Azərbaycan qızıla qoyduğu sərmayələrin həcmini artıra bilər

Tarix: 09.07.2015 / 03:05
Bölmə: İqtisadiyyat

Yunanıstan və ABŞ-dakı proseslər qızılın bahalaşmasına səbəb olub

Yunanıstan ətrafında hələ də davam edən gərginlik, gözlənildiyi kimi, avronun da məzənnəsinə mənfi istiqamətdə təsir göstərir. Bu fonda avronun başqa valyuta növləri ilə əvəzlənməsində maraqlı olan ölkə və şirkətlərin sayında da artım müşahidə olunur. Ekspertlər yunan böhranı davam etdiyi müddət ərzində vəziyyətin dəyişməyəcəyini proqnozlaşdırır.
Düzdür, son məlumatlara görə, avrozona ölkələrinin rəhbərləri Yunanıstanın baş naziri Aleksis Tsiprasla razılığa gəliblər. Belə ki, avrozona ölkələrinin dövlət və hökumət rəhbərlərinin son sammiti Yunanıstanın Avropa valyuta ittifaqında saxlanması barədə Avropa Qrupu qarşısında məqsəd qoyub. Bildirilir ki, sammitdə Yunanıstanın avrozonada qalması üçün tədbir görülməlidir. Yunanıstan isə müvəqqəti razılığın əldə edilməsi üçün təklif verməlidir. Avropa İttifaqı liderlərinin yekun qərarı vermək üçün iyulun 12-də Brüsseldə təkrar sammit keçirmək qərarına gəldiyi də bildirilir. Avrokomissiyanın sədri Жan Klod Yunker isə bildirib ki, Yunanıstanın xarici borclarının restrukturizasiyası məsələsinə oktyabrda baxıla bilər. Onun sözlərinə görə, bunun üçün rəsmi Afina, ilk növbədə, Avropa Sabitləşdirmə Mexanizmi (ESM) çərçivəsində kreditorlar qarşısında əsas öhdəliklərini bir daha təsdiqləyərək yerinə yetirməlidir. Qeyd edək ki, rəsmi Afina ölkənin ümumdaxili məhsulunun (ÜDM) 175 faizi səviyyəsində olan xarici borcun azı 30 faizinin silinməsini istəyir. Baş nazir Aleksis Tsipras, həmçinin, borcun qalan hissəsi ilə bağlı da ödənişlərin müddətinin uzadılmasını tələb edir.
Bütün bunlar isə, yuxarıda göstərildiyi kimi, maliyyə birjalarına da öz təsirini göstərir. Belə vəziyyətdə dünya bazarlarında qızıla marağın artması da aydın müşahidə olunur. "Saxo Bank"ın ekspertlərinin fikrincə, proses çərçivəsində qızıl xeyli dəyər qazana bilər. Bankın baş iqtisadçısı Stin Yakobsen qeyd edir ki, qızılın qiymətinə ABŞ-dakı proseslər də təsir edəcək. Onun fikrincə, ABŞ Federal Ehtiyat Sisteminin faiz dərəcələrini artırmaqla bağlı perspektivləri üçüncü rübün ən mühüm bazar hadisəsidir. S.Yakobsen faiz artımının bu il ərzində bir dəfə olacağını proqnozlaşdırır və bu halda dolların zəifləyəcəyini düşünür. O, faizlərin yüksəlməsi nəticəsində artacaq kapital və istehsalat xərclərinin birləşməsi səbəbi ilə Avropada iqtisadi artımın yavaşlayacağını, ABŞ-da isə neytral olacağını ehtimal edir. Ekspert hesab edir ki, ABŞ-da faiz dərəcələrinin artımı isə qızıl bazarında alış üçün yaxşı imkanlar yarada bilər. Nəticədə qızıl 1 275 dollar səviyyəsinə qədər bahalaşa bilər. İqtisadçı-ekspert Vüqar Bayramov deyir ki, qızıla tələbatın artması onun dünya bazar qiymətinin yüksəlməsinə səbəb olub. Belə ki, son aylar bir sıra ölkələr, o cümlədən Çin, Qazaxıstan, Türkiyə, Hindistan və hətta Rusiya öz ehtiyatlarının bir hissəsini qızıla çevirmək qərarına gəliblər. 24.7 ton qızıl alan Qazaxıstan Mərkəzi Bankı öz qızıl ehtiyatlarını 181.9 tona çatdırıb. MDB-nin digər üzvü olan Rusiya isə 7.23 ton qızıl alaraq öz ehtiyatlarını 1113 tona yüksəldib. O da vurğulanır ki, 2012-2014-cü illərdə qızılın dünya bazar qiymətinin azalması və yeni qlobal iqtisadi böhran qorxusu inkişaf etməkdə olan ölkələrdə qızıla tələbatı artırıb. Qızılın qiymətinin artmasının digər səbəbi isə neft və valyuta bazarında müşahidə edilən çalxalanmalar fonunda investorların öz pullarını daha az risqli istiqamətə yönəltməsi ilə bağlıdır. Bu fonda istisna olunmur ki, Azərbaycan da qızıla qoyduğu sərmayələrin həcmini bundan sonra artıracaq. Çünki qızıl hər zaman əlverişli yığım vasitəsi hesab edilir. Düzdür, qızılın fiziki istifadəçisi əsas etibarilə zərgərlik sənayesidir. Bu sektorda tələbat qiymətdən asılıdır: ikinci aşağı olduqda birinci artır, yuxarı olduqda isə azalır. İqtisadi böhran dövründə bu qanunauyğunluq işləmir. Belə ki, əhalinin gəlirlərinin azalması nəticəsində qızılın aşağı qiyməti belə yuvelir məmulatlarına tələbatı artırmır. Amma əvəzində qızılın yığım vasitəsi kimi rolu artır. Çünki milli valyutaların mövqeyinin zəifləməsi insanları öz vəsaitlərini daha etibarlı görünən qızıla yatırmalarına səbəb olur. Prosesin hələ müəyyən müddət məhz bu səpkidə davam etməsi gözlənir.
Tahir TAĞIYEV

DİGƏR XƏBƏRLƏR

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...