Bakıda köhnə evlər qiymətdən düşməyə başladı

Tarix: 09.06.2015 / 02:10
Bölmə: İqtisadiyyat

Daşınmaz əmlak bazarında aktivliyin getdikcə aşağı düşməsi mənzillərin qiymətində özünü daha qabarıq formada nümayiş etdirməkdədir. Hazırda əsas ucuzlaşma köhnə mənzillərin qiymətində müşahidə edilir. Mütəxəssislər hesab edir ki, cari ilin sonuna kimi ucuzlaşmanın davam edəcəyini gözləmək olar.
Məlumat üçün bildirək ki, bu ilin may ayı ərzində paytaxtın təkrar yaşayış mənzil bazarında satışa təklif olunan yaşayış mənzillərinin hesablanmış orta təklif qiyməti hər kvadratmetr üçün 1689 dollardan 1 630 dollara düşüb. Bu da 3,49% azalma deməkdir. Milli valyutada isə qiymətlər 1 770 manatdan 1 709 manata enib. Burada azalma 3,47% təşkil edib. "MBA Ltd." konsaltinq şirkətinin monitorinq qrupunun açıqladığı aylıq hesabata görə, təkrar yaşayış mənzil bazarında qeyd olunan qiymət azalmasını alıcılıq qabiliyyətinin zəifləməsi ilə əlaqələndirmək olar. Aprel ayında ümumi təkliflərin sayı 1 726 olduğu halda, bu rəqəm mayda 1 564 təşkil edib. Təkrar mənzil bazarında qeydə alınan ümumi təkliflərin sayı ötən ilin müvafiq ayı ilə müqayisədə isə 25% azalıb. Nəsimi, Nərimanov və Yasamal rayonlarının təklif portfelindəki payı mütləq çoxluq təşkil edib və onların ümumi payı 55,3%-ə bərabər olub.
Yuxarıda qeyd olunduğu kimi, ilin sonuna qədər mənzillərin qiymətində daha çox azalma qeydə alınacaq. Çünki mənzil bazarında hazırda alıcıların sayı olduqca azdır. Tələbat az olduğuna görə bu, qiymətlərin aşağı düşməsinə gətirib çıxarır. Beləliklə, əmlak bazarında tələb kəskin azaldığı üçün real satış qiymətində azalmalar müşahidə edilir. Digər tərəfdən, Rusiyaya tətbiq edilən sanksiyaların qüvvədə qalması şimal qonşumuzda yaşayan azərbaycanlıların Bakının mənzil bazarına tələbini azaldıb. Bundan əlavə, qlobal iqtisadi çətinliklə bağlı olaraq nəinki Azərbaycanda, eləcə də bütün qonşu ölkələrdə vətəndaşlar daha çox yığıma üstünlük verir ki, bu da mənzillərə tələbi azaldıb. O da faktdır ki, neftin dünya bazar qiymətinin aşağı düşməsi ölkə ixracatının azalmasına və bununla da pul dövriyyəsində valyutanın payının məhdudlaşmasına səbəb olub. Ötən illərdə ipoteka hesabına mənzil bazarında aktivliyi müəyyən qədər qoruyub saxlamaq olurdu. Amma son vaxtlar bu sahədə də geriləmələr müşahidə olunur. Onu da qeyd edək ki, təkrar mənzil bazarından fərqli olaraq, ilkin bazarda ciddi qiymət azalması yoxdur. Onun da əsas səbəbi ilkin mənzil bazarında qiymətləri sahibkarların özlərinin müəyyənləşdirməsidir. Ona görə də sahibkarların istəyindən və mövcud maliyyə vəziyyətindən asılı olaraq bu bazarda qiymətlərin dəyişməsi baş verə bilər. İndiki halda sahibkarlar, hələ ki, qiymətdə azalma etmək niyyətində deyil. Köhnə evlərdə isə vəziyyət fərqlidir. Məsələn, paytaxtda mərkəzə yaxın ərazilərdə əvvəllər birotaqlı mənzil 65 min manata satılırdısa, indi 55 min manata təklif olunur. İkiotaqlı mənzillər 85 min manatdan 70 min manata qədər ucuzlaşıb. Maklerlərin sözlərinə görə, ucuzlaşma daha çox "Xruşşovka", "Stalinka" proyektli binalardakı mənzillərdə müşahidə olunur.
Ancaq buna rəğmən, torpaq bazarında qiymət artımları var. Aparılan monitorinqlərə görə, torpaq bazarında son 4 ayda təxminən 8 faiz artım müşahidə edilib. Bu, torpağa olan tələbatın yüksəlməsi və alıcıların say çoxluğu ilə bağlıdır. Alıcıların sayının çox olmasının əsas səbəbi söküntülər zamanı kompensasiya alan vətəndaşların torpaq alaraq fərdi ev inşa etməyə üstünlük vermələridir. Bu isə özlüyündə torpağa olan tələbatın yüksəlməsinə gətirib çıxarır. Bunun digər səbəbi vətəndaşların müəyyən yığım pullarını torpaqda saxlamalarına üstünlük verməsidir. Nəticədə torpağa olan tələbat yüksəlir, bu da qiymət artımına gətirib çıxarır. İkincisi, torpaq sahələri mənzilə nisbətən məhduddur. Bunun üçün də satış artdıqca torpağın məhdudluğu qiymətin yüksəlməsinə birbaşa təsir edir.
Ucuzlaşmaya baxmayaraq, Bakıda mənzil bazarında qiymətlər çox yüksəkdir, buna görə də bir çoxlarının paytaxtda mənzil almağa imkanı çatmır. Son iki il ərzində əksər potensial alıcılar birinci və ikinci mənzil bazarından torpaq bazarına keçib. Hesablamlara görə, kiçik torpaq sahəsi alaraq bir və ya ikimərtəbəli ev tikmək mənzil üçün böyük məbləğ ödəməkdən daha sərfəlidir. Digər tərəfdən, mənzil alarkən birbaşa pul ödəmək lazım gəlir. Amma, misal üçün, 10 min manata kiçik torpaq sahəsi almaq və iki-üç il ərzində orada ev tikmək mümkündür. Bir çoxuna bu variant daha münasibdir. Xatırladaq ki, Bakıda evləri sökülən vətəndaşlar ən çox fərdi evlər tikməyə üstünlük verir. Ekspertlər qeyd edir ki, hazırkı situasiyada manatın məlum devalvasiyası ilə bağlı vəziyyət torpaq bazarına daha çox təsir göstərir.

DİGƏR XƏBƏRLƏR

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...