Banklara kredit borclarımız sığortalanacaq

Tarix: 07.07.2015 / 02:23
Bölmə: İqtisadiyyat

"Qala Həyat" sığorta şirkəti - Tatyana Savelyeva: "Banklar həyat sığortasına əsasən öz vəsaitlərinin təhlükəsizliyi üçün maraq göstərir"

Ramin Məmmədov: "Sığorta şirkətləri kreditin qaytarılmamasının bəzi səbəbləri üzrə biznes kreditlərini sığortalaya bilər"

Hazırda bank sektorunu narahat edən məsələlərdən biri də problemli kreditlərin həcminin artmasıdır. 2015-ci ilin mayın 1-nə olan məlumata görə, Azərbaycanda 2 milyon 414 min 122 nəfər kredit götürən şəxs, yəni borcalan var. Mərkəzləşdirilmiş Kredit Reyestri Xidmətinin məlumatına görə, bu isə ümumi əhalinin 26 faizini təşkil edir. Onların böyük bir hissəsi - 2 milyon 381 min 592 nəfəri fiziki şəxslər, yəni istehlakçılardır.
Digər kredit götürənlər isə hüquqi şəxslər (10.957 nəfər) və sahibkarlıq fəaliyyəti ilə məşğul olanlardır. Bunların sayı isə 21.573 nəfər təşkil edir.
May ayının 1-nə əhali tərəfindən banklara ödənilməyən vaxtı keçmiş kreditlərin həcmi isə 1 milyard 256,6 milyon manat (6,1 faiz) təşkil edib. Ekspertlər bildirir ki, problemli kreditlərin artması narahatedici həddədir. Belə ki, devalvasiyadan əvvəl də bankların problemli kredit portfeli kritik həddə idi. Bildirilir ki, əslində geri qaytarılmayan kreditlərin həcmi rəsmi məlumatlardan dəfələrlə çoxdur. Problemli kreditlərin payı təhlükəli həddi keçib.
Ekspertlər təklif edir ki, problemli kreditlərin həcminin artmaması üçün götürülən kreditlər sığortalansın. Belə olarsa, nə bank pis vəziyyətə düşər, nə də istehlakçı. Kredit götürən müəyyən səbəblərdən dolayı krediti ödəyə bilmədiyi üçün sığorta şirkəti həmin krediti ödəyir.
Qeyd edək ki, sığorta şirkətləri krediti sığortalamaqda maraqlı deyil.
Kredit sığortası kredit götürən şəxsin banka borcunu ödəyə bilmədiyi təqdirdə həmin vəsaitin sığorta şirkəti tərəfindən ödənilməsini nəzərdə tutur. Azərbaycanda bu sığorta ödənişi kredit götürənlərin vəfatı və əmək qabiliyyətinin itirilməsi hallarında həyata keçirilir. Xarici təcrübədə isə kredit sığortasının əhatə dairəsi daha genişdir.
Sığorta hadisəsi siyahısında borcun ödənilməsini çətinləşdirən səbəbləri genişləndirməklə problemli kreditlərin həcmini azaltmaq olar. Bu məsələdə banklar maraqlı olsa da, sığorta şirkətləri boyun qaçırır. Digər tərəfdən, müştərilər tərəfindən də sui-istifadə halları sığorta şirkətlərini kredit sığortasından uzaqlaşdırır.
Maraqlıdır, hansı sığorta şirkətləri bank kreditlərini sığortalayır?
"Qala Həyat" sığorta şirkətinin İdarə Heyətinin üzvü Tatyana Savelyevanın sözlərinə görə, onlar banklarla bu istiqamətdə uğurlu əməkdaşlıq edir: "Hazırda biz banklarla yaxşı əməkdaşlıq edirik və onların vasitəsilə kredit həyat sığortasını satırıq. Biz ipoteka həyat sığortasını 20 bank vasitəsilə təklif edirik. Azərbaycanda 2 tip ipoteka var - dövlət vəsaiti hesabına və bankların öz vəsaitləri hesabına. Dövlət ipotekası təbii ki, bankların verdiyi ipotekadan daha aşağı faizlidir. Lakin dövlət ipotekasını almaq çətindir. Ona görə müştərilər daha çox kommersiya ipotekasından istifadə edir. Banklar həyat sığortasına əsasən öz vəsaitlərinin təhlükəsizliyi üçün maraq göstərir. Ümumiyyətlə, bank sığortası məhsullarını satmağın əsas vasitəsi bankların buna marağıdır".
Sığorta sahəsi üzrə ekspert Ramin Məmmədov qeyd etdi ki, problemli kreditlərin sayı artdıqca, son zamanlar bankların kredit sığortasına marağı artıb: "Banklar kreditin qaytarılmaması risqinin daha da artdığını hiss edir. Bu risqi özlərindən uzaqlaşdırmaq üçün ilk ağıla gələn sığortadır. Sığorta şirkətləri də bunun fərqindədir. Sığorta şirkətləri başa düşür ki, belə sığortanın şirkətlərinə faydası yoxdur. Nəinki istehlak kreditləri, biznes kreditləri də sığortadan kənarda qalır. Biznes kreditlərinin sığortalanması üçün sığorta şirkəti biznes kreditlərinin verilməsi şərtləri ilə ciddi tanış olmalıdır. Bunun üçün biznesi analiz edən peşəkar ekspertlər lazımdır. Biznes kreditlərinin faiz dərəcələri istehlak kreditlərindən aşağıdır və əlavə sığorta faiz dərəcələrini yüksəldir. Bu da kreditin cəlbediciliyinin itməsinə səbəb olur. Amma sığorta şirkətləri kreditin qaytarılmamasının bəzi səbəbləri üzrə biznes kreditlərini sığortalaya bilər. Müflisolmanın qanunvericilikdə əsasları var, əgər müflisolma məhkəmə qərarı ilə təsdiq olunarsa, sığorta ödənişi həyata keçirilə bilər".
Günel CƏLİLOVA

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...