Banklar "komisyon haqqı endirimi"ndən sonra faiz dərəcələrini artıra bilər

Tarix: 02.07.2015 / 03:03
Bölmə: İqtisadiyyat

Samir Əliyev: "Banklar haqqında" Qanuna dəyişiklik etməklə komisyon haqlarının həddini..."

"Bir müddət sonra faiz dərəcələrində azalma müşahidə ediləcək"

Məlum olduğu kimi, Mərkəzi Bank ölkədə fəaliyyət göstərən kommersiya banklarına kreditlərə görə tutduqları komissiya haqlarını azaltmaq barədə tapşırıq verib. Banklar tapşırığa əməl etsələr, kreditlər ucuzlaşa bilər.MB-nin kommersiya banklarına göndərilən məktubunda qeyd olunur ki, müştərilərə verilən istehlak kreditləri üzrə komissiya haqqı kreditin 1 faizindən artıq olmamalıdır.
Bu 1 faizə rəsmiləşdirmə və nağdlaşdırma xərcləri daxil olmalıdır.
Tənzimləyici orqan bildirir ki, bəzi banklarda istehlak kreditləri üzrə həddən artıq yüksək komissiya haqqı tələb olunur. Bu banklarda istehlak kreditləri üzrə faktiki illik faiz dərəcəsi bank sektoru üzrə olan orta illik göstəricini xeyli üstələyir. MB məhz bunu nəzərə alaraq banklara belə bir tapşırıq verib.
Beləliklə, indiyə kimi banklar vətəndaşlardan 5 faiz komissiya haqqı tuturdusa, bundan sonra məcbur olub 1 faiz tutacaq. Dakin istisna olunmur ki, banklar bu itkini başqa yollara baş vuraraq kompensasiya etməyə çalışacaq. Çünki bəzi bankların komissiya haqqı, hətta kreditin 10 faizdən də yüksək idi. Bu isə kredit üzrə faktiki illik faiz dərəcəsinin həddən artıq yüksək olmasına səbəb olurdu. Güman olunur ki, komissiya haqqını endirməyə məcbur olan banklar faiz dərəcələrini bir az da artıracaq.
Maraqlıdır, bunun qarşısını necə almaq olar?
Sözügedən məsələni dəyərləndirən iqtisadçı-ekspert Samir Əliyev hesab edir ki, ümumən götürdükdə, bu təşəbbüs kredit bazarında rəqabətin yaranması baxımından müsbətdir və sui-istifadə hallarını aradan qaldıracaq: "Hazırda banklar komisyon haqları hesabına kifayət qədər manevr etmək imkanına malikdir. Təsəvvür edin ki, müştəri cəlb etmək üçün faiz dərəcələrini aşağı təklif edirlər. Müştəri müqavilə imzalayan an məlum olur ki, böyük həcmdə komisyon haqqı ödəməlidir. Bir sözlə, banklar marketinq strategiyasına uyğun olaraq "aşağı faiz dərəcəsi - yüksək komisyon haqq"ı prinsipinə üstünlük verir. Komisyon haqları hətta 6-7 faizə qədər çatır. Bu gəlir bankların gizli gəliri hesab olunur. Təsəvvür edin ki, illik faiz dərəcəsi 24 faiz olan 6 aylığa verilən kreditlərin effektiv faiz dərəcəsi təxminən 7 faizə bərabərdir. Yəni banklar komisyon haqları hesabına 6 aylıq qazancı birdəfəyə, bir günə qazana bilir. Ancaq komisyon haqları üçün 1 faizlik həddin qoyulması müştəriyə hansı bankın münasib şərtlərlə kredit verdiyini müəyyənləşdirməyə imkan verəcək. Nəticədə kredit bazarında müəyyən rəqabət formalaşacaq".
S.Əliyevin fikrincə, ilk növbədə kreditlərin faiz dərəcələri artsa da, bu təsir uzunmüddətli olmayacaq: "Bir müddət sonra faiz dərəcələrində azalma müşahidə ediləcək. Azalmanın əvvəlki səviyyəyə düşəcəyini söyləmək tezdir. Çünki kredit bazarında digər amillər də nəzərə alınmalıdır. Digər təsir müştərinin sığortalanması ilə bağlı olacaq. Bəzi banklar düzgün olaraq komisyon haqları hesabına müştərinin həyatını sığortalayırdı. MB-nin göstərişindən sonra banklar müştərinin sığortalanmasını onun öz öhdəsinə buraxacaq.
Ona görə də MB yaxın dövrlərdə bank qanunvericiliyinə bir sıra dəyişiklik etməlidir. Birincisi, "Banklar haqqında" Qanuna dəyişiklik edilməklə komisyon haqlarının həddi MB tərəfindən təsdiq edilmiş normativə əsasən müəyyənləşdirilsin. İkincisi, kredit götürən müştərinin həyatının sığortalanması qanunvericiliklə icbari xarakter daşısın".

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...