Azərbaycanın avro ehtiyatları barədə yeni qərarın vaxtı yetişir

Tarix: 18.06.2015 / 03:28
Bölmə: İqtisadiyyat

Yunanıstan Avropanın maliyyə sistemini çökdürür, təsirləri Azərbaycana da gəlir
Yunanıstanın düşdüyü iqtisadi çətinlik və bunun avronun məzənnəsinə təsiri indi investorların xüsusi diqqət mərkəzində saxladığı əsas hadisəyə çevrilib. Çünki baş verənlər dünyada ikinci işlək valyuta sayılan avronun gələcəyini də müəyyənləşdirir. Belə görünür ki, Yunanıstanın tənəzzüldən xilası artıq mümkünsüz hadisəyə çevrilməkdədir və bu vəziyyətdə ölkənin avrozonadan çıxması da aktuallaşır.
Bu vəziyyət isə ekspertlərə görə, avronun məzənnəsinə sarsıdıcı zərbə vuracaq.
Dünya miqyasında, o cümlədən Azərbaycanda bu halda avronun məzənnəsinin kəskin düşməsi istisna olunmur. Hətta bu vəziyyətdə avro-manat məzənnəsinin yenidən bərabərləşməsi də istisna olunmur. Hər halda dollar qarşısında zəifləyən avronun manata nisbətdə də ucuzlaşması qaçılmaz sayılır. Yunanıstanda gedən proseslərdən çox şey asılı olacaq. Bu ölkədə isə vəziyyət getdikcə pisləşir. Yunan banklarının müştəriləri təkcə iyunun 15-də öz hesablarından rekord məbləğdə - 600 milyon avro çıxarıblar. Buna səbəb kimi iyunun 14-də Yunanıstanın kreditorlarla danışıqlarının nəticəsiz qalması göstərilir. Yunan hökumətinin hər uğursuz danışıqlarından sonra bədbinlik hissi bir qədər də artır. Belə ki, iyunun 30-da Afina Beynəlxalq Valyuta Fonduna 1,6 milyard avro həcmində ödəniş həyata keçirməlidir. Bir çox iqtisadçılar bu həftəni Yunanıstan üçün həlledici adlandırır. İyunun 18-də Lüksemburqda avrozona ölkələrinin maliyyə nazirlərinin iclası başlayır. Bu iclas çərçivəsində Yunanıstanın yeni islahatlar planını təqdim edəcəyi gözlənir. Lakin ölkənin maliyyə naziri Yanis Varufakis Almaniyanın "Bild" qəzetinə müsahibəsində planın tam hazır olmadığını və bu səbəbdən onu təqdim edə bilməyəcəklərini deyib.
Maraqlıdır ki, Brüsseldə artıq təcili tədbirlər görməyə başlayıblar. "Sueddeutsche Zeitung" qəzetinin məlumatına görə, Yunanıstan 2 günə kreditorlarla razılığa gələ bilməsə, problemin siyasi həllini tapmaq məqsədilə avrozona ölkələri dövlət başçılarının fövqəladə sammiti çağırılacaq. Yunanıstanın maliyyə naziri Yanis Varufakis hökumətinin kreditorların tələb etdiyi maliyyə yardımı şərtlərini qəbul etmək üçün milli mandatının olmadığını bildirib. Ölkənin daxilində isə hökumət müxalifətin təzyiqlərinə məruz qalır. Afinada sərt iqtisadi siyasətin dayandırılması və dövlət sektorlarında ixtisar olunmuş iş yerlərinin bərpası tələbi ilə etiraz aksiyaları keçirilir.
Hazırda avrozona liderləri Yunanıstanın borc probleminin üç mümkün həlli yolundan danışırlar. Birincisi, islahatlar müqabilində yeni maliyyə yardımı sazişinin imzalanmasıdır. Ekspertlər situasiyanın indiki inkişafında bu ssenarinin mümkünlüyünə şübhə edir və yunan hökuməti də buna razı deyil. Digər variant iyunun 30-da başa çatacaq maliyyə yardımı proqramını uzatmaqdır. Bu da Avropanın Afinanın qarşısında geri çəkilməsi demək olacaq. Belə vəziyyətə isə Almaniya razı deyil. Üçüncü variant defolt elanıdır. Bu variantın daha real olması proqnozlaşdırılır. Defolt isə həm də avronun məzənnəsinə böyük zərbədir. Yunanıstanın baş naziri Aleksis Sipras bir qədər əvvəl bəyan etmişdi ki, kreditorlar Afinanın borc problemini həll etməklə bağlı səmimi istəyini zəiflik kimi dəyərləndirir və odur ki, pensiyalarla maaşların azaldılmasında israr edirlər: "Lakin Yunanıstan səbrlə gözləməyə hazırdır, o vaxtadək ki, kreditorlar realizmə qayıdacaqlar".
Müxtəlif hesablamalara görə, Afinanın avrozonadan çıxması və iflasın elanı avronun 15-20% dəyər itirməsi ilə nəticələnə bilər. Bu fonda dolların avro qarşısında yeni yüksəlişi qaçılmaz sayılır. Maraqlı bir detal isə odur ki, ən böyük totalizator şirkəti olan "Villiam Hill" artıq Yunanıstanın avrozonadan çıxmasına qoyulan stavkaları artıq qəbul etmir, çünki bu o qədər realdır ki, stavka qoyanların sayı kəskin artıb və şirkət də uduzacağından çəkinərək stavkaları dayandırıb. Ekspertlər hesab edir ki, yunan amili ilə bağlı olaraq avronun məzənnəsinin kəskin şəkildə aşağı düşməsi Azərbaycanın dövlət rezervlərinə mütləq şəkildə təsir edəcək. Bu fonda indiki məqamda avro ilə ehtiyatların dəyişdirilməsi təklifi də gündəmə gəlir. Digər tərəfdən, avronun məzənnəsinin kəskin azalması ölkəmizin Avropaya ixrac potensialının azalmasına da gətirib çıxarır.
Hesab olunur ki, indiki məqamda, ən azından, avro ilə saxlanan rezervlərin həcmini minimum səviyyədə azaltmaqla bağlı qərar verməyə ehtiyac var. Çünki avro məzənnəsi ən çox dəyişən valyutadır. Belə edildiyi təqdirdə, Azərbaycan gələcəkdə bu dəyişikliklərdən sığortalanmış olacaq. Əks halda avronun yaratdığı itkilərin miqyası elə də az olmayacaq.

DİGƏR XƏBƏRLƏR

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...