Neftin qiymətində böyük artım başlayır

Tarix: 19.05.2015 / 02:46
Bölmə: İqtisadiyyat

Dolların məzənnəsinin son bir neçə gündə ucuzlaşması fonunda neftin qiymətinin necə olacağına dair müxtəlif fikirlər səslənməkdədir. Ekspertlər hesab edir ki, dolların ucuzlaşması davamlı xarakter alarsa, neftin əhəmiyyətli dərəcədə bahalaşmasını gözləmək olar. Neft hasilatçıları da qiymətlərin əhəmiyyətli dərəcədə yüksələcəyini istisna etmir. Məsələn, Venesuela prezidenti Nikolas Maduro bildirir ki, OPEK neft qiymətlərini yenidən 100 dollara qaytarmağı planlaşdırır.
O, Venesuelanın neft qiymətlərinin stabilləşməsini təmin edəcək saziş üzərində işlədiyini bildirib: "Bu saziş OPEK üzvlərinə və digər neft hasil edən ölkələrə dünya bazarında neftin qiymətinin yüksək saxlanmasına və 100 dollar olmasına imkan verəcək. Hazırda saziş üzərində işləyirik. Ümid edirik ki, iyunda razılıq əldə edəcəyik. Söhbət OPEK və bir sıra iri neft istehsalçılarının ilin ikinci yarısı üçün nəzərdə tutulmuş neft bazarının sabitləşdirilməsi üzrə birgə planından gedir". Digər neft hasilatçısı olan İran isə bu məhsulun qiymətinin 80 dollara qədər qalxa biləcəyini bəyan edir. Ekspertlər indiki durumda dolların məzənnəsinin proseslərə ciddi təsir göstərəcəyini bildirir. Dolların isə ucuzlaşmasının davam etməsi gözlənir. İqtisadçı ekspert Vüqar Bayramov dolların avro qarşısında bundan sonra da dəyər itirəcəyini proqnozlaşdırır: "Dünya bazarında avronun dollara qarşı məzənnəsində müşahidə edilən yüksəliş avronun bahalaşmasına səbəb olub". Onun sözlərinə görə, avro son 5 ildə ən baha kursla satılır":Avropa pulunun dünya bazarında bahalaşmasının əsas səbəbi ABŞ-ın aprel ayı üçün pərakəndə satış rəqəmlərinin neqativliyi ilə əlaqədardır. Kifayət qədər bədbin rəqəmlər Birləşmiş Ştatların iqtisadiyyatı ilə bağlı proqnozların neqativləşməsinə və bununla da dolların dünya bazarında mövqelərinin zəifləməsinə səbəb oldu. Praktik olaraq dolların son illərdəki möhkəm məzənnəsi digər aparıcı ölkələrin, eləcə də avrozonanın mərhələli sağalmasına təsir göstərdi. Nəticədə ixrac imkanları məhdudlaşan ABŞ-da makroiqtisadi proqnozlara düzəlişlər edildi. Birləşmiş Krallıq və Avstraliyada da milli valyutaların məzənnəsində möhkəmlənmə qeydə alındı. Digər tərəfdən Yunanıstanın da borc öhədliklərini mərhələli yerinə yetirməsi avronun məzənnəsinə müsbət təsir göstərməyə başlayıb. Eyni zamanda, Avropa Mərkəzi Bankının mayın 13-dəki açıqlamasında avrozona iqtisadiyyatının aprel ayında 1 faiz artıdığı bildirildi. Bu isə sözügedən zonada rüblük 0.4 faiz artıma nail olunması deməkdir". İqtisadçı bildirib ki, Avropa iqtisadiyyatı üçün tam rəqəmli artım indiki məqamda olduqca arzuolunan hesab edilə bilər":Bu, eyni zamanda, Avropanın vahid valyutasının məzənnəsinə müsbət təsir göstərməkdədir. İngiltərə Bankının avrozonadan kənarda qalan Böyük Britaniya üçün açıqladığı nikbin rəqəmlər də dünya bazarında dollara təzyiqi artırdı. Hələlik investorlar avroya böyük həcmdə vəsait yönəltməyə tələsmir. ABŞ-da aprel ayı üçün rəqəmlərin pisləşməsi bu ölkənin qərb sahilində pis hava şəraiti ilə də izah edilir. Buna görə də, mayın yekunları investorların qərarlarına təsir göstərəcək. Bununla yanaşı, uzun müddət möhkəm qalan dolların ABŞ üçün "baş ağrısına" çevriləcəyi şübhəsizdir. Buna görə də güman olunur ki, Vaşinqton dolların mərhələli zəifləməsində maraqlı olacaq. Hələlik isə kəskin azalmalar proqnozlaşdırılmır". Beləliklə, dollar amilinin qarşıdakı aylarda neftin qiymətinin yüksəlməsinə təkan verən əsas amillərdən biri olması gözlənir. Bu isə neft hasilatçılarının bu məhsulun ucuzlaşmasından yaranan itkilərinin kompensasiya edilməsi deməkdir. Ucuz neft isə hasilatçı ölkələrə fərqli təsir edir. "Moody’s Investors Service" beynəlxalq reytinq agentliyinə görə, MDB ölkələri arasında Azərbaycan və Qazaxıstanın neftin qiymətinin azalmasına və Rusiyada iqtisadi vəziyyətə görə yaranmış mürəkkəb makroiqtisadi şəraitin öhdəsindən gəlmək üçün daha çox imkanı var. Agentlik analitiklərinin fikrincə, hər iki dövlətin iri ehtiyatları var və Ukrayna münaqişəsinə cəlb olunmayıb. Onlar hesab edirlər ki, Azərbaycan, Qazaxıstan və Rusiyanın ümumi borclarının az və dövlət borcunun ÜDM-ə nisbətdə aşağı olmasına baxmayaraq, neftin qiymətinin qeyri-müəyyənliyi və geosiyasi narahatlıq onların kredit aktivlərinin keyfiyyətini yaxşılaşdırır. Energetika naziri Natiq Əliyev "Caspian Energy Club"un təşkilatçılığı ilə keçirilən Azərbaycan biznes forumunda qeyd edib ki, dünya bazarında neftin qiymətinin kəskin aşağı düşməsinə baxmayaraq, Azərbaycan iqtisadiyyatı çox möhkəmdir. Neftin qiymətinin bundan sonrakı mərhələdə yüksəlməsi fonunda isə bu məhsulun satışından Azərbaycan daha çox gəlir əldə etməyə başlayacaq.

DİGƏR XƏBƏRLƏR

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...