Mənzil bazarında bahalaşma sürətlənir

Tarix: 13.03.2015 / 01:06
Bölmə: İqtisadiyyat

Daşınmaz əmlak bazarında son vəziyyətin təhlili burada qiymətlərin hələ də artan xətt üzrə inkişaf etdiyini göstərir. Ümumiyyətlə, cari il ərzində ölkədə, xüsusən də paytaxt Bakıda mənzillərin qiymətində böyük artım gözlənir. Ekspertlər manatın ötən ay baş tutan devalvasiyasının da burada mühüm rol oynadığını bildirir.
Hazırda daşınmaz əmlak bazarında qiymət artımı davam edir. "MBA" Konsaltinq və Qiymətləndirmə şirkətinin prezidenti Nüsrət İbrahimovun sözlərinə görə, təkcə ötən ay bahalaşmanın orta həddi 2,13% olub. Fevralda ilkin mənzil bazarında qiymətlər 4,25% artıb. Nəticədə yeni mənzillərin hər kvadratmetrinin orta qiyməti 1374 manat olub. Nüsrət İbrahimovun sözlərinə görə, köhnə mənzillərin qiyməti isə 2% artıb. Hazırda təkrar mənzil bazarında hər kvadratmetrin orta qiyməti 2108 manatdır. Ötən ay Bakıda torpaq sahələrinin də qiyməti 5,15% artıb. Kommersiya obyektlərinin qiyməti isə 2,88% bahalaşmadan sonra hər kvadratmetr üçün 4418 manat təşkil edib. Nüsrət İbrahimov daşınmaz əmlak bazarında bahalaşmanı müxtəlif səbəblərlə izah edir. Onun sözlərinə görə, son vaxtlar qiyməti aşağı olan, kiçik ölçülü mənzillər sürətlə alınıb və hazırda bazarda daha çox böyük ölçülü, bahalı mənzillər satılır. Eyni vəziyyət torpaq və kommersiya obyektləri bazarında da hökm sürür. Bununla belə, bahalaşmaya ötən ay manatın kəskin ucuzlaşdırılması da təsir edib. Rusiya və digər ölkələrdə olduğu kimi qiymətlər dollarla aşağı düşsə də, milli valyuta ilə qalxıb. Araşdırmalar göstərir ki, valyuta məzənnələrinin dəyişməsindən narahat olan şəxslərin bir hissəsi pullarını qorumaq üçün vəsaitlərini əmlak bazarına, əsas etibarı ilə də mənzil, ev və obyektlərə yatırmağa başlayıb. Burada diqqət çəkən daha bir məqam odur ki, alıcılar əsasən köhnə binalardan mənzil almağa üstünlük verir. Köhnə evlərin yeni mənzillərə nisbətən daha çox alınmasının isə bir neçə səbəbi var. Səbəblərdən birincisi odur ki, alıcılar üçün belə mənzillərin qiyməti daha əlçatandır. Alıcı kontingentinin böyük hissəsinin də tələbi məhz həmin seqmentdə formalaşır. İkinci səbəb köhnə mənzillərdə sənədləşmənin problemsiz olmasıdır. Yəni həmin evlərin sənədlərinin qaydasında olmasıdır. Üçüncü isə, infrastrukturun mükəmməlliyi ilə bağlıdır. Bu amillər hamısı son nəticədə ona gətirib çıxarır ki, köhnə mənzillərə tələb daha yüksək şəkildə formalaşır. Qeyd edək ki, 1 kvadratmetrin dəyəri köhnə evlərə nisbətən ucuz olsa da, ümumi sahə böyük olduğundan, bu, son nəticədə mənzilin qiymətinin yüksək olmasına gətirib çıxarır. Əhalinin təzə binalardakı evlərə az maraq göstərməsindəki birinici əsas səbəb məhz budur. İkinci tərəfdən, belə evlərin sənədləşməsi məsələsi problemli olur. Üçüncü səbəb isə odur ki, infrastrukturun yetərincə inkişaf eləməməsi bu seqmentdə satışa təsirsiz ötüşmür. Maklerlər də bildirir ki, yeni binalardakı mənzillərin cəlbedici görünüşlərinə, geniş və işıqlı otaqlarına və müasir dizaynına baxmayaraq, alıcılar arasında köhnə binalardakı mənzillərə tələbat daha böyükdər, nəticədə satışa çıxarılanda da belə mənzilləri daha tez satmaq mümkün olur.
Beləliklə, paytaxtın daşınmaz əmlak bazarında ötən ilin sonundan başlayan qiymət artımı hazırda yüksələn xətt üzrə gedir. Ekspertlər indiki vəziyyətdə mənzil bazarında qiymət artımını əsasən iki səbəblə əlaqələndirir. Bunlardan biri mülkiyyətçilərin daşınmaz əmlak bazarındakı ajiotajdan istifadə etməsi və nəticədə bazarda satılıq mənzillərin azalmasıdır. Yəni insanlar əmlakı bazardan çıxararaq bir müddət sonra daha baha qiymətə satmaq niyyətindədir. Belə olan halda da tələblə təklif bir-birinə uyğun gəlmir.
Ikinci səbəb kimi süni spekulyasiya ilə bağlı amillər əsas gətirilir. Söhbət ondan gedir ki, mülkiyyətçilər satışa çıxardıqları əmlakın qiymətini süni şəkildə qaldırır. Bu da nəticə etibarı ilə evlərin bazarda daha yüksək qiymətlə təklif olunmasına gətirib çıxarır.
Qiymətlərin artımına vergi məsələsi də təsir edir. Qeyd edək ki, daşınmaz əmlakın satışı zamanı iki növ vergi ödənməlidir. Bunlardan biri əmlakın alındığı qiymətlə satıldığı qiymət arasında yaranan fərqdən, başqa sözlə, gəlirdən tutulan gəlir vergisi, digəri isə əlavə dəyər vergisidir. Xatırladaq ki, vergi ödəyicisi üç ildən az yaşadığı əsas yaşayış yerini, əmlakını satırsa, əmlakı aldığı qiymətlə satdığı qiymət arasındakı fərqdən gəlir vergisi ödəməlidir.
Gəlir vergisinin hesablanması mexanizmi isə belədir: 30 min manata qədər olan gəlirdən 14%-lə, 30 mindən artıq olduqda isə 25%-lə vergi tutulur. Vətəndaşın bir neçə evi varsa, onun yalnız biri, üç ildən çox yaşadığı ev vergidən azaddır. Qalanları istənilən halda vergiyə cəlb olunur. Kommersiya obyektlərindən tutulan vergi isə daha yüksək olacaq.
Daşınmaz əmlakın satışı zamanı əlavə dəyər vergisi də tutulacaq. Amma bu vergi növü dəyəri 120 min manatdan artıq əmlaklara şamil olunur. Bu zaman əmlakın qiymətinin 18%-i büdcəyə ödənməlidir. Ekspertlərin fikrincə, bu hal da qiymətlərin artımına təsirsiz ötüşmür. Xüsusən də alverçilər belə vəziyyətdə qiymətləri daha çox artırır.

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...