Əcnəbi miqrant əməkçilər, ya özümüzünkülər...

Tarix: 16.03.2015 / 01:36
Bölmə: İqtisadiyyat

Azər Allahverənov: "Xarici ölkələrdən gələn əmək miqrantlarına müəyyən məhdudiyyət qoyula bilər"

"Onlar ucuz iş qüvvəsi kimi əmək bazarında ciddi problemlər yaradır"

Məlum olduğu kimi, artıq neçə ildir Azərbaycan miqrant verən yox, miqrantları qəbul edən ölkəyə çevrilib. Məlumata görə, hazırda ölkədə 200 mindən çox miqrant yaşayır. 2008-ci ildən bu yana ölkəyə gələn miqrantların sayı ildən-ilə artır. Miqrantlar əsasən Gürcüstan, İran, Rusiya, Ukrayna və Türkiyə vətəndaşlarıdır.
Statistikaya görə, ötən ilin noyabr ayında Dövlət Miqrasiya Xidmətinə ölkədə yaşamaq üçün 7725 nəfər müraciət edib. 64 min 56 nəfər isə olduğu yer üzrə qeydiyyat üçün müraciət edib. Yəni təxminən 70 mindən çox miqrant özünü bəyan edir. Bu, aysberqin görünən tərəfidir. Ölkədə çox sayda miqrant var ki, heç bir yerdə qeydiyyata düşmədən 3 ayda bir dəfə Gürcüstan sərhədindən və ya Rusiya sərhədindən keçərək təkrar ölkəyə daxil olur. 2014-cü ildə ümumi daxili məhsulda neftdənkənar bölmənin payı təxminən 6 faiz artıb ki, bu da çox sayda yeni iş yeri deməkdir. Həmin iş yerlərinin bir qismini xaricdən gələn miqrantlar tutur. İş yerlərinin digər bir qismi də geri qayıtmış əmək miqrantlarının hesabına tutulub. Təbii ki, ölkəyə bu qədər yeni işçi qüvvəsinin gəlməsi əmək bazarında müəyyən sıxlıq yaradır və Azərbaycan vətəndaşlarının bir qismi üçün iş tapmaqda çətinlik törədir. O da məlumdur ki, son aylar dünya bazarında neftin qiyməti kəskin şəkildə aşağı düşüb.
Bu da, istər-istəməz, müəyyən layihələrin təxirə salınmasına səbəb olub. Ona görə də yerli işçilərin əmək haqlarını qorumaq üçün xarici miqrantların ölkəyə gəlməsinə müəyyən məhdudiyyətlərin qoyulmasına ehtiyac var. Onsuz da müəyyən dövlətlər öz maraqları naminə belə qərarlar qəbul edir.
Məsələyə münasibət bildirən miqrantlar üzrə ekspert Azər Allahverənov prinsipcə bunu dəstəklədiyini bildirdi: "İş yerlərində vakansiyalar ilk növbədə Azərbaycan vətəndaşlarına təqdim edilməlidir. Belə bir vəziyyətdə milli maraqlar təmin olunmalıdır. Yəni sözügedən məsələ olduqca vacibdir. Xarici ölkələrdən gələn əmək miqrantlarına müəyyən məhdudiyyət qoyula bilər. İri layihələrin icrası zamanı xaricdən ölkəyə miqrant axını güclənir. Bir şeyi də nəzərə almaq lazımdır ki, Azərbaycana Rusiya qədər güclü miqrant axını yoxdur. Təxmini hesablamalara görə, ölkədə 20 min qanunsuz miqrant var. O üzdən, bu məsələ düzgün dəyərləndirilməlidir. Nəzərə almaq lazımdır ki, üçüncü dünya ölkələrindən Azərbaycana gələnlərin sayı on minlərlədir. Onlar ucuz iş qüvvəsi kimi əmək bazarında ciddi problemlər yaradır.
Biz bu cür miqrantları qəbul edərkən bir az diqqətli olmalıyıq. Ölkədə yeni iş yerlərinin, yeni iqtisadiyyat sahələrinin yaradılmasına yardım edəcək əmək miqrantlarını qəbul etməliyik.
Məsələn, turizmin, maşınqayırmanın, elektronika sənayesinin inkişafına təkan verəcək əmək miqrantlarına üstünlük verməliyik. Yoxsa saç ustalarının, şirniyyat bişirənlərin xarici olmasının bizə xeyri yoxdur".

DİGƏR XƏBƏRLƏR

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...