Azərbaycan qızılının qızıl dövrü başlayır

Tarix: 28.04.2015 / 02:17
Bölmə: İqtisadiyyat

Qızıl ehtiyatının artırılması zəruri sayıldı

Dünyada ən çox işlənən valyutalar kimi avro və dolların kursu ətrafında baş verənlər beynəlxalq maliyyə bazarlarında daim xüsusi diqqət mərkəzində olur. Lakin son vəziyyətin təhlili bu pullara bağlı sabit siyasətin yürüdülmədiyini göstərir. Məlum olduğu kimi, Avropa Mərkəzi Bankının hər ay dövriyyəyə 60 milyard avro buraxıması ilə bağlı olaraq bu pulun məzənnəsi kəskin şəkildə ucuzlaşır.

Dollara gəlincə, neftin qiymətində son artımlar ABŞ pulunun da mövqeyini sarsıdır. Hesab edilir ki, neft bahalaşdıqca dollar dəyərdən düşməkdə davam edəcək. Dollar və avro ətrafında baş verənlər müxtəlif ölkələrin valyuta ehtiyatlarına da təsirsiz ötüşmür.

Baş verənlərdən ehtiyatlanan və mümkün zərərin qarşısını almağa çalışan ölkələr indi əsas diqqəti qızıla yönəldir. Bu səbəbdən valyuta ehtiyatlarının tərkibində qızılın miqdarını artıran ölkələrin sayı artır. Məsələn, şimal qonşumuz Rusiya 1 aprel tarixinə qızıl ehtiyatlarını 39,8 milyon unsiyaya və ya 1238 tona qaldırıb. Rusiyanın qızıl ehtiyatları bir ay əvvəl 38,8 milyon unsiya səviyyəsində idi. Edilən 30 tonluq qızıl alışı sentyabr ayından bu yana ən böyük aylıq alışdır. Dünyanın ən böyük 5-ci qızıl ehtiyatına sahib olan Rusiya yanvar və fevral aylarında fasilədən sonra yenidən qızıl alışına başlayıb. 2014-cü ilin son 9 ayında qızıl alışı həyata keçirən ölkə ehtiyatlarını şaxələndirməyi və rublun likvidliyi ilə bağlı problemləri həll etməyi qarşısına məqsəd qoyub. Bu fonda şimal qonşumuz qızıl ehtiyatını artırmağa xüsusi önəm verir. Beynəlxalq Valyuta Fondunun məlumatlarına görə, Rusiya 2005-ci ildən bu yana qızıl ehtiyatını 3 dəfə artırıb.

Ekspertlər dollar və avro ətrafında baş verənlər fonunda qızılın cari ildə qiymətinin artacağını proqnozlaşdırır. İndi dünya bazarında qızılın 1 qramı 41 dollara, unsiyası isə 1200 dollardan yuxarı qiymətə təklif edilir. Qızıla tələbatın artması onun dünya bazar qiymətinin yüksəlməsinə səbəb olub. Belə ki, son aylar bir sıra ölkələr, o cümlədən Çin, Qazaxıstan, Türkiyə, Hindistan və qeyd olunduğu kimi Rusiya öz ehtiyatlarının bir hissəsini qızıla çevirmək qərarına gəlib. 24.7 ton qızıl alan Qazaxıstan Mərkəzi Bankı öz qızıl ehtiyatlarını 181.9 tona çatdırıb. 2012-2014-cü illərdə qızılın düya bazar qiymətinin azalması və yeni qlobal iqtisadi böhran qorxusu inkişaf etməkdə olan ölkələrdə qızıla tələbatı artırıb. Qızılın qiymətinin artmasının digər səbəbi isə neft və valyuta bazarında müşahidə edilən çalxalanmalar fonunda investorların öz pullarını daha az risqli istiqamətə yönəltməsilə bağlıdır.

Ekspertlər qızılın qiymətindəki artım tempinin davam edəcəyini proqnozlaşdırsa da, hələlik kəskin yüksəliş gözlənilmir. Bununla belə, 2015-ci ildə bütövlükdə qızılın dəyər qazanacağı proqnozlaşdırılır. Azərbaycanda da qızıl ehtiyatının artırılması zəruri sayılır. Bundan başqa nəzərə almaq lazımdır ki, dünyada qızıl hasilatının azalması gözlənir ki, bu da onun dəyərini daha da artıracaq. «Goldman Sachs» bankının analitikləri müqayisə olunun defisit və yeni yataqların üzə çıxmaması fonunda qızılın kəskin dəyər qazanacağını proqnozlaşdırır. Ekspertlər düşünür ki, qızılın əldə olunmasının pik həddi gələn il yaşanacaq, bu ildən sonra qızıl hasilatında azalma baş verəcək. Burada qeyd edək ki, ölkəmizdə qızıl hasilatında son dövrlər ciddi artım yaşanır. Azərbaycanda qızıl istehsalçısı olan «Anglo-Asian Mining PLC» (AAM) şirkəti 2015-ci ilin ilk rübündə 17 193 unsiya qızıl hasil edib ki, bu da ötən ilin analoji dövrü ilə müqayisədə 52 faiz çoxdur. 2014-cü ilin yanvar-mart aylarında şirkət 11 318 unsiya qızıl hasil edib. Ötən il ərzində ümumi həcm isə 52 107 unsiya təşkil edib. Cari ilin sonuna qədər «Anglo-Asian Mining PLC» 70-75 min unsiya qızıl hasil etməyi planlaşdırır. İlin ilk rübündə şirkət hər unsiyası 1214 dollar olmaqla 17 206 unsiya qızıl satıb. Bununla da 2015-ci ilin ilk rübündə qızıl istehsalında maksimal həcm təmin olunub. Bu o deməkdir ki, 2014-cü ildə məhsuldarlığın artması ilə bağlı görülən tədbirlər artıq müsbət nəticə verir. Ekspertlər isə hasil edilən qızılın əsasən valyuta ehtiyatlarının tərkibinə yönləndirilməsini vacib sayır.

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...