Bank və sığorta şirkətlərinin "avtomobil itkiləri" artır

Tarix: 19.05.2015 / 03:07
Bölmə: İqtisadiyyat

Avtomobil bazarında davam edən durğunluq bank və sığorta sektoruna, əvvəlki kimi, mənfi təsir göstərməkdə davam edir. Ölkəyə gətirilən maşınların sayının azalması isə bu mənfi təsirin daha da genişlənəcəyini istisna etmir. Bu arada qeyd edək ki, cari ilin yanvar-aprel aylarında Azərbaycana 12 890 ədəd avtomobil idxal olunub. Bu, ötən ilin eyni dövrü ilə müqayisədə 23 842 avtomobil və ya 2,1 dəfə azdır. Daxili istehsal da azalıb.
Cari ilin yanvar-aprel ayları ərzində Azərbaycanda 156 ədəd minik, 130 ədəd yük avtomobili istehsal olunub. Ötən ilin müvafiq dövrü ilə müqayisədə minik avtomobili istehsalında 78% azalma, yük avtomobilində isə əksinə, 23,8% artım müşahidə olunub. Qeyd edək ki, hazırda Azərbaycanda avtomobil istehsalı Naxçıvan, Gəncə şəhərləri və Şamaxı rayonunda həyata keçirilir.
Bütün bunlar isə avtomobillərdən bank və sığorta şirkətlərinin əldə etdiyi vəsaitin miqdarının kəskin azalması ilə müşayiət olunur. Məlumdur ki, əksər bankların kredit portfelində avtomobil kreditləri üstünlük təşkil edir. Ən yüksək komisyon haqqı da buradadır. Belə ki, bankların təqdim etdiyi avtokreditlərin faiz dərəcəsi 15-30 arası dəyişirsə, komisyon haqqı bəzən 15 faizi belə keçirdi. Lakin indi avtomobil alanların sayı azalıb və bunun üçün kredit götürmək məqsədilə banklara müracitə edənlər elə də çox deyil. Avtomobil kreditlərinin və satışının kəskin azalması sığorta şirkətlərinin işinə mənfi təsir etməyə başlayıb. Qeyd edək ki, könüllü, yəni kasko sığortası bazarının böyük hissəsi kreditlə alınan avtomobillərin payına düşür. Orta hesabla, sığortalanan avtomobillərin 70 faizdən çoxu kreditlə alınanlardır. Bəzi şirkətlərdə isə kasko sığortanın 90 faizə qədər hissəsi kreditlə alınan avtomobillərin payına düşür. Avtomobil satışının azalması belə şirkətlərə daha çox təsir edir. Yaranmış durumda bəzi şirkətlər müştərilərini itirməmək üçün sığorta haqlarını belə azaltmağa hazırdır. Lakin Azərbaycanın Sığortaçılar Assosiasiyası (ASA) sığorta şirkətlərini sığorta tariflərini aşağı salmamağa çağırır.
ASA-nın sədri Orxan Bayramov bildirib ki, tariflərin aşağı salınması risqlidir":Sığorta məhsulu satılarkən sonra da nəzərə alınmalıdır. Əks halda zərərlilik arta bilər. Yığımlar ödənişləri həyata keçirməyə kifayət etməlidir. Rəqabət və satışları artırmaq naminə qiymətləri aşağı salmaq olmaz". Orxan Bayramov qeyd edib ki, avtomobillərin kasko sığortası bazarında böyük potensial mövcuddur":Bazar hələ də doymayıb. Kasko sığortasında bu ilin ilk ayında yığımlar cəmi 8,4 milyon manat təşkil edib. Halbuki, Azərbaycanda işlək vəziyyətdə olan 1 milyon ədəd avtomobili nəzərə alsaq, yığımların 300 milyon manat ola biləcəyini söyləyə bilərik. Düzdür, kaskoda bu məbləği qısa müddətdə yığmaq utopiyadır. Lakin bazara yeni ruh, yeni format gələrsə, kasko satışlarında əhəmiyyətli irəliləyişi müşahidə edə bilərik. Bunun üçün ödənişlərin verilməsi sürətlənməli, xidmətin keyfiyyəti artırılmalıdır. Təəssüf ki, bəzi şirkətlər sığortanı satmaqla işlərini bitmiş hesab edirlər".
Qeyd edək ki, 2015-ci ilin yanvar-aprel aylarında Azərbaycandakı 27 sığorta şirkətinin xəttilə təxminən 166 milyon manat sığorta haqqı toplanıb. Bu, ötən ilin eyni dövrü ilə müqayisədə çoxdur. Amma 2015-cü ilin ilk 4 ayında sığorta şirkətlərinin həyata keçirdiyii sığorta ödənişlərinin məbləği isə təxminən 58,1 milyon manat təşkil edib. Bu da 2014-cü ilin eyni dövrünə nisbətən 31,4% çoxdur. Halbuki, avtomobil satışı yüksək həddə olarsa, sığorta şirkətləri daha çox qazanc əldə edə bilər. Hazırda mövcud durumdan, xüsusilə kasko sığortası üzrə ixtisaslaşan şirkətlər zərərə düşür. Ümumiyyətlə, maşın satışının azalması ilə yanaşı, avtomobil kreditlərinə məhdudiyyətlərin tətbiq edilməsinin avtomobil sığortasına mənfi təsir edəcəyi gözlənirdi. Çünki hazırda da kasko sığortasının əsas satış kanalı banklar olaraq qalır. Lakin kasko üzrə sığorta haqlarında azalma vəziyyəti dəyişir. Bəzən də sığorta şirkətlərinin bağlanmış müqavilənin şərtlərini pozması, vətəndaşlara dəyən zərəri ödəməməsi də insanları kasko sığortadan yayındırır. Bu hal hətta icbari sığorta zamanı da özünü göstərir. Avtomobil icbari mülki məsuliyyət sığortası hər iki tərəfin razılığı əsasında bağlanır. Avtomobil icbari mülki məsuliyyət sığortası ilə bağlı qanunda bu proseslərin tənzimlənməsi birbaşa öz əksini tapıb. Lakin bəzi hallarda şərtlərin pozulması və bunun sığorta şirkətləri tərəfindən edilməsi onlara inamın sürətlə itməsinə gətirib çıxarır.

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...