Azərbaycan "avro siyasətini" dəyişir

Tarix: 07.07.2015 / 03:42
Bölmə: İqtisadiyyat

Yunanıstanda keçirilən referendumda seçicilərin 61%-nin Avropa Birliyi rəhbərliyinin tələb etdiyi "kəmərsıxma" siyasətinə yox deməsinin nəticələrinin necə olacağı indi bütün dünyada böyük maraqla izlənir. Baş verənlər ölkə hakimiyyətinin mövqelərinin daha da güclənməsi ilə müşayiət olunur. Yunanıstanın baş naziri Aleksis Tsipras qeyd edir: "Demokratiyaya şantaj edilməyəcəyini göstərdik. Danışıqlar masasına bankları xilas etmək üçün yenidən oturacağıq.
Kreditorların xoşniyyətli olması halında problem həll edilə bilər".
Lakin Yunanıstanda müxalifət partiyasının lideri Antonis Samaras referendumun nəticəsindən sonra istefa verdi. Yeni Demokratiya Partiyasının lideri Samaras 2012-2015-ci illər arasında baş nazir olmuşdu. İstefası ilə bağlı o bildirib: "Partiyamızın yeni bir başlanğıca ehtiyacı var. Bu səbəbdən Yeni Demokratiya Partiyasının sədrliyindən istefa verirəm". Avropa Birlyinin rəhbərliyi də nəticələrdən razı qalmayıb. Fransa prezidenti Fransua Olland və Almaniyanın baş naziri Angela Merkel Yunanıstandakı referendum nəticələrini qiymətləndirmək üçün avrozonaya üzv ölkələrin liderlərinin toplantısını çağırıb. Olland referendumun nəticələrini qiymətləndirmək üçün Avropa Komissiyasının prezidenti Yan Klod Yunker və Avropa Parlamentinin sədri Martin Şults ilə də telefon danışığı aparıb. Məlumatlara görə, Yunanıstanın avrozonadan çıxması artıq gündəmin əsas mövzusudur.
Baş verənlər isə, gözlənildiyi kimi, avronun dəyərdən düşməsinə gətirib çıxarır. Avro dollar qarşısında 1 faizdən çox geriləyərək 1.09-luq həddə düşüb. Avronun manat qarşısında da ucuzlaşacağı gözlənir. İqtisadçı-ekspert Vüqar Bayramov bildirib ki, Yunanıstan Azərbaycan üçün strateji baxımdan əhəmiyyətli tərəfdaşlardandır. Bu ölkə Azərbaycanın əsas strateji qaz tərəfdaşı olacaq, TAP-da istehlakçı və eyni zamanda tranzit ölkədir: "Ölkəmizin sözügedən dövlətdə sərmayələri ilə Dövlət Neft Fondunun aktivlərinin dörddə birinin avro və idarə olunan vəsaitlərinin 40 faizinin Avropa Birliyində saxlandığını nəzərə alsaq, Yunanıstanda böhranın başa çatmasında maraqlı olan ölkələrdən birinin də məhz Azərbaycan olduğunu deyə bilərik. Gözlənir ki, referendum nəticələri avronun dollara məzənnəsinə təsir göstərəcək. Elə Azərbaycan Mərkəzi Bankının da bu iş həftəsinə zəif avro ilə başlayacağı proqnozlaşdırılır. Doğrudur, bazardakı mövcud tarazlıq hələlik avropalıların pulunun kursunda çox kəskin azalmalara imkan verməyəcək. Eyni zamanda, Yunanıstan böhranının ölkəmizin strateji qaz kəmərlərinin reallaşmasına təsir edəcəyi gözlənilmir. Razılaşmaq lazımdır ki, bu təşəbbüslərin reallaşmasında Bakı və Brüssel qərarverici tərəflərdir. Afina sadəcə iştirakçıdır. Kəmərin əsas benefisarı olan İtaliya isə özünün enerji asılılığını yumşaltmaqda maraqlı görsənir".
Vüqar Bayramov qeyd edib ki, Yunanıstan defoltu Dövlət Neft Fondunun gəlirliliyinə mənfi təsir göstərməyəcək: "Bir tərəfdən, fond artıq xeyli vaxtdır "avrosuzlaşma" siyasəti aparır. Digər tərəfdən isə, bu defoltdan ABŞ və Almaniya səhmdarlarının qazanacağı gözlənir. Sözügedən dövlətlə də səhmlərin qiymətində artımlar gözlənir. Bu isə okeanın o tayında vəsaitinin təxminə yarısını saxlayan Neft Fondu üçün yaxşı xəbər sayıla bilər. Referendum nəticələri Azərbaycanla Avropa arasında iqtisadi əlaqələrə da təsir göstərməyəcək. Bu qitəyə daha çox strateji məhsullar ixrac edən Azərbaycanın avro idxalında həcm və qiymətdə hələlik hər hansı dəyişikliklərin olacağı gözlənilmir".
Beləliklə, "yunan krizisi"nin təsir dairəsinin böyük olacağı gözlənir. Almaniya "Deutsche Bank"ının analitiklərinin fikrincə, mütləq tərəflər arasında yeni anlaşma əldə olunmalıdır. Bu , "Deutsche Bank" mütəxəssislərinə görə, kreditorlar və avrozona üçün ən sərfəli çıxış yoludur. Belə ki, bu halda bank sisteminin çökməsi ilə artan siyasi və iqtisadi xərclər iqtidar partiyasını hakimiyyətdən çəkilməyə məcbur edəcək. Əks halda Yunanıstanın avrozonadan çıxışı qaçılmaz sayılır. "Deutsche Bank" analitikləri qeyd edir ki, bu ssenari çərçivəsində hadisələrin inkişafının iki variantı var: Yunanıstan avrozonanı tərk edir, yalnız Avropa Birliyi tərkibində qalır. İkinci halda Yunanıstan həm avrodan, həm də Avropa Birliyindən imtina edir. Hər iki variant olduğu təqdirdə bu, Avropa üçün güclü zərbə və bütün sahələri əhatə edən böhran deməkdir. Almaniya hökuməti bu vəziyyətdə mümkün neqativ nəticələrin qarşısını almaq üçün artıq 15 milyard avro ayırıb.
Yunanıstanın baş naziri Aleksis Tsipras isə referendumun Yunanıstanın Avropada qalmaq və ya qalmamaq üçün keçirilmədiyini bildirib: "Yunan xalqı Avropada qalmaq və ya çıxmaq üçün səs vermədi. Bu sualı tamamilə ortadan götürmək lazımdır. Problemin həlli o qədər də asan olmaya bilər. Amma tərəflər istəsə, ədalətli bir yol tapıla bilər. Müzakirələrə bir islahat planı ilə davam edəcəyik. Yunanıstanın borcu da artıq sövdələşmə masasında olacaq". Ekspertlər isə qeyd edir ki, istənilən halda, yunan tərəfinin atdığı addımlar avronun məzənnəsinə kəskin zərbə vurdu. Baş verənlərin hələ müəyyən müddət avronun kursunu aşağı salmağa davam edəcəyi gözlənir.
Tahir TAĞIYEV

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...