Avropalılar Azərbaycan - Türkmənistan anlaşmasının yenilənməsini gündəmə gətirdi

Tarix: 22.04.2015 / 04:15
Bölmə: İqtisadiyyat

İlham Şaban: "İstəyirlər ki, artıq "Cənub Qaz Dəhlizi" Türkmənistan sahillərinə qədər uzansın"

"Əsas məqam ondan ibarətdir ki, hər iki ölkə dənizin dibindəki boru kəmərinin təhlükəsizliyinə cavabdeh olsunlar"

"Avropa Komissiyası Azərbaycan və Türkmənistana "Transxəzər" qaz kəməri üzrə qarşılıqlı anlaşma memorandumunu yeniləməyi təklif edib". Bu barədə "Kommersant" qəzetinə müsahibəsində Avropa Komissiyası sədrinin Enerji İttifaqı üzrə müavini Maroş Şefçoviç məlumat verib:
"2011-ci ildən AK-nın "Transxəzər" qaz kəmərinin çəkilməsi üzrə Türkmənistan və Azərbaycanla qarşılıqlı anlaşma memorandumu çərçivəsində danışıqlar aparmaq mandatı var. İndi də biz Azərbaycan və Türkmənistana bu memorandumu yeniləməyi təklif etmişik, cavab gözləyirik və danışıqların necə gedəcəyinə baxacağıq".
Bundan əlavə, AK-nın sədr müavini qeyd edib ki, "Cənub Qaz Dəhlizi" layihəsi çərçivəsində İraq və İrandan da qaz tədarükü gözləmək olar: "Hazırda söhbət Azərbaycandan gedir, lakin yaxınlıqdakı ölkələrdə, İraqda, son diplomatik irəliləyişi nəzərə almaqla İranda hadisələrin necə cərəyan edəcəyinə baxacağıq. Biz Türkmənistan tərəfindən bu sahədə münasibətlərin inkişafına marağın artdığını müşahidə edirik".
Qeyd edək ki, "Trasxəzər" qaz kəməri qazın Türkmənistanın şərq yataqlarından Türkiyənin Ərzrum vilayətinə, oradan isə Avropaya nəqlini nəzərdə tutur.
Ümumilikdə Avropa İttifaqının uzun müddət gündəmdən çıxmış hesab edilən "Transxəzər" qaz kəməri layihəsini son zamanlar ciddi-cəhdlə yenidən gündəmə gətirmək səylərini başa düşmək olar. Brüssel Rusiya qazından asılılığı azaltmaq üçün ən müxtəlif yolları nəzərdən keçirir. Bura ABŞ-dan sıxılmış qaz idxalından tutmuş, Əlcəzair və İraq qazının, Türkmənistanın karbohidrogen ehtiyatlarının Avropa bazarlarına yol tapması imkanları da daxildir. Onu da qeyd edək ki, Türkmənistan son zamanlar "Transxəzər" məsələsində xeyli fəal və maraqlı görünür. Prezident Berdıməhəmmədov bu layihəyə dair avropalılarla və amerikalılarla tez-tez məsləhətləşmələr aparır. Hətta bu günlərdə Türkmənistan BMT-ni "Transxəzər" layihəsinin qarantı olmağa çağırmışdı.
Bütün hallarda, AK-nın "Transxəzər" qaz kəməri üzrə qarşılıqlı anlaşma memorandumunun yenilənməsi ilə bağlı təklifini ekspertlər necə dəyərləndirir?
Sözügedən məsələ ilə bağlı fikirlərini "Bakı-Xəbər"lə bölüşən Neft Araşdırmaları Mərkəzinin rəhbəri İlham Şabanın fikrincə, bunun müəyyən səbəbləri var: "Məsələ ondadır ki, "Cənub Qaz Dəhlizi"nin reallaşması onlarda çox yaxşı əhval-ruhiyyə yaradıb. Belə ki, onlar bu əhval-ruhiyyəni davam etdirmək niyyətindədir. Ona görə də bunun davamı olaraq Xəzərin sol sahilini sağ sahili ilə birləşdirmək istəyirlər. Vaxtilə 2011-ci ilin yanvarında Azərbaycanla Aİ arasında imzalanan əməkdaşlığın yeni formatını təqdim edirlər. Çünki həmin razılaşmadan sonra elə həmən il Azərbaycanla Türkmənistan arasında anlaşma memorandumu imzalandı. Bu əməkdaşlıq nəticəsində ona gəlib çıxmaq istəyirlər ki, artıq CQD Türkmənistan sahillərinə qədər uzansın. Sözügedən məsələdə əsas məqam ondan ibarətdir ki, hər iki ölkə dənizin dibindəki boru kəmərinin təhlükəsizliyinə cavabdeh olsunlar. Ancaq məsələ ondadır ki, Türkmənistan bu günə kimi bundan imtina edir. Çünki Türkmənistan müstəqilliyini qazanandan sonra öz qazını yalnız sərhəddə satır və bununla da işini bitmiş hesab edir. Bundan başqa heç bir təminat vermək istəmir. Qarşılıqlı anlaşma memorandumunun yenilənməsi təklifi də bunun dəyişilməsinə hesablanıb. Yəni Türkmənistan dənizin dibi ilə gedən boru xəttinin təhlükəsizliyinə cavabdeh olsun".

DİGƏR XƏBƏRLƏR

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...