Yanmış bina Bakıda "bina sığortası" kimi mühüm problemi ortaya çıxardı

Tarix: 22.05.2015 / 02:22
Bölmə: İqtisadiyyat

"Atəşgah Sığorta" Qrupu - Elnur Zeynalov: "Təhlükəli sayılan əmlakın sığortası sığorta şirkəti üçün heç də məqbul deyil"

"Beynəlxalq Sığorta Şirkəti" - Qoşqar Şəkərəliyev: "Yüksək yanğın risqi olarsa, sığortadan imtina olunur"

"Qarant" Sığorta Şirkəti - Leyla Quliyeva: "Penoplastla üzlənən və ya təhlükəli sayılan evlərin sığorta haqqı adi evlərə nisbətən 15-20 faiz yüksək olur"

Xəyal Məmmədxanlı: "Sığorta şirkətləri penoplast üzlüklü binalardakı evləri baha sığortalamaqda və ya ümumiyyətlə sığortalamamaqda haqlıdır"

Məlum olduğu kimi, aprelin 10-u Xətai rayonu, Zığ şossesində 9 mərtəbəli yaşayış binasında yanğın hadisəsi baş vermişdi. Yanğının sürətlə yayılmasına səbəb isə binaya vurulan penoplast üzlüyüdür. Həmin hadisə nəticəsində insan tələfatı qeydə alınmasa da, bina sakinlərinə müəyyən məbləğdə zərər dəyib.
Adıçəkilən hadisədən bir ay keçəndən sonra analoji faciə Binəqədi rayonu, Azadlıq prospekti 200/36 ünvanında yerləşən 16 mərtəbəli binada qeydə alındı. Təəssüflər olsun ki, hadisə zamanı 15 nəfər həyatını itirdi, 60-a yaxın şəxs müxtəlif dərəcəli xəsarət alıb. Bu bədbəxt hadisənin baş verməsinə binanın üzərinə vurulan penoplast üzlüyünün səbəb olduğu deyilir.
Məlumat üçün bildirək ki, artıq xarici ölkələrdə binaların üzlüyü penoplastla üzlənmir. Çünki 2011-ci ildən Avropa İttifaqında (Aİ) yüksək yanğın risqi olduğuna görə penoplastın tikinti işlərində istifadəsinə qadağa qoyulub. Buna səbəb tikintidə təhlükəsizlik, davamlılıq və s. meyarlar üzrə standartlar hazırlayan "İnternational Code Council" təşkilatının belə materialların məktəblərin, evlərin, iş yerlərinin tikintisində istifadəsini təhlükəli hesab etməsi olub. Son nəticədə Aİ ölkələrinin sığorta şirkətləri əmlakın sığortalanması ilə bağlı ciddi narahatlıq hissi keçirmir.
Xarici ölkələrdən fərqli olaraq, respublikamızda tək yaşayış binaları deyil, eyni zamanda müəssisələrin fəaliyyət göstərdiyi binalar adıçəkilən materialla üzlənib.
Maraqlıdır, sığorta şirkətləri təhlükəli hesab edilən, risq faktoru daşıyan üzlüklərlə üzlənən binaları sığorta edirmi?
"Atəşgah Sığorta" Qrupunun sığorta üzrə məsləhətçisi Elnur Zeynalov "Bakı-Xəbər"ə açıqlamasında qeyd etdi ki, yaşayış binasının bütün sənədləri qaydasındadırsa, həmin bina icbari sığorta olunur: "İcbari sığorta məcburidir, könüllü deyil. Sığorta şirkətinə ildə 50 manat ödəməklə həmin binanı 25000 manat dəyərində sığorta etdirmək olar".
E.Zeynalovun sözlərinə görə, təhlükəli sayılan əmlakın sığortası sığorta şirkəti üçün heç də məqbul deyil: "Yəni yanma ehtimalı olan, tez sıradan çıxan əmlakın sığortası sığorta şirkəti üçün sərfəli deyil. Bu bizim üçün maddi ziyandır".
"Beynəlxalq Sığorta Şirkəti"nin baş anderrayteri Qoşqar Şəkərəliyev bildirdi ki, yüksək yanğın risqi olan belə evləri sığortalamaqdan imtina edir. Onun sözlərinə görə, evə baxış keçirilərkən yüksək yanğın risqi olarsa, sığortadan imtina olunur.
"Qarant" Sığorta Şirkətinin satış şöbəsinin nümayəndəsi Leyla Quliyeva bizimlə söhbətində bildirdi ki, şirkət yalnız icbari sığorta ilə məşğuldur: "Ancaq penoplastla üzlənən və ya təhlükəli sayılan evlərin sığorta haqqı adi evlərə nisbətən 15-20 faiz yüksək olur".
Sığorta sahəsi üzrə ekspert Xəyal Məmmədxanlı qeyd etdi ki, sığorta şirkətləri penoplast üzlüklü binalardakı evləri baha sığortalamaqda və ya ümumiyyətlə sığortalamamaqda haqlıdır: "Ola bilər ki, sığorta şirkəti evi tam və ya qismən sığorta edər. Ola bilər ki, ev sığortalanarkən üzlüklə bağlı yanğın risqi istisnaya aid edilə bilər. Və yaxud nisbətən baha sığortalaya bilər. Hər bir halda, risq yüksək olduğundan, sığorta şirkətləri haqlıdır".

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...