Banklar dövlətin maliyyə kursuna meydan oxumaqda davam edir

Tarix: 08.07.2015 / 02:18
Bölmə: İqtisadiyyat

Rəsul Cahangirli: "Qanunvericiliyə müəyyən yeniliklər əlavə olunmalı və faizlərin artırılmasına limit qoyulmalıdır"

"Bank sektorunda rəqabət mühiti artırılmalı və ucuz maliyyə resurslarına çıxış imkanları təmin olunmalıdır"

Azərbaycan Mərkəzi Bankının kommersiya banklarına müştərilərə verilən kreditlərin rəsmiləşdirilməsi üçün tutulan komissiya haqqının 1 faizi keçməməsi barədə verdiyi göstərişdən 1 həftə keçir. Bank sektorunda aparılan araşdırma nəticəsində məlum olub ki, bankların bir qismi komisyon haqqını 1 faizə qədər azaltsa da, bəzi banklarda vəziyyət dəyişməyib və onlar AMB-nin göstərişini sadəcə tövsiyə kimi qəbul edib.
Məsələn, aktiv kreditləşmə ilə məşğul olan "AGBank"da komisyon haqqı 5,5-9,5%, "Bank BTB"də 4-6%, "Parabank" və "Rabitəbank"da 2%, "Muğanbank"da 6-11%-dir. "Əmrahbank", "Bank of Baku", "Bank Respublika", "Bank Silk Vey", "Bank Nikoil", "Turanbank", "Unibank", "Yapı Kredi Bank Azərbaycan" isə komisyon haqqını 1 faizə endirib. Bununla belə, araşdırma nəticəsində məlum olur ki, komisyon haqqını 1%-ə qədər azaldanlar əvəzində kreditlərin illik faiz dərəcəsini artırıb. Məsələn, hazırda "Bank of Baku"da manatla kreditlər illik 35-39%-lə, dollarla kreditlər isə 34-38%-lə verilir. Halbuki, komisyon haqqını azaltmazdan əvvəl bank milli valyutada kreditləri 32-34%-lə, xarici valyutada kreditləri isə 28-30%-lə verirdi. Bənzər hal digər banklarda da müşahidə olunur.
Görünən odur ki, banklar, bir növ, dövlətin siyasətinin əksinə fəaliyyət göstərir. Dəfələrlə Mərkəzi Bank rəhbərliyi faizlərin aşağı salınmasını tövsiyə edib, amma nəticədə banklar ya buna ümumiyyətlə əməl etməyib, ya da bəzi banklar cüzi olaraq faizləri aşağı salıb. Bununla yanaşı, ölkə Prezidenti banklara çağırış edərək onları real sektora sərmayə qoymağa dəvət edib. Ancaq banklar bunun əksinə olaraq daha çox istehlak kreditləşməsinə vəsait ayırır.
Maraqlıdır, belə olan halda, ekspertlər çıxış yolunu nədə görür?
Sözügedən məsələni dəyərləndirən ekspert Rəsul Cahangirli hesab edir ki, faiz dərəcələri aşağı salınmırsa, o zaman imperativ metodlar işə salınmalıdır: "Qanunvericilikdə bununla bağlı sərt qaydaların olmaması bankların məsuliyyətini azaldır. Digər tərəfdən, bank qanunvericiliyi ilə bağlı boşluqların olmasından bəzi banklar çox məharətlə istifadə edir. Hesab edirəm ki, qanunvericiliyə müəyyən yeniliklər əlavə olunmalı və faizlərin artırılmasına limit qoyulmalıdır. Banklar sui-istifadə hallarına yol verirsə, o zaman həmin banklara yönəlik cərimə sanksiyaları tətbiq olunmalıdır. Həmçinin, bankların fəaliyyətinə nəzarət gücləndirilməlidir. Bəzi banklar əhaliyə xidmət göstərmək əvəzinə, müəyyən holdinqlərin "kassası" rolunda çıxış edir. Bütün bunlarla yanaşı, bank sektorunda rəqabət mühiti artırılmalı və ucuz maliyyə resurslarına çıxış imkanları təmin olunmalıdır".
Vidadi ORDAHALLI

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...