduğunu nəzərə alsaq, bunun özəl sektora həvalə edilməsi təklifi maraq doğurur. Yəni özəl sektor bunun öhdəsindən gələ bilərmi və ümumiyyətlə bu cür təklif nə dərəcədə məntiqli sayıla bilər? Ekspertlərin məsələyə baxışı necədir?

Məsələyə münasibət bildirən Əlil Təşkilatları İttifaqının sədri Davud Rəhimlinin sözlərinə görə, sosial xidmətlərin özəl sektora həvalə edilməsi hələ tezdir: «Düzdür, müəyyən xarici ölkələrin təcrübəsində bu var. Yəni əlillərə göstərilən sosial xidmətin özəl sektora həvalə edilməsi tətbiq edilir. Azərbaycanda ƏƏSMN öz sahəsində müəyyən xidmətlərlə bağlı QHT-lərə bəzi sifarişlər verir. Məsələn, əlilliyi olan şəxslər üçün müəyyən reabilitasiya müəssisələrinin yaradılmasını buna misal çəkmək olar. Onların ölkə daxilində, xaricdə müalicəsini təmin etmək və s. Deməyim odur ki, sözügedən nazirliyin sifarişi əsasında QHT-lərə bəzi məsələlər həvalə olunur. Ancaq əlillərə göstərilən sosial xidmətin özəl strukturlara həvalə olunmasına gəldikdə isə, tələsmək olmaz. Çünki burada bir sıra məsələlər var və onlar öz həllini tapmalıdır. Məsələ ondadır ki, bunu birdən-birə kommersiya təşkilatlarına vermək olmaz. Ona görə ki, bu sahədə müəyyən işlərin həyata keçirilməsi lazımdır. Birincisi, qanunvericilik bazası, hüquqi-normativ sənədlərin icra olunması mexanizmi təmin olunmalıdır. Bu sahədə müəyyən qanunlar qəbul olunub. Ancaq problem ondadır ki, bu sahədə mütəxəssis qıtlığı var. Bununla bağlı mühit, şərait, texniki xidmət və ən vacibi, mütəxəssis olmalıdır. Bu sahədə mütəxəssislərin hazırlanması ləngiyir». Digər ekspert Rəsul Cahangirli isə hesab edir ki, müəyyən şərtlər daxilində buna getmək olar: «Nazirlik tərəfindən effektli və çevik nəzarət sistemi yaradılarsa, niyə də olmasın. Onsuz da bir sıra inkişaf etmiş ölkələrdə əlillərə göstərilən sosial xidmətdə özəl strukturlar fəal rol oynayır. Yaradılan işlək, sistemli mexanizm bunun özünü doğrultmasına gətirib çıxarıb. O üzdən hesab edirəm ki, aparılan islahatlar çərçivəsində bu metodun tətbiqinə start verilməlidir».

Vidadi ORDAHALLI

DİGƏR XƏBƏRLƏR

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...