Azərbaycanda turizmin inkişafı ilə bağlı daha bir mütərəqqi addım atıldı

Tarix: 14.07.2015 / 02:39
Bölmə: İqtisadiyyat

Bahadur Bilalov: «Vizanın elektron qaydada verilməsi ölkəyə gələcək turistlərin sayının artmasına səbəb olacaq»

«Ölkəmizə gəlmək istəyən turistlər Azərbaycanda Mədəniyyət və Turizm Nazirliyinin qeydiyyatından keçən turizm şirkətlərindən rahat şəkildə viza əldə edə bilər»

Nazirlər Kabineti «Turistlərə elektron viza almaq hüququnu əldə etmək üçün Azərbaycan Respublikasında fəaliyyət göstərən turizm şirkətlərinin akkreditasiyadan keçməsi Qaydası»nı təsdiq edib. Bu Qayda turistlərə elektron viza almaq hüququnu əldə etmək üçün Azərbaycanda fəaliyyət göstərən turizm şirkətlərinin Mədəniyyət və Turizm Nazirliyində akkreditasiyadan keçməsi qaydasını müəyyən edir.

Turizm fəaliyyətinə verilən xüsusi razılıq (lisenziya) əsasında 1 ildən az olmayaraq fəaliyyət göstərən turizm şirkətləri akkreditasiyadan keçmək üçün müraciət etmək hüququna malikdir. Akkreditasiyadan keçmək üçün turizm şirkəti ərizə ilə Mədəniyyət və Turizm Nazirliyinə müraciət etməlidir. Ərizədə turizm şirkətinə verilmiş lisenziyanın qeydiyyat nömrəsi, turizm şirkətinin əlaqələndirici şəxsi haqqında məlumat göstərilməlidir. Ərizəyə turizm şirkətinin son 3 ay ərzində Azərbaycana gətirdiyi xarici turistlərin sənədlərinin surətləri (xarici turizm şirkəti və ya turistlərlə bağladığı müqavilənin (vahid bir sənədin) və ya Mülki Məcəlləyə əsasən sənədlər mübadiləsi formasında bağlanmış müqavilələr üzrə yazışmanın, habelə bu cür müqavilə əsasında edilmiş ödənişlər üzrə sənədlərin surətləri) əlavə edilməlidir. Ərizəyə Mədəniyyət və Turizm Nazirliyi tərəfindən baxılmasının və qərar qəbul edilməsinin ümumi müddəti 10 iş günüdür. Ərizəyə nazirlik tərəfindən baxılması nəticəsində akkreditasiyadan imtina üçün əsas olub-olmaması araşdırılaraq turizm şirkətinin akkreditasiyadan keçməsi və ya akkreditasiyasından imtina barədə qərar qəbul edilir, bu barədə ərizəçiyə məktub verilir. Nazirlik tərəfindən sorğu edilən sənədlər və (və ya) məlumatlar təqdim edilmədikdə və ya natamam olduqda, təqdim edilmiş sənədlərdə yanlış məlumatlar olduqda turizm şirkətinin akkreditasiyasından imtina edilir. Akkreditasiyadan imtinaya səbəb olan çatışmazlıqlar aradan qaldırıldıqdan sonra həmin turizm şirkəti turistlərə elektron viza almaq hüququnu əldə etmək üçün yenidən müraciət edə bilər.

Turizm şirkəti turizm fəaliyyətinin həyata keçirilməsi üçün verilən lisenziyanın qüvvədə olduğu müddətə akkreditasiya olunur. Turizm fəaliyyətinin həyata keçirilməsi üçün verilən lisenziyanın fəaliyyəti dayandırıldıqda, bu Qaydaya uyğun verilmiş turizm şirkətinin akkreditasiyasının da qüvvəsi eyni müddətə dayandırılır.

Ekspertlərin fikrincə, turistlərin vizanı elektron qaydada əldə etməsi Azərbaycan turizminin inkişaf etməsinə səbəb olacaq. «SevGun» Turizm Şirkətinin rəhbəri, turizm sahəsi üzrə ekspert Bahadur Bilalov «Bakı-Xəbər»ə açıqlamasında qeyd etdi ki, vizanın elektron qaydada verilməsi ölkəyə gələcək turistlərin sayının artmasına səbəb olacaq: «Ölkəmizə gəlmək istəyən turistlər Azərbaycanda Mədəniyyət və Turizm Nazirliyinin qeydiyyatından keçən turizm şirkətlərindən rahat şəkildə viza əldə edə bilər. Ümumdünya Turizm Təşkilatı dəfələrlə turizm şirkətlərinə müraciət edib ki, viza rejimi sadələşdirilsin ki, hər kəs rahat şəkildə istədiyi ölkədə istirahət edə bilsin. Sevindirici haldır ki, Azərbaycan hökuməti Ümumdünya Turizm Təşkilatının qərarına hörmətlə yanaşdı və belə qərar qəbul etdi». B.Bilalovun sözlərinə görə, gələcəkdə Azərbaycana gələcək turistlər səfirliklərə deyil, Mədəniyyət və Turizm Nazirliyinin qeydiyyatından keçən turizm şirkətlərinə müraciət etməklə elektron qaydada viza əldə edə biləcək. Bunun Azərbaycan iqtisadiyyatına yalnız xeyri ola bilər. Çünki ölkəyə bu qaydada gələcək turistlərin sayı yüksək olacaq.

Günel CƏLİLOVA

DİGƏR XƏBƏRLƏR

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...