Mənzil bazarında ucuzlaşmanın ilginc səbəbləri...

Tarix: 09.07.2015 / 02:22
Bölmə: İqtisadiyyat

"Bazarda alıcı qıtlığı var və faktiki olaraq təklif tələbi xeyli üstələyir"
Ramil Osmanlı: "Hökumət söküntülərə ayrılan vəsaitin həcmini artıracaqsa, o zaman evlərin qiymətində müşahidə olunan ucuzlaşma dayana bilər"
Daşınmaz əmlak bazarında keçən ildən müşahidə olunan qiymət artımı getdikcə aşağı enməyə başlayıb. Statistik məlumatlara görə, bu proses aprel-may aylarında özünü daha çox büruzə verib.
Yeni tikililərdə bu bir o qədər görsənməsə də, köhnə tikililərdə qiymət təxminən 5 faiz aşağı düşüb.
Belə fikirlər səslənir ki, qiymət enməsi dünyada baş verən iqtisadi böhran və neftin qiymətinin aşağı düşməsi, eyni zamanda xarici dövlətlərdə çalışan vətəndaşlarımızın ölkədəki daşınmaz əmlak bazarına pul kapitalı yatırmaması ilə bağlıdır. Həmçinin, buna bank sektorunda mövcud durğunluq da təsir göstərir. Belə ki, bank sektorunda 2014 və 2015-ci ilin əvvəlində və xüsusilə də manatın devalvasiyasından sonra kreditləşmədə bir qədər durğunluq müşahidə edilib. Nəticədə banklar vasitəsilə daşınmaz əmlak bazarına axan pul kütləsi xeyli azalıb.
Araşdırmalara görə, ümumilikdə ev alanlar əsasən köhnə tikililərə üstünlük verir. Buna da əsas səbəb binalarda kommunal xidmətlərin və bütün sənədlərin qaydasında olmasıdır. Azalmalar ilin əvvəlində kirayə evlərdə müşahidə olunsa da, artıq may ayının sonundan başlayaraq əksinə, iki faiz artım olub.
Maraqlıdır, proseslərin sonrakı gedişi necə olacaq? Ümumilikdə evlərin ucuzlaşması nə vaxta qədər davam edə bilər? Ən azı ilin sonuna qədər evlərin ucuzlaşması gözlənirmi?
Sözügedən məsələ ilə bağlı fikirlərini "Bakı-Xəbər"lə bölüşən əmlak məsələləri üzrə ekspert Ramil Osmanlı bir sıra məqamlara toxundu: "Ötən ilin sonlarına yaxın baş verən proseslər, iqtisadi tendensiyalar evlərin qiymətinə təsirsiz ötüşə bilməzdi. Neftin qiymətində müşahidə olunan ucuzlaşma, Vergilər Nazirliyinin məlum qərarı, onun ardınca devalvasiya və ən nəhayət hökumətin söküntülərə ayırdığı vəsaitin kəskin surətdə azalması qiymət azalmasına gətirib çıxardı. O ki qaldı evlərin qiymətinin ucuzlaşmasının nə zamana qədər davam etməsinə, bunu birmənalı şəkildə pronozlaşdırmaq mümkün deyil. Hesab edirəm ki, bu, daha çox, qarşıdakı iqtisadi situasiyalardan və qərarlardan asılı olacaq. Hökumət söküntülərə ayrılan vəsaitin həcmini artıracaqsa, o zaman evlərin qiymətində müşahidə olunan ucuzlaşma dayana bilər. Əks təqdirdə, daşınmaz əmlakın qiyməti ucuzlaşmaqda davam edəcək. Çünki bazarda alıcı qıtlığı var və faktiki olaraq təklif tələbi xeyli üstələyir. O baxımdan prosesləri bu cür dəyərləndirirəm".
Vidadi ORDAHALLI

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...