Bank kreditini pul islahatına qədərki qrafiklə ödəyənləri nə gözləyir?

Tarix: 05.03.2015 / 02:34
Bölmə: İqtisadiyyat

Samir Əliyev: "Kompromis variantlar tapılmalı və banklar güzəşt etməlidir"

"Bütün valyuta kreditləri olmasa da, istehlak kreditlərinin zərərini dövlət üzərinə götürməlidir"

Müşahidələrə görə, banklar müştərilərdən yeni məzənnə əsasında kredit öhdəliklərinin yerinə yetirilməsini tələb edir. Ancaq buna baxmayaraq, müştərilər ödənişi köhnə qaydada həyata keçirir.
Məsələn, əvvəl 1000 manat kredit götürən şəxs aylıq kredit borcunu 40 manatla ödəyirdisə, məzənnə dəyişikliyindən sonra bu 55 manat olmalıdır. Vətəndaşlar qanunvericiliyə əsaslanaraq köhnə məzənnə ilə ödəniş edir. Hər iki tərəf özünü haqlı sayır. Ancaq problem həll olunmamış qalır. Ümumilikdə, aşağı-yuxarı, banklardan kənar bütün rəylər üst-üstə düşür. Çünki hamının bu və ya digər formada bank qarşısında kredit öhdəliyi var.
Onu da qeyd edək ki, bankların kredit şəklində verdiyi pulun çox az hissəsi bankın kapitalına məxsusdur. Həmin vəsaitin yarısını əhalinin qoyduğu əmanətlər təşkil edir. Bura xarici öhdəlikləri və Mərkəzi Bankın mərkəzləşdirilmiş kreditlərini əlavə etmək olar. Yanvarın əvvəlinə olan məlumata görə, bank əmanətlərinin 38,5 faizini xarici valyuta təşkil edir. Söhbət 3,5 milyard dollarlıq vəsaitdən gedir. Həmin vəsaiti banklar faizlərlə birlikdə əhaliyə qaytarmalıdır. Bankların xarici öhdəlikləri isə 6,3 milyard dollardır.
Maraqlıdır, əhali banklara olan kredit borcunu əvvəlki şərtlər daxilində qaytarmaqda davam etsə, bu hansı problemlərə gətirib çıxaracaq? Ekspertlər çıxış yolunu nədə görür?
Məsələyə münasibət bildirən iqtisadçı-ekspert Samir Əliyevin sözlərinə görə, proses bu cür davam etsə, müəyyən problemlər yaranacaq: "Banklar köhnə məzənnə ilə kreditləri qəbul etməyə vadar edilsə, zərəri ödəmək üçün banklar kapitalına müraciət etməli olacaq. Kapitalın azaldılması baş verəcək. Nəticədə həm Mərkəzi Bankın normativlərini pozacaq, həm də xarici banklar qarşısında götürdükləri öhdəlikləri pozmuş olacaqlar. Bank sistemi çöksə, bu heç də təkcə 6 milyondan çox əmanətçinin probleminə çevrilməyəcək. Bunun zərbəsi hamıya dəyəcək. Ona görə də kompromis variantlar tapılmalı və banklar güzəşt etməlidir. Heç olmasa kreditin ödənilmə müddətini uzatmaqla və illik faiz dərəcəsini bir qədər aşağı salmaqla müştərilərə güzəştə gedə bilərlər. Artıq belə təşəbbüslər var. Hökumət də, öz növbəsində, banklara dəstək verməlidir. Bütün valyuta kreditləri olmasa da, istehlak kreditlərinin zərərini dövlət üzərinə götürməlidir. Hazırda xarici valyuta kreditlərinin 35 faizi istehlak kreditlərinin payına düşür. Söhbət təxminən 2,3 milyard dollara yaxın vəsaitdən gedir.
Həmin vəsait köhnə məzənnə ilə ödənilsə, banklar əlavə olaraq 380 milyon manata yaxın zərərə düşər. Dövlət bu vəsaiti banklara vergi güzəşti və ya maliyyə yardımı şəklində ödəməlidir. Əks halda, ölkə iqtisadiyyatını böhrandan qurtarmaq üçün daha çox pul xərcləməli olacaq və bunun səmərəsi indikindən də az olacaq".

DİGƏR XƏBƏRLƏR

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...