Banklarımız müştərilərdən komission haqlar yığmaqda beynəlxalq normaları xeyli aşıblar

Tarix: 20.04.2015 / 03:25
Bölmə: İqtisadiyyat

Əli Əlirzayev: "Komission haqlara limit qoyulmalıdır ki, bəzi banklar bundan sui-istifadə etməsin"
"Avropaya inteqrasiya olunmağı qarşımıza məqsəd qoymuşuqsa..."

Artıq nə Mərkəzi Bank, nə də digər banklar tərəfindən faizlərin aşağı salınması məsələsi elə də gündəmə gətirilmir. Halbuki, ilin əvvəlində kredit faizlərinin aşağı salınacağı ilə bağlı fikirlər səslənirdi. Hazırda isə banklarda ötən il minimum 14, maksimum 18 olan faiz dərəcələrinin 36 faizə qədər yüksəlməsi müşahidə edilir.
Aparılan sorğu zamanı məlum olub ki, faizlər nəinki yüksəlib, ölkədə fəaliyyət göstərən 44 bankdan 7-si kreditləşməni yalnız manatla, 16-sı dollarla həyata keçirməkdədir. 14 bank isə ümumiyyətlə hər iki valyutada kredit verilməsini dayandırıb.
Bəzi bankların müştəriləri cəlb etmək üçün istifadə etdiyi üsullardan biri də "faizsiz" kredit kampaniyalarıdır. Belə ki, belə kampaniyalar zamanı müştərilərə həqiqətən də faizsiz kredit təklif edilir.
Ancaq banklar güzəştə getdikləri faizin əvəzini komissiya haqlarında artıqlaması ilə çıxırlar. Belə ki, kredit verilərkən müştərilərdən elə yüksək məbləğdə komissiya haqqı tutulur ki, bu kredit yüksək faizli kreditə çevrilir.
Məsələ ondadır ki, adi vaxtlarda nağd pul kreditini müştərilərinə 28-36 faizlə təklif edən bank görürsən 0 faizlə kredit təklif edir. Əvəzində bankdan krediti 1 il müdətinə götürən müştərilər kredit məbləğinin 17 faizi məbləğində, 2 illik müddətinə kredit götürənlər 28 faiz, krediti 3 il müddətinə götürənlər isə 38 faiz komissiya haqqı ödəməlidir. Müşahidələr göstərir ki, Azərbaycanda bankların komissiya haqları 2-8 faiz arasında dəyişir.
Yüksək faizlə kredit verən banklar az məbləğdə komissiya haqqı tutur. Aşağı faizlə kredit verən banklar isə bunun qarşılığında daha çox komissiya haqqı tutur. İstənilən halda, qazanan bank, əziyyəti çəkən isə müştəri olur. Başqa bir tərəfdən, Azərbaycanda banklar komission haqları müəyyən etməkdə sərbəstdir. Ancaq bizdən fərqli olaraq Avropa Birliyi bununla bağlı banklara limit qoyub. Banklar həmin limitdən artıq kreditdən komission haqq tuta bilməz. Analoji limitin Azərbaycanda tətbiqinə ekspertlər necə baxır?
Sözügedən məsələ ilə bağlı fikirlərini "Bakı-Xəbər"lə bölüşən iqtisadçı alim Əli Əlirzayev, prinsipcə, bunun tərəfdarı olduğunu bildirdi. Onun fikrincə, əvvəl-axır bu tənzimlənməlidir: "Hesab edirəm ki, Avropaya inteqrasiya olunmağı qarşımıza məqsəd qoymuşuqsa, orada tətbiq olunan iqtisadi instrumentlərdən istifadə etməliyik. Fikrimcə, analoji tənzimləyici standartlara biz də keçməliyik.
Çünki həqiqətən də Azərbaycanda verilən kreditlərdən tutulan komission haqlar yüksəkdir. Sahibkarlığın inkişafını istəyiriksə, şübhəsiz ki, bu məqamlara diqqət edilməlidir. Daxili iqtisadiyyatın inkişafında kiçik və orta sahibkarlığın rolu böyükdür.
Həmin sahibkarlıq subyektlərinin də sərfəli kredit resurslarına ehtiyacı böyük olur. Ancaq ölkədə həm istehlak, həm də biznes kreditlərinin komission haqları yüksəkdir. Ona görə də komission haqlara limit qoyulmalıdır ki, bəzi banklar bundan sui-istifadə etməsin. O üzdən bu təklifə normal baxıram və hesab edirəm ki, bunu Azərbaycanda da tətbiq etmək olar".

DİGƏR XƏBƏRLƏR

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...