Bankların manat kreditini dondurması dövlətin maliyyə sabitliyinin əleyhinə işləyir

Tarix: 27.04.2015 / 03:34
Bölmə: İqtisadiyyat

Rəsul Cahangirli: "Görünən odur ki, bəzi banklar məqsədyönlü şəkildə manatla kredit vermək istəmir"

"Belə davam edərsə, banklar cərimələnə bilər"

Məlum olduğu kimi, Azərbaycan Mərkəzi Bankının fevralın 21-də manatın məzənnəsi ilə bağlı məlum qərarından sonra ölkədə dolların məzənnəsi 34 faiz bahalaşmışdı. Mərkəzi Bank manatın məzənnəsini valyuta bazarı vasitəsilə tənzimləməyi öhdəsinə götürüb, baxmayaraq ki, buna görə bank öz sərəncamında olan valyuta rezervlərini xərcləməli olacaq.
İndiki şəraitdə bu da lazımdır, çünki Azərbaycanda dollarizasiya prosesi hələ də davam edir, əhali bank yatırımlarını dollar hesabına çevirir.
Ötən ilin sonundan bəri davam edən dollarizasiya ölkənin bank sektorunda manat defisiti yaratdı. Nəticədə bu, milli valyutada kreditlərin verilməsinə də təsir etdi. Gərginliyin azalması üçün MB ölkə banklarını maliyyə alətləri vasitəsilə yox, birbaşa şəkildə manatla təmin edir. Əlavə manat miqdarı təkcə milli valyutada kredit vermək imkanlarını artırmır, həm də milli iqtisadiyyatda dollarizasiyanı saxlamış olur. Ümumilikdə isə, banklar və müştərilər kreditləşmə zamanı valyuta seçimində sərbəstdir.
Lakin bankların dollar ehtiyatları onları kredit risqindən qaçmaq üçün xarici valyutada kredit verməyə vadar edir.
MB banklara krediti milli valyutada verməyi, dollar resurslarını manata çevirməyi tövsiyə etsə də, qarşı tərəf buna o qədər də maraq göstərmir. Bu vəziyyət çox davam edə bilməz. MB başa düşür ki, yalnız manatın sabit məzənnəsi ölkə əhalisinin dollara marağını azalda bilər. Banklar isə əvvəlki biznes rejiminə qayıtmış olarlar. Bankların başlıca gəlir mənbəyi olan kredit əməliyyatlarının azalması onların maraqlarına nəinki zərbə vurur, həm də iqtisadiyyatı əlavə maliyyə dayaqlarından məhrum edir.
Reallıq ondan ibarətdir ki, bir sıra banklar manatla kredit verməməklə, bir növ, əhalini də psixoloji cəhətdən buna kökləyir. Əhalidə belə təəssürat yaranır ki, müəyyən bir müddətdən sonra dollar yenə bahalaşacaq və buna nisbətdə manat dəyərdən düşəcək.
Bütövlükdə, belə vəziyyətdə ekspertlər çıxış yolunu nədə görür?
Məsələyə münasibət bildirən ekspert Rəsul Cahangirlinin sözlərinə görə, bunun qarşısını almaq üçün bütün mümkün iqtisadi instrumentlər işə salınmalıdır: "Çünki görünən odur ki, bəzi banklar məqsədyönlü şəkildə manatla kredit vermək istəmir. Vəziyyətdən sui-istifadə edirlər. Bu da əhali arasında müəyyən süni ajiotajın yaranmasına səbəb olur. Tendensiyanın bu cür davam etməsi yaxşı hal deyil. Ona görə yaxşı deyil ki, manata olan etimad aşağı düşür. Düzdür, MB-nin İdarə Heyətinin sədr müavini Alim Quliyev açıqlamasında bildirdi ki, banklar manatla da kredit verə bilər. Yəni burada heç bir məhdudiyyətdən söhbət gedə bilməz. Bu yaxınlarda mətbuatda da belə bir məlumat getmişdi ki, guya MB özəl banklara manatla kredit verməyi qadağan edib.
O bu cür məlumatların hamısının yalan olduğunu bildirdi. Hesab edirəm ki, manatla kredit verən banklara müəyyən iqtisadi güzəştlər edilməlidir. Bütün bunların fonunda banklar bundan sonra da manatla deyil, dollarla kredit verilməsini davam etdirsələr, o zaman inzibati rıçaqlar işə salına bilər. Ən azından buna görə bəzi banklar cərimələnə bilər".

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...