Yunan böhranının Azərbaycandan yan ötməsinin tək səbəbi...

Tarix: 08.07.2015 / 03:58
Bölmə: İqtisadiyyat

Yunan iqtisadiyyatında yaranan məlum vəziyyətin avronun kursuna göstərdiyi mənfi təsir, bundan sonra dünya iqtisadiyyatında baş verəcəklər xüsusi diqqət mərkəzində qalmaqda davam edir. Məlumat verildiyi kimi, məsələ ilə bağlı Fransa prezidenti Fransua Olland və Almaniya kansleri Angela Merkel Yunanıstanda keçirilən referendum nəticələrinin dəyərləndirilməsi üçün Avrozonaya üzv ölkələrin rəhbərlərini müşavirəyə çağırıblar.
Həmçinin onlar öz aralarında Yunanıstanda referendumun nəticələrinə dair müzakirə aparıblar. Merkel vaxtın daraldığını, yunan hökumətinin bir qərar verməli olduğunu deyib: "Yunan baş nazirin də qarşıdakı günlər üçün nə düşündüyünü, verəcəyi təklifləri eşitməliyik. Doğrudan da az vaxtımız var". Avropanın hər yerində həmrəylik olduğunu deyən Fransua Olland isə öhdəliklərlə həmrəylik arasında tarazlıq qurulmalı olduğunu deyib: "Qarşımızda təcili bir vəziyyət var. Həm Yunanıstan, həm də Avropa üçün. Avropa bu məsuliyyəti üzərinə götürməlidir".
Lakin yunanlar Avropanın qənaət proqramını yerinə yetirəmkdən imtina edir. Bu səbəbdən onlara kredit ayrılması da ciddi sual altındadır. Beynəlxalq reytinq agentliyi olan "Standard & Poor’s" isə bəyan edib ki, Yunanıstan borclarını ödəmədiyi üçün ən tez bu həftə defolta düşə bilər. Baş verənlər ölkəmizdə də diqqətlə izlənir. Xüsusən də valyuta ehtiyatları baxımından. Lakin Azərbaycan Dövlət Neft Fondunun (ADNF) icraçı direktoru Şahmar Mövsümov deyib ki, Yunanıstandakı iqtisadi böhran Neft Fondunun gəlirlərinə təsir etməyəcək. O bildirib ki, Neft Fondunun Yunanıstanda heç bir aktivi yoxdur: "Fondun vəsaitinin idarə olunması qaydalarına əsasən, fondun investisiya portfelinin vəsaiti uzunmüddətli öhdəliklər üzrə müəyyən beynəlxalq kredit reytinqi olan ölkələrin aktivlərinə qoyula bilər. Yunanıstanın reytinqi tələblərimizi ödəmədiyindən Neft Fondu bu ölkənin aktivlərinə investisiya qoymayıb. Bu səbəbdən, Yunanıstandakı böhran Neft Fondunun fəaliyyətinə təsir etməyəcək". Lakin avro məsələsində vəziyyət fərqlidir.
"Saxo Bank"ın baş iqtisadçısı Stiv Yakobsen Yunanıstandakı hadisələrin maliyyə bazarlarına təsirini şərh edərkən deyir: "Hazırkı durumda avro-dollar məzənnəsinin inkişaf perspektivlərini proqnozlaşdırmaq çox çətindir. Yunanıstan həqiqətən də avrozonanı tərk etmək qərarını həyata keçirərsə, o zaman avronun kursu dəyişəcək". Onun sözlərinə görə, Almaniya, Bolqarıstan, Xorvatiya və Rumıniyada maliyyə bazarlarında marjalar əhəmiyyətli dərəcədə artacaq":Ümumilikdə, baş verən hadisələr nəticəsində Avropa itkilərə məruz qalıb. Yunan faciəsi həlli olmayan bir məsələdir və burada qazanan tərəf yoxdur. Avropa hazırda gərgin və inadcıl vəziyyətdədir", - deyə baş iqtisadçı qeyd edib. S.Yakobsen qeyd edib ki, referendumun nəticəsi olaraq maliyyə bazarlarının likvidliyi risq altında qalır: "Belə ki, Yunanıstanın Avrozonanı tərk etməsi əsaslı bir iddiaya çevrilib. Avropanın regiondakı "geosiyasi vəziyyəti" ön plana çəkməklə sərt bəyanatlarına baxmayaraq, Yunanıstana yardımı genişləndirməsi ehtimalı 25% olaraq qiymətləndirilir ki, nəticə olaraq 75% bunun əksinədir. Səhm bazarlarında 5%, sabit gəlirli qiymətli kağızlar bazarında isə marjaların 20-50%-dək artacağı gözlənir. Baş verən proseslərdən Şərqi Avropa daha çox zərərə məruz qalacaq". O bildirib ki, Yunanıstanın referendumda "Yox" cavabını seçməsi başadüşüləndir, çünki hökumətin kreditorların şərtlərinə razılıq verməsi nəticəsində ölkədə sosial vəziyyətin daha da gərginləşməsi gözlənirdi.
Baş verənlərlə bağlı digər diqqətçəkən məqam Azərbaycanın reallaşdırdığı enerji layihələridir. Yunan mediasında yayılan məlumatlardan belə bəlli olur ki, Yunanıstanda hökm sürən qeyri-müəyyənlik və hökumətin qərarları Azərbaycan Dövlət Neft Şirkətinin (SOCAR) 20%-lik paya sahib olduğu TAP boru kəmərinin inşasına mane olmayacaq. Məlumata görə, Yunanıstanın DESFA şirkətini satmaq istməməsi belə, bu kəmər üçün maneə yarada bilməz və tezliklə hökumətin SOCAR-ın təklifi ilə razılaşmalı olacağı ehtimal edilir. Bir məqamı da bildirmək lazım gəlir ki, Yunanıstan Azərbaycan üçün strateji baxımdan əhəmiyyətli tərəfdaşlardandır. Bu ölkə Azərbaycanın əsas strateji qaz kəməri olacaq TAP-da istehlakçı və eyni zamanda tranzit ölkədir. Dövlət Neft Fondunun aktivlərinin 25 faizinin avro və idarə olunan vəsaitlərinin 40 faizinin Avropa Birliyində saxlandığını nəzərə alsaq, Yunanıstanda böhranın başa çatmasında maraqlı olan ölkələrdən biri də məhz Azərbaycandır.
Onu da qeyd edək ki, Yunanıstan referendum qərarından sonra borcların yenidən strukturlaşdırılması üçün işlərə başlayıb. Hökumət qənaət etmək, yoxsul təbəqənin maraqlarını nəzərə alaraq islahatlara aparmaq kimi məsələləri özündə ehtiva edən bir razılaşmanın təmin edilməsini hədəfləyir.
Nahid SALAYEV

DİGƏR XƏBƏRLƏR

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...