Əmlak vergisinin yeni qaydaları büdcənin formalaşmasında necə rol oynayacaq?

Tarix: 21.04.2015 / 02:30
Bölmə: İqtisadiyyat

Ramil Osmanlı: "Nəzərə alsaq ki, bu gün Bakının mərkəzində yeni tikililərdə mənzillərin sahəsi 130-140 kvadratmetrdən başlayır..."

"Bu isə bir ay üçün 100-150 manat vəsait deməkdir"

Məlum olduğu kimi, Nazirlər Kabineti fiziki şəxslərin əmlak vergisinin hesablanması üçün Bakı şəhərində yerləşən binalara tətbiq edilən əmsalları təsdiq edib. Yeni qaydalara əsasən, Bakı şəhərində 12 əmsal üzrə əmlak vergisinin hesablanması həyata keçiriləcək.
Mərkəzdə yaşayanlar daha çox, şəhərdən kənarda yaşayanlar isə daha az vergi ödəyəcək.
Yeni qaydalarda yaşayış sahələri üçün ayrıca vergitutma mexanizmləri nəzərdə tutulub. Belə ki, mənzilin sahəsi 30 kvadratmetrdən aşağı olan əmlak sahibləri əmlak vergisi ödəməyəcək. Əmlak vergisi mənzilin 30 kvadratmetrdən artıq olan hissəsinə görə hesablanacaq. Ancaq verginin məbləği regionlardan asılı olaraq dəyişəcək. Belə ki, 30 kvadratmetrdən artıq hər 1 kvadratmetr üçün vergi Bakıda 40 qəpik, Gəncə, Sumqayıt şəhərlərində, eləcə də Abşeron rayonunda 30 qəpik, digər şəhər və rayon mərkəzlərində 20 qəpik olacaq. Kənd və qəsəbələrdə, o cümlədən kiçik yaşayış məntəqələrində isə evin hər kvadratmetrindən 10 qəpik tutulacaq (30 kvadratmetrdən artıq).
Məcəlləyə edilən dəyişikliklər nəticəsində əmlak vergisinin məbləği nəinki əmlakın hansı regionlarda yerləşməsini, hətta paytaxtın mərkəzində və ya kənarında yerləşməsini də nəzərə alacaq. Belə ki, Bakının ayrı-ayrı ərazilərində əmlak vergisinin dərəcəsi fərqli olacaq. Paytaxtdakı əmlakdan vergilərin hesablanması üçün 0,7-dən 1,5-ə qədər dəyişə bilən əlavə əmsal tətbiq ediləcək. Əvvəlkidən fərqli olaraq yeni qaydalarda mənzilin sahəsinə görə vergi alınacaq.
Ümumilikdə əmlak vergisi üzrə yeni qaydaların tətbiqi büdcənin formalaşmasında necə rol oynaya bilər?
Sözügedən məsələni dəyərləndirən əmlak məsələləri üzrə ekspert Ramil Osmanlı hesab edir ki, mənzillərin əvvəlki vergi rüsumları ilə müqayisədə indi tətbiq olunan vergi rüsumları təqribən 4 dəfəyə yaxın artırılır: "Burada bir məsələ də diqqəti cəlb edir ki, şəhərin mərkəzi hissələrində sahəsi 30 kvadratmetrdən yuxarı olan mənzillər üçün bir kvadratmetrə görə hesablanan vergi rüsumu 60 qəpik hesablanıb. Bu ilk baxışdan böyük rəqəmdir. Nəzərə alsaq ki, bu gün Bakının mərkəzində yeni tikililərdə mənzillərin sahəsi 130-140 kvadratmetrdən başlayır, bu zaman tətbiq olunan vergi rüsumu kifayət qədər ciddi rəqəm hesab oluna bilər. Təsəvvür edin ki, illik bir nəfər 150-200 kvadratmetr sahə üçün 120-150 manat vəsait ödəyəcəksə, onun 10 mənzili olarsa, bu rəqəm 1200-1500 manata qədər arta bilər. Bu isə bir ay üçün 100-150 manat vəsait deməkdir.
Vergilərin artırılması indiki halda yalnız bələdiyyələrin büdcəsinin yaxşılaşdırılmasına yönəlib. Yeni vergi qaydaları mənzillərin qiymətinə hər hansı təsir göstərməyəcək. Sadə insanların büdcəsinə də bu vergi dəyişikliyi elə də ciddi təsir göstərməyəcək. Çünki paytaxtın mərkəzindən kənarlara doğru getdikcə vergi rüsumu azalır".

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...