Sığorta şirkətlərinin daha bir fırıldağı üzə çıxdı

Tarix: 10.03.2015 / 01:31
Bölmə: İqtisadiyyat

Sığorta bazarında çox vaxt ziddiyyət predmetinə çevrilən məsələlərdən biri də qəza zamanı sığorta şirkəti tərəfindən ödənişlərin edilməsində müəyyən problemlərin yaradılmasıdır. Bu hala qarşı mübarizə aparılsa da, problemin tam aradan qalxdığını söyləmək olmaz. Xüsusən də sığorta agentlərinin problem yaratması barədə məlumatlara tez-tez rast gəlinir. Bazarda bəzi sığorta agentlərinin müştərilərə qarşı möhtəkirlik etməsi Maliyyə Nazirliyi tərəfindən də təsdiq edilir.
Nazirlik keçən ilin sonlarında və bu ilin birinci ayında 40-dan çox sığorta agentini lisenziyadan məhrum edib. Bu barədə verilən rəsmi məlumatda həmin sığorta agentlərinin müştərilərə borclu qalması, yanlış məlumatlar verməsi, onları aldatması və sair vurğulanır. Azərbaycan Sığortaçılar Assosiasiyası da yaxın zamanlarda bu cür sığorta agentlərinin qara siyahısının hazırlanacağı barədə məlumat verib.
Bu arada sığora ilə bağlı daha bir fırıldaqçı hal barədə məlumat yayılıb. Belə ki, Azərbaycanda sığorta ilə bağlı yaranan mübahisələrdən biri də qəza zamanı sığorta şirkətlərinin apardığı videoçəkiliş, səs yazısı, eyni zamanda telefon danışıqlarının qeydə alınmasıdır. Sığorta şirkətlərinin qəza ilə bağlı videoçəkiliş aparması prinsipcə qanunidir. Söhbət qəza zamanı sığortalının görüntülərinin, səs yazılarının qeydə alınmasından gedir. Sığortalıların və ya qəzaya düşən sürücülərin icazə alınmadan yazılan belə görüntü və səs yazıları sonradan sübut kimi istifadə olunaraq sığorta ödənişlərinin imtinası üçün əsasa çevrilir. Sığorta mübahisələri ilə məşğul olan ekspertlər bildirir ki, bəzi hallarda videoçəkiliş və səs yazısı ilə bağlı sığortalıya xəbərdarlıq edilsə də, əksər hallarda çəkilişlər qanunsuz olaraq aparılır. "Mitra" hüquq şirkətinin rəhbəri Muxtar Şiriyev "fins" portalına bildirib ki, belə sığorta mübahisələri çoxdur. Əksər sığorta şirkətləri qanunsuz videoçəkiliş aparmaqla, sığortalının danışıqlarının səs yazısını qeydə almaqla onların hüquqlarını pozur. Daha sonra sığortalının icazəsiz yazılan səs və görüntüləri sığorta ödənişindən imtinaya əsas olaraq da qeyd edilir.
Onun sözlərinə görə, il ərzində müraciət edilən 15 sığorta mübahisəsindən 7-8-də sığorta şirkətlərinin belə qanunsuzluqlara yol verdiyi müəyyən edilib: "Sığorta şirkətlərindən birində şəxsin icazəsi olmadan telefon danışıqları qeydə alınıb. Və buna əsasən sığorta ödənişindən imtina edilib". M.Şiriyev qeyd edib ki, hətta bəzi hallarda qanunsuz yazılan belə sübutlar məhkəməyə də təqdim edilir. Məhkəmə sübutların qanunsuz olaraq yazıldığını müəyyən etdikdə görüntü və səs yazılarının dəlil kimi istifadəsindən imtina edir. Məsələni hüquqi tərəfdən izah edən "LS Consulting" şirkətinin əməkdaşı Cavid Məhərrəmov da bildirib ki, sığortalının icazəsi olmadan onun görüntülərinin və danışıqlarının yazılması qadağandır. Onun sözlərinə görə, ölkə konstitusiyasının 32.3 maddəsinə əsasən, öz razılığı olmadan kimsənin şəxsi həyatı haqqında məlumatın toplanmasına, saxlanmasına, istifadəsinə və yayılmasına yol verilmir: "Heç kəs başqasının xəbəri olmadan və ya etirazına baxmadan izlənə bilməz. Video və foto çəkilişinə, səs yazısına və digər bu cür hərəkətlərə məruz qoyula bilməz. Lakin məhkəmə qərarı olduğu və digər hallarda, eyni zamanda şəxs icazə verdikdə görüntü və səs, o cümlədən telefon danışıqları yazıla bilər". C.Məhərrəmov belə sənədlərin yayılmasının, satılmasının və başqasına verilməsinin cinayət olduğunu deyir: "Cinayət Məcəlləsinin 156-cı maddəsinə əsasən, şəxsi həyatın toxunulmazlığını pozanlar 100 manatdan 500 manatadək miqdarda cərimə və ya 240 saatadək ictimai iş və ya bir ilədək müddətə islah işləri ilə cəzalandırılır. Eyni əməllər vəzifəli şəxs tərəfindən törədildikdə 3 ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə və ya 2 ilədək müddətə azadlıqdan məhrum etmə ilə cəzalandırılır".
Lakin fırıldağa heç də bütün sığorta şirkətləri tərəfindən yol verilmir. Bunu sığorta ödənişlərinin artması da təsdiq edir. Keçən ilin statistikasına görə, sığorta şirkətləri bu sahədən topladıqları hər 100 manatın 65 manatını müştərilərinə geri qaytarıblar. Yəni 939 min 283,8 manat sığorta mükafatı yığan şirkətlər müştərilərə sığorta halları üzrə 614 min 725,39 manat ödəyiblər. Statistikaya əsasən, 2014-cü ildə bu məsələdə kəskin sıçrayış olub və şirkətlər ödəniş səviyyəsini 3 dəfə artırıblar.
2013-cü ildə isə sığorta şirkətləri avtonəqliyyat vasitəsi sahiblərinin mülki məsuliyyətinin könüllü sığortası üzrə topladıqları hər 100 manatın yalnız 22 manatını müştərilərə qaytarmışdılar.

DİGƏR XƏBƏRLƏR

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...