Dövlət qurumlarının milyonlarla kommunal borcları necə yaranır?

Tarix: 19.05.2015 / 02:35
Bölmə: İqtisadiyyat

Sosial-Strateji Tədqiqatlar Mərkəzi: "Bu məsələdə büdcədən ayrılan pulların müəyyən hesablara gec oturması rol oynayır"

"Əlaqədar qurumlar səhlənkarlıqla bağlı lazımi ölçü götürməlidir ki, belə hallar təkrarlanmasın"

Bu ilin birinci rübündə Azərbaycanda dövlət büdcəsindən maliyyələşdirilən idarə, müəssisə və təşkilatlar tərəfindən 306,1 mln. kVt.saat elektrik enerjisi, 64,1 min Q.kal istilik enerjisi, 51,1 mln. kubmetr təbii qaz, 4,5 mln. kubmetr su, 2,6 mln. manatlıq rabitə xidmətləri istehlak edilib.
Dövlət Statistika Komitəsinə istinadən verilən məlumata görə, əvvəlki ilin birinci rübü ilə müqayisədə rabitə xidmətlərinin istehlakı 36,8%, təbii qazın istehlakı 10,1%, istilik enerjisinin istehlakı 0,9% artıb, elektrik enerjisinin istehlakı 12,0%, suyun istehlakı isə 11,8% azalıb.
İstifadə edilmiş elektrik və istilik enerjisinin, təbii qazın, suyun və rabitə xidmətlərinin ümumi dəyəri 4,2% azalaraq 32,2 mln. manat təşkil edib. İstehlakın ümumi dəyərinin 56,8%-ni elektrik enerjisi, 15,8%-ni təbii qaz, 13,7%-ni su, 8,1%-ni rabitə xidmətləri, 5,6%-ni isə istilik enerjisi təşkil edib.
Bu ilin birinci rübündə büdcə təşkilatları istifadə olunmuş ehtiyatların ümumi dəyərinin 74,5%-ni ödəməklə 8,2 mln. manatını kəsirdə qoyublar. İstehlak edilmiş elektrik enerjisinin 4,8 mln. manatı, təbii qazın 1,7 mln. manatı, suyun 933,5 min manatı, istilik enerjisinin 485,0 min manatı, rabitə xidmətlərinin 245,8 min manatı ödənilməyib.
Göründüyü kimi, iri dövlət müəssisələri istifadə etdikləri kommunal xidmətlərə görə ödənişləri etmək istəmir. Maraqlıdır ki, ötən ilin bu dövründə də dövlət qurumlarının kommunal xidmətlərə olan borcu bu ilkindən cüzi fərqlənib. Əsasən də bu borclar gəlirlə işləyən qurumlar tərəfindən ödənilmir. Bunun səbəbi nə ilə bağlı ola bilər?
Sosial-Strateji Tədqiqatlar Mərkəzindən qəzetimizin sorğusuna cavab olaraq bildirdilər ki, sözügedən problemin yaranmasının köklü və obyektiv səbəbləri var: "Fikir versəniz görərsiniz ki, bu problem əsasən iri vergi ödəyicilərilə bağlı yaşanır, əsasən də dövlətin balansında olan qurumlarla. Biz bu istiqamətdə araşdırmalar aparmışıq. Məlum olur ki, bu məsələdə büdcədən ayrılan pulların müəyyən hesablara gec oturması rol oynayır. Əksər iri dövlət qurumları arasında belə borc problemi mövcuddur.
Ancaq problemi ümumiyyətlə bu amillə də izah etmək olmaz. Bir çox hallarda isə səhlənkarlığa yol verilir. İstənilən halda, dövlətə olan borc mütləq ödənməlidir. Bu problemin ildən-ilə təkrarlanması da maraqlıdır. Bu baxımdan da əlaqədar qurumlar səhlənkarlıqla bağlı lazımi ölçü götürməlidir ki, belə hallar təkrarlanmasın".

DİGƏR XƏBƏRLƏR

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...