Azərbaycanda «rent a car» biznesində maraqlı canlanma başlayıb

Tarix: 28.04.2015 / 02:19
Bölmə: İqtisadiyyat

Ramil Osmanlı: «Əvvəllər insanlar icarəyə avtomobil götürüb harasa getməyə ehtiyat edirdilər, amma indi vəziyyət fərqlidir»

«Kreditlə maşın ala bilməyənlər «rent a car» vasitəsilə müəyyən müddət ərzində avtomobil sahibi olur»

Bakıda avtomobillərin icarəyə verilməsi halları getdikcə artmaqdadır. Müşahidələr göstərir ki həm sadə vətəndaşlar, həm də ayrı-ayrı şirkətlər «rent a car»la məşğul olur. Bir qayda olaraq, fiziki şəxslər öz şəxsi maşınlarını əsasən dost-tanışa icarəyə verir, ya da internetdəki avtomobil saytlarında elan verməklə müştəri tapırlar.

Markasından, istehsal ilindən asılı olaraq fərdi şəxslərin təklif etdikləri maşınların aylıq icarə qiyməti 200 manatdan 1000 manata qədər dəyişir.

Şirkətlərdə icarə qiymətləri isə xeyli yüksəkdir. Hüquqi şəxslərin təklif etdiyi maşınların aylıq icarə qiyməti 800 manatdan 3-4 min manata qədər dəyişir. Gündəlik icarə qiyməti isə təxminən 50-250 manat arasındadır. Amma şirkət maşınlarını icarəyə götürmək elə də asan deyil.

Bakıda fəaliyyət göstərən «rent a car»larda hər növ minik, yük maşınları və avtobuslar icarəyə verilir. Bu nəqliyyat vasitələri ilə ölkə daxilində səyahətə getmək, toy etmək, qonaq qarşılamaq və yola salmaq mümkündür. Maşınlar sürücü ilə və ya sürücüsüz verilə bilər. Maşınla birlikdə müştəriyə vəkalətnamə və ya yol vərəqəsi verilir. Bu sənədlər avtonəqliyyat vasitəsinin həmin adama etibar edildiyini təsdiqləyir.

Məlumata görə, «rent a car» şirkətləri avtomobilləri müştəriyə texniki cəhətdən saz, təmiz, yanacaq çəni benzin ilə tam dolu vəziyyətdə təqdim edirlər. İcarə vaxtı bitdikdən sonra avtomobil eyni vəziyyətdə, müqavilədə qeyd olunduğu vaxtda və yerdə geri qaytarılmalıdır. Maşın yuyulmamış, salonu çirkli vəziyyətdə, benzin çəni doldurulmamış qaytarılarsa, müştəri cərimə ödəməli olur.

Belə ki, avtomobili icarəyə götürən müştəri şirkətə əlavə 300 dollar da depozit qoymalıdır. Yəni müştəri müqavilədə göstərilən öhdəliklərə əməl etməsə, əlavə cərimələr həmin məbləğdən tutulur, qalan hissə müştəriyə qaytarılır.

Aparılan araşdırmalara görə, son zamanlar icarə maşınlara müraciət edənlər çoxalıb.

Əmlak məsələləri üzrə ekspert Ramil Osmanlı bizimlə söhbətində bildirdi ki, əvvəllər bu bazar elə də inkişaf etməyib: «Bir neçə il bundan öncə icarəyə maşın bazarında tələb elə də yüksək səviyyədə deyil. İnsanlar icarəyə avtomobil götürüb harasa getməyə ehtiyat edirdilər. Yalnız toy və şənliklər üçün icarə maşından istifadə olunurdu.

Amma indi insanların düşüncəsi dəyişib və onlar rahat şəkildə «rent a car» vasitəsilə istədikləri minik vasitəsinə sahib ola bilir. Toy və şənliklər zamanı «rent a car» şirkəti arasında rəqabət güclənir ki, bunun da nəticəsində qiymət artır. İcarəyə götürülən avtomobillərin sayının artmasının bir səbəbi də maşınların kreditə götürülməsi zamanı çətinliklərin yaşanması ilə bağlıdır. Məlumdur ki, hazırda avtomobillərin kreditlə alınması sahəsində problemlər mövcuddur. Banklar şərtləri ağırlaşdırdığı üçün hər kəs avtomobil sahibi ola bilmir. Kreditlə maşın ala bilməyənlər «rent a car» vasitəsilə müəyyən müddət ərzində avtomobil sahibi olur».

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...