Valyuta bazarında baş verənlər Azərbaycana nə vəd edir?

Tarix: 11.06.2015 / 02:27
Bölmə: İqtisadiyyat

Dünya maliyyə bazarlarında valyutaların kursu ilə bağlı yenidən maraqlı proseslər müşahidə olunur. Bir müddət öncəyə qədər dollar qarşısında möhkəmlənən avro yenidən sürətlə dəyər itirməyə başlayır. Ölkəmizdə də dolların kursunun möhkəmlənməsi, avronun isə manata nisbətən dəyər itirməsi müşahidə olunur. Son məlumata görə, dolların manata nisbətdə rəsmi məzənnəsi artıb.
Dolların rəsmi məzənnəsi 1,0478 manat olub. Avronun məzənnəsinə gəlincə, bu valyuta manata nəzərən ucuzlaşıb. Avro 1,1820 manat olub.
Bu arada belə fikirlər səslənir ki, dolların məzənnəsi daha da güclənəcək. Buna əsas səbəb ABŞ Federal Ehtiyatlar Sisteminin uçot dərəcələrini artırmaq niyyətidir. Bundan başqa, ABŞ iqtisadiyyatında müşahidə olunan proseslər də dolların məzənnəsinin yüksəlməsinə təsirsiz ötüşməyəcək. Digər tərəfdən, Avropa ölkələrində artan inflyasiya avronun məzənnəsinin dollar qarşısında dəyər itirməsinə gətirib çıxarır. Bu hal son nəticədə Azərbaycanda da özünü göstərir, avro manat qarşısında zəifləyir, dollar bahalaşır. Lakin ekspertlər dolların bahalaşmasının Azərbaycan üçün hansısa təhlükəyə və ya yeni devalvasiyaya gətirib çıxarmayacağını proqnozlaşdırır.
Beynəlxalq Valyuta Fondunun (BVF) Azərbaycan üzrə rəhbəri Raca Almarzoqi bunu ölkə iqtisadiyyatı ilə bağlayır":İlin əvvəlində Azərbaycanda 2015-ci ildə iqtisadi inkişafın 0,6% olacağını düşünürdük. Lakin sonra ölkəyə gəldik, sənədlərlə tanış olduq və bu rəqəmi 1,8%-ə qaldırdıq. Hesab edirəm ki, artım "Şahdəniz" layihəsinə yatırımlar hesabına olacaq". R.Almarzoqi deyib ki, BVF növbəti devalvasiya gözləmir":Neftin qiyməti 50 dollardan aşağı düşsə belə, devalvasiya gözlənilmir". Ekspertlər də analoji mövqeni bölüşür. İqtisadçı-ekspert Vüqar Bayramov qeyd edir ki, milli valyutamızın yaxın aylarda məzənnəsi daha çox dünya valyuta bazarında baş verənlərdən asılı olacaq: "Manatın son günlərdəki rəsmi məzənnəsi göstərir ki, Mərkəzi Bank valyuta səbətində avronun payını artırıb. Praktik olaraq, dollar avroya nisbətən möhkəmlənən zaman manata nisbətən də güclənir. Və ya əksinə: dollarla müqayisədə dəyər itirən avro manat qarşısında da zəifləyir. Deməli, bu artıq Mərkəzi Bankın, çevik valyuta siyasətinə keçərək, valyuta səbətində milli valyutamızın gələcək məzənnəsinə təsir edəcək dəyişiklik etdiyindən xəbər verir. Əslində bu, tədricən manatın avronun məzənnəsindən asılılığının yaranması anlamına da gəlir. Bu isə o deməkdir ki, manatın növbəti mərhələdə məzənnəsi, həmçinin. Avropa pulunun durumundan asılı olacaq. Avrozonada milli valyuta möhkəmlənəcəksə, o zaman manat da dollara nisbətən dəyər qazanacaq. Avronun dollara nisbətən zəifləməsi isə manatın da yumşalmasına səbəb olacaq. Bu isə o deməkdir ki, Mərkəzi Bank hələlik mövcud məzənnə dəhlizindən kənara çıxmamağa çalışacaq".
Ekspertin fikrincə, mövcud şərtlər daxilində Mərkəzi Bank çalışacaq ki, yaxın aylarda manatı kəskin yumşaltmasın: "Milli valyutanın son zamanlar dəyişən məzənnəsi göstərir ki, Mərkəzi Bank situasiyanı hələlik özü üçün müəyyənləşdirdiyi dəhliz çərçivəsində dəyişəcək. Bununla da, manatın məzənnəsinin necə dəyişəcəyi barədə konkret fikir formalaşmasına əsas yaratmayacaq. Əslində, hazırda manatın məzənnəsinin möhkəmlənməsinə iqtisadi baxımdan əsas olmamaqla yanaşı, onun kursunun kəskin ucuzlaşmasına da sosial aspektdən lüzum yoxdur. Belə görsənir ki, neftin dünya bazar qiymətinə və eləcə də ticarət üzrə əsas tərəfdaş ölkələrdəki milli valyutalardakı məzənnə dəyişikliyinə uyğun olaraq manatın kursu müəyyənləşəcək. Hələlik isə baş bank xırda korrektələrlə mövcud məzənnəni qoruyub saxlamağa çalışacaq. Dünya neft bazarındakı mövcud tendensiyanı nəzərə alsaq, Mərkəzi Bank hələ bir müddət mövcud məzənnə sərhədləri daxilində məzənnəni müəyyənləşdirməyə çalışacaq".
Xatırladaq ki, strateji baxımdan manatın məzənnəsi ölkəyə daxil olan valyuta kütləsindən asılıdır. Neftin dünya bazar qiymətinin indiki yüksəlməsi davam edəcəyi təqdirdə, manatın dollara nisbətdə hətta möhekəmlənməsi belə istisna olunmur. Ümumiyyətlə, dünya bazarında son günlərdə neftin qiymətinin qalxması manata olan təzyiqləri xeyli azaldıb. Hazırda neftin barrelinin qiyməti 65 dollar ətrafında dəyişir. Ekspertlərin fikrincə, neftin qiymətinin müyyən qədər qalxması manatın dollara nisbətən bahalaşmasına səbəb ola bilər. Hesab olunur ki, neftin dünya bazar qiyməti hər barrel üçün 70 dollarlıq psixoloji həddi keçib stabilləşərsə, o zaman tədiyyə balansındakı profisit pul dövriyyəsində dollar kütləsini artıracaq ki, bu da manat təklifini azaldacaq. Nəticədə manat daha da bahalaşcaq. Artıq bu ayın əvvəlinə Mərkəzi Bankın valyuta ehtiyatlarının artması da manatın məzənnə artımını istisna etmir.

DİGƏR XƏBƏRLƏR

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...