Azərbaycanda "aqrar inqilab" planları...

Tarix: 27.04.2015 / 04:11
Bölmə: İqtisadiyyat

Kənd təsərrüfatı sahəsində daha çox məhsul istehsal olunacağı gözlənir

Ərzaq təhlükəsizliyinə xüsusi diqqət yetirən Azərbaycanda hökumət bu sahədə istehsalın artırılması istiqamətində fəaliyyətini daha da genişləndirməkdədir. Xüsusən də aqrar sahədə məhsul istehsalının həcminin artırılması ilə bağlı daha çevik və səmərəli siyasətin həyata keçirilməsi məqsədilə yeni addımlar atılması son dövrlərdə özünü daha aydın surətdə nümayiş etdirir.
Bununla əlaqədar kənd təsərrüfatı naziri Heydər Əsədov maraqlı bir açıqlama verərək bildirib ki, Azərbaycanda istifadə olunmayan əkin sahələrinə görə cərimələrin tətbiqi və müəyyən hallarda bu cərimələrin dəfələrlə artırılması nəzərdə tutulur. Onun sözlərinə görə, torpaq sahibləri ixtiyarında olan torpaqları dincə qoyduğu müddətdən başqa istifadəsiz saxlayacaqsa, cərimələr ödəməli olacaq: "Dünya praktikasında istifadəsiz torpaqlara görə yüksək cərimələr, vergilərin hətta 10 dəfəyədək artırılması kimi hallar mövcuddur. Bəzi dövlətlərdə isə istifadə olunmayan torpaqların geri alınması tətbiq olunur. Bizdə isə bütün bunları ümumiləşdirib müəyyən mənada fərqli təklif formasında hökumətə təqdim etmişik. Hazırda hüquqşünaslarımız, eləcə də digər nazirlik və dövlət qurumlarının mütəxəssisləri bu istiqamətdə birgə işləyirlər". Bu arada onu da bildirək ki, Kənd Təsərrüfatı Nazirliyi Torpaq Məcəlləsinə və İnzibati Xətalar Məcəlləsinə dəyişiklik edilməsi ilə bağlı qanun layihəsi hazırlayıb. Sənədə əsasən, iki il dalbadal kənd təsərrüfatı torpağından təyinatı üzrə istifadə etməyənlər inzibati cəza alacaq. Qeyd olunduğu kimi, layihədə kənd təsərrüfatı təyinatlı torpaq sahələrinə mülkiyyət hüququ yarandıqdan sonra həmin torpaq sahələrinin dalbadal iki il müddətində istifadəsiz qalmasına yol verilməməsi təklif edilir. Həmçinin belə torpaqların reyestrini aparan dövlət strukturu müəyyən ediləcək. Torpaq icarəyə veriləndə torpaq mülkiyyətçisi icarəçini ona məxsus torpaq sahəsinin istifadəsiz torpaq sahələrinin reyestrində olduğu barədə məlumatlandırır və bununla bağlı məlumatlar icarə müqaviləsində əks olunur. İcarə müddətində kənd təsərrüfatı təyinatlı torpaq sahəsindən istifadə edilməyə görə məsuliyyəti icarəçi daşıyır.
İnzibati Xətalar Məcəlləsinə edilən dəyişiklik layihəsinə əsasən, fiziki şəxslər hər hektara görə bir şərti bal üçün 0,3 manat miqdarında, hüquqi şəxslər hər hektara görə bir şərti bal üçün 0,5 manat miqdarında cərimə edilir. Kənd təsərrüfatı təyinatlı torpaq sahələri dalbadal üç il ərzində istifadə edilmədikdə nəzərdə tutulmuş cərimələr iki dəfə artırılaraq üçüncü il üçün tətbiq edilir. "Şərti bal" dedikdə torpaq vergisinin hesablanmasında istifadə edilən şərti bal nəzərdə tutulur. Hazırda məsələyə hökumət səviyyəsində baxılır və təkliflərin qəbul olunması gözlənir. Çünki ayrı-ayrı şəxslərin icarəyə verilən kənd təsərrüfatı təyinatlı torpaq sahələrinin istifadəsiz qalması hökumətdə ən yüksək səviyyədə narazılıq predmetinə çevrilib. Görülən tədbirlər nəticəsində indi kənd təsərrüfatı təyinatlı torpaq sahələrinin istifadəsiz qalmasının qarşısı alınacaq və ekspertlər bunu yüksək qiymətləndirir. Araşdırmalar göstərir ki, dövlət tərəfindən əkilib-biçilmək üçün verilən pay torpağını istifadəsiz qoyan kifayət qədər kəndli var. Onlardan kimisi kiçik sahələrə çəkilən zəhmətin səmərə vermədiyini, bəziləri də az qazanclı olduğunu əsas gətirərək payına düşən torpağı əkib-becərmir. Xatırladaq ki, əkin sahələrinin kiçik hektarlarla istifadəsinin səmərəliliyi az olduğundan, bu torpaqların birgə istifadəsi kimi kooperativlər məsələsi gündəmdədir. Hazırda rayonlarda bu cür fəaliyyət göstərən fermer birlikləri var. Amma onların sayları olduqca azdır. Lakin aqrar sahədə məhsuldarlığın yüksəlməsinin qarşısını alan əsas səbəb istifadəsiz qalan torpaqların hələ müəyyənləşdirilməməsidir. Bununla yanaşı, ekspertlər əkilib-becərilməyən torpaqların qanunsuz istifadəsinin qarşısını almaq üçün dünya təcrübəsindən yararlanmağı təklif edir. Yəni pay torpağı istifadə olunmursa, avtomatik olaraq cərimələr tətbiq olunur və bu, torpaq sahibinin fərqli addımlar atmasına səbəb olur.
Məhsuldarlığın yüksəlməsinin qarşısını alan daha bir səbəb də istifadəsiz qalan torpaqların hələ müəyyənləşdirilməməsidir. Bu torpaqların elektron uçotunun aparılması ilə bağlı hələ 5 il əvvəl müzakirələrə başlanılsa da, işlərə ötən ildən start verilib. Elektron uçot hektarlarla torpağın əkinə qaytarılmasına yardımçı ola bilər. Qeyd edək ki, Prezident İlham Əliyev də Nazirlər Kabinetinin 2015-ci ilin birinci rübünün sosial-iqtisadi inkişafının yekunlarına və qarşıda duran vəzifələrə həsr olunan iclasında torpaqların elektron uçotu, qeydiyyatının indiki mərhələ üçün çox önəmli məsələ olduğunu vurğulayıb: "Biz buna nail ola bilsək, onda həm şəffaflıq olar, həm də biz dəqiq biləcəyik ki, nəyimiz var. Çünki bəzi hallarda tərtib olunan xəritələr həqiqətlə uzlaşmır. İndi bu məsələ aydınlaşdırılır, təftiş edilir. Verilən pay torpaqları, ayrılan sahələr bunlar həqiqəti əks etdirmir. Peykdən əldə edilən görüntülər xəritədə göstərilən görüntülərlə üst-üstə düşmür. Bu çox ciddi məsələdir. Vaxtilə bu sahədə böyük səhvlər buraxılmışdır. Ona görə biz indi hər şeyi yenidən tənzimləməliyik. Elektron uçot ona görə lazımdır ki, sahibkarlar hansı torpağın sahibi olduqlarını bilsinlər. Eyni zamanda, dövlət də bilməlidir ki, kimin hansı torpağı var, o torpaqlarda nə yetişdirilir və ya yetişdirilmir".

DİGƏR XƏBƏRLƏR

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...