Mart ayında kirayə bazarında ucuzlaşma başlayıb

Tarix: 28.04.2015 / 01:31
Bölmə: İqtisadiyyat

Rəsul Cahangirli: «Sentyabra qədər kirayə evlərin qiymətinin aşağı düşəcəyi güman olunur»

«Bir ay sonra tələbələrin dərsləri bitəcəyinə görə kirayə bazarında tələbat xeyli azalacaq»

Bu ilin mart ayı Bakı şəhərinin kirayə mənzil bazarında aktivlik səviyyəsinin nisbətən aşağı düşməsi, ümumilikdə isə kirayə mənzil qiymətlərinin enməsi ilə yadda qalıb.

«MBA Ltd» konsaltinq şirkətinin monitorinq qrupunun aylıq hesabatına əsasən, manatla ifadədə qiymət 665 manat/mənzil səviyyəsindən 4% azalaraq 639 manat/mənzil təşkil edib. Baş verən devalvasiya səbəbindən isə ABŞ valyutasında mənzilin orta kirayə haqqı 28 faiz azalaraq 848 dollardan 609 dollara düşüb.

Bazarda əməliyyatların sayı da 112-dən 5 faiz azalaraq 106 ədəd təşkil edib. Hər 1 kv.m-ə görə isə kirayə haqqı manatla 5 faiz artaraq 8,8 AZN/kv.m-dən 9,3 AZN/kv.m-ə yüksəlib, dollarda isə 21,53 faiz azalaraq 11.24 USD/kv.m-dən 8,82 USD/kv.m-ə düşüb. Kirayə mənzil bazarında mart ayında bazara təklif edilən mənzillərin orta otaq və orta sahə göstəriciləri azaldığı halda, qiymətlərin manatla ifadədə nisbətən qalxması fevral ayında baş verən məzənnə dəyişməsi ilə izah edilir.

Araşdırmaların aparıldığı son ayda tələb portfelində bahalı evlərin (aylıq kirayə haqqı 1 000 manatdan yuxarı olan) payı 7,6%, ucuz evlərin (aylıq kirayə haqqı 500 AZN-ə qədər) payı isə fevral ayına nisbətdə 11,8 faiz azalıb. Orta qiymətə olan (500-1000 manat) kirayə evlərin sayında isə 7,6% artım qeydə alınıb. Ay ərzində, xüsusən də təklif portfelində daha çox orta qiymətə olan evlərin payının artması həmin seqmentə tələbin artması ilə bağlı olub.

Araşdırmaya əsasən, kirayə bazarına bu müddət ərzində müraciət edənlər əsasən tikilməkdə olan yeni tikililərin təhvilini gözləyən vətəndaşlar və iş ardınca paytaxta gələn miqrantlar olub. Tələb portfelinin bir qismini isə qısamüddətli (1-2 ay müddətinə) kirayə müqavilələri bağlayanlar təşkil edib.

Maraqlıdır, kirayə bazarında tendensiya bundan sonra necə olacaqğ Ucuzlaşma davam edəcəkmi?

Məsələyə münasibət bildirən ekspert Rəsul Cahangirlinin sözlərinə görə, kirayə bazarında ucuzlaşma tendensiyası bundan sonra da davam edəcək. O bunu bir sıra amillərlə əlaqələndirdi: «Məsələ ondadır ki, bir aydan sonra tələbələrin dərsləri biticəyinə görə kirayə bazarında tələbat xeyli azalacaq. Kirayə mənzillərə tələbatın böyük hissəsini tələbələr təşkil edir. Onu da nəzərə almalıyıq ki, Birinci Avropa Oyunları ilə əlaqədar bu il Bakıda istər tədris müddəti, istərsə də imtahanlar tez bitəcək. Sözügedən amilin də kirayə mənzillərin qiymətinin aşağı düşməsinə təsiri var. O üzdən, sentyabra qədər qiymətlərin aşağı düşəcəyi güman olunur. Başqa bir tərəfdən, neft gəlirlərinin müəyyən qədər azalması səbəbindən büdcə qənaətlə istifadə olunur. Bəzi infrastruktur layihələri təxirə salınıb. Bu da rayonlardan Bakıya iş dalınca gələnlərin sayına təsir göstərir. Bütün bunlar nəticə etibarilə kirayə mənzil bazarında təklifin artmasına təkan verir. Təklifin artması isə qiymətlərin ucuzlaşmasına öz təsirini göstərir».

DİGƏR XƏBƏRLƏR

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...