Bağlanmaq təhlükəsi olan dörd bankın adı hələ açıqlanmır

Tarix: 12.03.2015 / 02:32
Bölmə: İqtisadiyyat

"50 milyonluq" tələbi ödəməyənlər kimdir?
Məlum olduğu kimi, cari ilin əvvəlindən etibarən ölkədə fəaliyyət göstərən bütün bankların nizamnamə kapitalı minimum 50 milyon manata çatdırılmalı idi. Lakin real vəziyyət heç də bütün bankların bu xüsusda tələblərə əməl edə bilmədiyini göstərir. Əslində, əvvəldən də belə proqnozlaşdırılırdı ki, heç də bütün kommersiya banklarının Mərkəzi Bankın yeni nizamnamə kapitalına dair tələblərini həyata keçirmək imkanı yoxdur.
Bu onunla bağlı idi ki, kommersiya banklarının bir qisminin nizamnamə kapitalı olduqca azdır. Nizamnamə kapitalı az olduğu üçün onların qısa zamanda bu kapitalı ifadə edən məbləği 50 milyona qədər artırması praktiki olaraq mümkün deyildi. Aparılan araşdırmalar da göstərirdi ki, Mərkəzi Bankın nizamnamə kapitalının artırılması ilə bağlı qərarına mövcud bankların hamısı əməl edə bilməyəcək.
Ekspertlər qeyd edir ki, xüsusən də istehlak kreditlərinin məhdudlaşdırılması bankların fəaliyyətinə birbaşa təsir göstərib. Nəticədə məlum olub ki, indiki vəziyyətdə Azərbaycanda 4 bankın məcmu kapitalı 50 milyon manatdan aşağıdır. Mərkəzi Bankın (MB) 2015-ci ilin yanvar ayı hesabatında müəyyən olunmuş limitdən, yəni məcmu kapitalı 50 milyon manatdan yuxarı olan bankların sayı da əks olunub. Belə ki, məcmu kapitalı 50 milyon manatdan 60 milyon manatadək olan bankların sayı 23-dür. 9 bankın isə məcmu kapitalı 60 milyon manatdan 100 milyon manata qədərdir. Bununla yanaşı, 9 bankın məcmu kapitalı 100 milyon manatdan yuxarıdır. Bu bankların məcmu kapitalının ümumi bank kapitalında xüsusi çəkisi isə 57,3% təşkil edir.
Bir daha qeyd edək ki, Mərkəzi Bank ölkədə fəaliyyət göstərən banklar qarşısında 2014-cü ilin sonuna kimi nizamnamə kapitalını 50 milyon manata qaldırmaq tələbini qoyub. Yəni nizamnamə kapitalı 50 milyon manatdan aşağı olan bankların fəaliyyəti dayandırıla bilər. Bu vəziyyətdə istisna edilmir ki, məcmu kapitalı 50 milyon manatdan aşağı olan 4 bankın fəaliyyəti dayandırılsın. Ekspertlər hesab edir ki, qeyd edilənlər fonunda banklara əmanət yatıran şəxslər kifayət qədər ehtiyatlı olmalıdır. Çünki bağlanan banklarda sığorta olunmayan əmantələrin geri qaytarılması heç də asan məsələ deyil.
Bununla belə, məsələyə nikbin mövqedən yanaşanlar da var. Məsələn, ekspert Samir Əliyev qeyd edir: "Mərkəzi Bank banklara dekabrın 31-nə qədər vaxt vermişdi. Hazırda mart ayıdır. İlkin məlumatlara görə, bağlanma təhlükəsində olan 4 bankın adı hallanır. Amma bankların adı açıqlanmır. Banklarla bağlı qərar verilməməsinin səbəbi odur ki, görünür, Mərkəzi Bank bu müddəti bir qədər də uzadıb. Banklara vaxt verib ki, qısa müddətdə bu məsələni həll etsinlər. Söhbət ondan gedir ki, devalvasiyadan sonrakı proseslər bankların vəziyyətini daha da pisləşdirdi. Həmçinin, xarici valyutada olan kreditlərin qaytarılması ilə bağlı məsələlər vəziyyəti daha da ağırlaşdırdı. Əgər hökumət qərar qəbul etsə ki, xarici valyutadakı kreditlər köhnə məzənnə ilə ödənilsin, bu, avtomatik olaraq bankların məcmu kapitalına zərbə vuracaq. Banklarda Mərkəzi Bankın qoyduğu normativ aşağı düşəcək. Ona görə də bu, vəziyyəti daha da mürəkkəbləşdirəcək. Burada başqa problemlər də var. Ümumi götürəndə, banklar üçün çox çətin situasiya yaranıb. Müvafiq tədbir görülməsə, bankların bağlanması məsələsi reallığa çevriləcək".
Çətin vəziyyətdə olan bankların birləşməsi zəruri sayılır. Hesab edilir ki, banklar bazarda rəqabət apara bilmirlərsə, onlar özü birləşməlidir. Ekspertlərə görə, bazarda indiki 45 əvəzinə 20 bank yetərlidir. Amma birləşmə prosesi bazardan gəlməlidir. Qeyd edək ki, Mərkəzi Bankın məcmu kapitalla bağlı tələbinin arxasında bank sektorunun gücləndirilməsi ilə yanaşı, bankların sayının azaldılması dayanır. Onu da bildirək ki, ziyanla işləyən bankların birləşdirilməsi bu bankların əhalinin qarşısındakı öhdəliklərinə təsir göstərməyəcək.
Belə ki, vətəndaşın bu banklardan hər hansı birində olan əmanəti birləşmədən sonra avtomatik olaraq vahid bankın səlahiyyətinə keçir. Götürdükləri kreditlər, mövcud kredit şərtləri də digər bankın funksiyasına keçəcək. Kredit şərtləri, faizləri eyni qaydada davam etdiriləcək. Bununla da bankların birləşdirilməsi nə bankın vətəndaş qarşısında öhdəliyinə, nə də bankların kredit şərtlərinə təsir edəcək. Ümumiyyətlə, bankların birləşdirilməsi indiki halda müsbət xarakter daşıyır.
Çünki bankların bir qismi ziyanla işləyir və bu banklar ya birləşdirilməlidir, ya da müflis olmalıdır. Həmin bankların müflis olması indiki halda bank sektoru üçün məqbul deyil. Bankların birləşməsi sözügedən sektorun güclənməsinə, banklar arasında daha ciddi rəqabətin aparılmasına gətirib çıxaracaq. Lakin hələlik bankların birləşməsi istiqamətində heç bir addım atılmır.

DİGƏR XƏBƏRLƏR

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...