Torpaq fondumuzu ölü kapitala çevirənlərin yolu qurtarır

Tarix: 24.04.2015 / 03:19
Bölmə: İqtisadiyyat

Ruslan Atakişiyev: "Ümumiyyətlə, cərimələrin tətbiqi ilə yanaşı, yaxşı olardı ki, kənd yerlərində..."

"Belə hallar mülk sahiblərini vadar edir ki, həmin torpağı ya icarəyə versinlər, ya da özləri istifadə etsinlər"

Kənd Təsərrüfatı Nazirliyi Qanun Məcəlləsinə dəyişiklik edilməsi ilə bağlı qanun layihəsi hazırlayıb. Sənədə əsasən, iki il dalbadal kənd təsərrüfatı torpağından təyinatı üzrə istifadə etməyənlər inzibati cəza alacaq.
KTN-dən mətbuata verilən məlumata görə, layihədə kənd təsərrüfatı təyinatlı torpaq sahələrinə mülkiyyət hüququ yarandıqdan sonra həmin torpaq sahələrinin dalbadal iki il müddətində istifadəsiz qalmasına yol verilməməsi təklif edilir. Həmçinin, belə torpaqların reyestrini aparan dövlət strukturu müəyyən ediləcək.
Torpaq icarəyə veriləndə torpaq mülkiyyətçisi icarəçini ona məxsus torpaq sahəsinin istifadəsiz torpaq sahələrinin reyestrində olduğu barədə məlumatlandırır və bununla bağlı məlumatlar icarə müqaviləsində əks olunur. İcarə müddətində kənd təsərrüfatı təyinatlı torpaq sahəsindən istifadəyə görə məsuliyyəti icarəçi daşıyır.
İnzibati Xətalar Məcəlləsinə edilən dəyişiklik layihəsinə əsasən, fiziki şəxslər hər hektara görə bir şərti bal üçün 0,3 manat miqdarında, hüquqi şəxslər hər hektara görə bir şərti bal üçün 0,5 manat miqdarında cərimə edilir. Kənd təsərrüfatı təyinatlı torpaq sahələri dalbadal üç il ərzində istifadə edilmədikdə nəzərdə tutulmuş cərimələr iki dəfə artırılaraq üçüncü il üçün tətbiq edilir. "Şərti bal" dedikdə torpaq vergisinin hesablanmasında istifadə edilən şərti bal nəzərdə tutulur.
Qeyd edək ki, təşəbbüs ölkə Prezidentinə məxsusdur. O, dəfələrlə, bir çox hallarda, ayrı-ayrı şəxslərin icarəyə verdiyi kənd təsərrüfatı təyinatlı torpaq sahələrində növbəli əkindən yayınma hallarından danışıb.
Ümumilikdə, iki il dalbadal kənd təsərrüfatı torpağından təyinatı üzrə istifadə etməyənlərə qarşı sözügedən inzibati cəzaların tətbiqi belə halların azalmasında nə kimi rol oynaya bilər?
Məsələyə münasibət bildirən İqtisadi Resursların Öyrənilməsi Mərkəzinin sədri Ruslan Atakişiyev, prinsipcə, buna müsbət yanaşır: "İnkişaf etmiş Avropa ölkələrinin təcrübəsinə baxdıqda görürük ki, böyük sahəni əhatə edən ərazilər istifadəsiz qaldıqda həmin torpaqları dövlət öz balansına keçirir. Belə hallar mülk sahiblərini vadar edir ki, həmin torpağı ya icarəyə versinlər, ya da özləri istifadə etsinlər. Azərbaycanda kolxoz və sovxozlar ləğv edildikdən, torpaqlar özəlləşdiriləndən sonra görürük ki, torpaqlar hasarlanaraq illərlə istifadəsiz qalır. Görürsən torpaq sahibi hansısa xarici ölkəyə gedib, amma mülkiyyətində olan ərazi istifadəsiz qalıb. Görünən odur ki, icarə münasibətləri sona qədər hələ formalaşmayıb. Bu sahədə digər problemlər də var. Ümumiyyətlə, cərimələrin tətbiqi ilə yanaşı, yaxşı olardı ki, kənd yerlərində torpaqdan nəyə görə istifadə edilmədiyinin səbəbləri də öyrənilsin. Çünki elə torpaqlar var ki, yararlılıq səviyyəsi aşağıdır. Eləsi də var xüsusi problemi var. Hesab edirəm ki, bütün hallarda, torpaqlardan istifadə edilməməsinin səbəbləri dərindən öyrənilməli, ondan sonra müvafiq addımların atılmasına qərar verilməlidir".

DİGƏR XƏBƏRLƏR

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...